Gríma - 01.09.1938, Síða 55

ÓSPEKTIR ENGLENDINGA VIÐ SKJÁLFANDA 53
„Snake“ til Akureyrar til þess að rannsaka málið.
Mun hann hafa verið eitt af fyrstu eimskipunum,
sem til Akureyrar kom, ef ekki fyrst allra. Fékkst
síðan einhver leiðrétting þessara mála.
í júlímánuði 1862 skutu Englendingar æðarfugl á
eggjum í Hrísey, og um líkt leyti rændu Flandrar
tveimur kindum í Hvanndölum við Ólafsfjörð.
í byrjun septembermánaðar 1866 lágu þrjú ensk
fiskiskip í Húsavíkurhöfn; voru tvö þeirra frá Lund-
únum, en eitt frá Hjaltlandi. Margir af Hjöltum fóru
í land, drukku sig ölvaða og gerðust þá umfangs-
miklir; tóku þeir hesta ferðamanna og riðu þeim til
og frá, þrátt fyrir bann eigendanna. Um kvöldið
gerðu þeir sig líklega til að brjóta upp verzlunar-
húsin og mölvuðu glugga, en þegar Þorsteinn Jóns-
son sýslumaður skarst í leikinn, hurfu þeir aftur frá
því og leituðu skips. Var fátt karla heima á Húsavík
um þessar mundir, en margir bjuggust við að Hjalt-
ar mundu sækja sér liðsstyrk út í skipin og freista
aftur landgöngu, enda fullyrti Færeyingur nokkur,
er með þeim var, að svo hefði verið. Var þá sent út
á Tjörnes eftir mönnum; urðu þeir nítján saman og
höfðu sjö þeirra byssur að vopnum. Stóðu þeir á
verði alla nóttina eftir og áræddu þá Hjaltar ekki að
gera þeim heimsókn, en öll skipin sigldu aftur út að
morgni.
1 júnímánuði 1871 gengu einhverjir útlendir sjó-
menn á land í Keflavík við Gjögur. Var þar ekki
annað fólk heima en konan, ungur piltur og ung
stúlka. Urðu þau hrædd við gestkomuna og lokuðu
bænum, en sjómennirnir brutu hann upp, ruddust
inn og létu ófriðlega; otuðu þeir hnífum og byssu að
fólkinu, og segja ýmsir, að þeir hafi ætlað að beita