Bændablaðið - 21.07.2016, Qupperneq 48
48 Bændablaðið | Fimmtudagur 21. júlí 2016
Jóhann Pálmason og Lára Odd-
steins dóttir keyptu Skammadal 2
og 45 prósenta hlut af Skammadal
1 af þeim bræðrum Guðgeiri og
Árna Sigurðssonum í júní árið
2014 og fluttu þangað í lok desem-
ber það sama ár. Með í kaupunum
fylgdu 7 kýr og 14 ær. Fyrir áttu
þau um 40 kindur og nokkur hross.
Býli: Skammidalur 1 og 2.
Staðsett í sveit: Í Mýrdalshreppi,
Vestur-Skaftafellssýslu.
Ábúendur: Jóhann Pálmason og
Lára Oddsteinsdóttir
Fjölskyldustærð og gæludýr:
Saman eigum við synina Daða
Stein, 8 ára og Andra Berg, 6 ára,
fyrir átti Jóhann dótturina Hörpu
Rún, 19 ára, sem býr á Suður-Fossi
hér í sveit og Lára átti Þuríði Ingu,
18 ára og Sigurð Ásgrím, 15 ára,
sem búa hér í Skammadal.
Hundurinn á bænum heitir Skotta
Stærð jarðar? Ræktað land tæpir
30 ha, óræktað mýrlendi um 70 ha,
auk þess óskipt heiðarlendi.
Gerð bús? Nautgripir, sauðfé og
ferðaþjónusta.
Fjöldi búfjár og tegundir? Í dag
eru nautin tæplega 80, rúmlega 100
kindur, 9 hross, 10 hænuungar og
1 hundur.
Hvernig gengur hefðbundinn
vinnudagur fyrir sig á bænum?
Gegningar alla daga í fjósi og
fjárhúsi þegar féð er á gjöf.
Ferðaþjónustan er svo í miklum
uppgangi hér í Mýrdalnum og njót-
um við góðs af því, svo henni þarf
að sinna því eftir því sem bókanir
segja til um. Við vinnum svo af og
til eitthvað utan bús.
Skemmtilegustu/leiðinlegustu
bústörfin? Okkur finnst öll bústörf
vera skemmtileg.
Hvernig sjáið þið búskapinn fyrir
ykkur á jörðinni eftir fimm ár?
Svipað og í dag nema aðeins fleiri
nautgripir, eftir að við höfum breytt
fjósinu öllu í lausagöngu.
Hvaða skoðun hafið þið á
félagsmálum bænda? Fylgjumst
lítið með þeim og getum þar af
leiðandi litla skoðun haft á þeim.
Hvernig mun íslenskum land-
búnaði vegna í framtíðinni? Við
teljum að honum muni vegna vel,
ef passað verður áfram upp á heil-
næmi og hreinleika afurða.
Hvar teljið þið að helstu tæki-
færin séu í útflutningi íslenskra
búvara? Meiri og markvissari
markaðssetning á heilnæmum
afurðum, bæði nauta- og sauðfjár-
afurðum.
Hvað er alltaf til í ísskápnum?
Mjólk, ostur, ab-mjólk og smjör.
Hver er vinsælasti maturinn á
heimilinu? Sumir myndu vilja
kjötsúpu í öll mál, aðrir pitsu, en
húsbóndinn myndi aldrei velja fisk
fengi hann matseðlinum ráðið.
Eftirminnilegasta atvikið við
bústörfin? Ætli það sé ekki þegar
við slepptum fénu okkar á nýja
heimahaga haustið 2014 og fyrstu
nautkálfarnir komu í fjósið. Annars
var allt árið 2014 eftirminnilegt,
þráláti draumurinn um búsetu í
sveit rættist loksins.
Líf og lyst
BÆRINN OKKAR
Plokkfiskur í skyrrúgbrauði og Omnom-súkkulaði á ítalskri matarhátíð
Laugardaginn 9. júlí síðastliðinn
var matreiðsluhátíðin „Chef Portico
2016“ haldin í Portico di Romagna
á Ítalíu. Heiðursgestur hátíðar-
innar var Michelin-kokkurinn
frá Malmö, Tweety Qvarnström.
Sænski kokkurinn er eigandi
Bloom í Park í Malmö, sem á síð-
asta ári eldaði meðal annars fyrir
Nóbelsverðlaunahafa. Þrettán mat-
reiðslumenn tóku þátt í hátíðinni
og þar á meðal tveir frá Íslandi
– undirritaður og Georg Arnar
Halldórsson, yfirmatreiðslumaður
á Kolabrautinni í Hörpu. Við kynnt-
um klassíska íslenska rétti en settum
þá í nýstárlegan búning. Íslenskri
plokkfiskuppskrift var vel tekið
ásamt súkkulaðirétti frá Omnom.
Kokkarnir komu víða að og
elduðu undir sólhlífum
Fjöldi kokka víða að úr Evrópu
eldaði undir sólhlífum fyrir gesti
ásamt staðbundnum herrum,
rekstraraðilum eina hótels og
veitingahúss bæjarins, pabba Gianni
Cameli og bræðrunum Massimilaino
og Matteo.
Formúlan á hátíðinni var ekki
breytt eftir áralanga hefð. Á Via
Roma, aðalgötu Portico di Romagna,
þar sem að jafnaði búa um 300 íbúar,
eru sett borð fyrir 1.000 sælkeragesti
sem vilja smakka alþjóðlega rétti í
bland við klassíska rétti. Hver gestur
velur, spjallar og skoðar uppskriftir
og aðferðir og velur sér eins marga
rétti og hann kýs. Gestirnir kaupa
miða fyrir hvern rétt (€ 7.00 hver)
og líka fyrir vínglösin (€ 3,00 og
gestir fá flott glerglas með € 5,00
tryggingu). Skemmtileg hátíð sem
íslensk sveitarfélög gætu tekið sér
til fyrirmyndar.
Plokkfiskur vafinn í skyrrúgbrauð
Undirbúningstími: 10 mínútur
Eldunartími: 15 mínútur
› 500 g ýsa eða þorskur (eldaður)
› 500 g kartöflur (soðnar og skrældar)
› 1 hvítur laukur, fínt hakkaður
› 350 ml mjólk
› 55 g smjör
› 3 matskeiðar hveiti
› salt og svartur pipar
› 2 matskeiðar graslaukur eða aðrar
ferskar kryddjurtir til skrauts
Aðferð
1) skinn- og beinlaus fiskurinn er
soðinn og brotinn í flögur.
2) Skrælið og skerið niður kartöflur.
3) Sjóðið mjólkina hægt upp í potti.
4) Í öðrum potti bræðið smjör og
eldið laukinn yfir miðlungs hita. Ekki
leyfa honum að brúnast.
5) Stráið hveiti yfir laukinn, hrærið
vel og eldið í 1–2 mínútur. Smám
saman bætið við heitri mjólkinni og
hrærið stöðugt. Látið malla í 3–4
mínútur, hrærið oft og vel á meðan.
6) Bætið í soðnum þorski eða
ýsuflögum og hrærið rösklega til að
brjóta upp fiskflögurnar. Kryddið
með salti og mikið af svörtum pipar.
7) Bætið við kartöflum og hrærið
varlega. Eldið yfir lágum hita þar til
plokkfiskurinn er hitaður í gegn.
Sumir vilja baka plokkfiskinn í
ofni (með viðbættum osti) eða
rúlla honum upp eins og var gert
á matarhátíðinni í Ítalíu. Þá er gott
að leggja þunnskorið rúgbrauðið á
plastfilmu eða smjörpappír og rúlla
upp eins og burrito.
Soðið rúgbrauð með skyri
› 125 g rúgmjöl
› 70 g hveiti
› 80 g heilhveiti
› 250 ml skyr
› 160 ml síróp
› 1 tsk. matarsódi
› 1 tsk .salt
Allt hrært saman. Deilist í þrjár
niðursuðudósir (eða glerkrukkur með
loki). Smyrjið niðursuðudósirnar að
innan og setjið smjörpappír í botninn.
Fyllið dósirnar til hálfs með deiginu.
Setjið þær í pott og látið vatn ná upp
á miðjar dósirnar. Leyfið suðunni að
koma upp og lækkið þá á minnsta
straum og sjóðið í um 2–4 klst. Hægt
er að nota súrmjólk í staðinn fyrir
skyr.
Framreiðið þunnar sneiðar með
mjúkum plokkfisk og skreytið með
kryddjurtum og kryddjurtabættu
íslensku smjöri.
Omnom ganache-súkkulaðikrem
› 50 g mjólk
› 70 ml rjómi
› 50 g eggjarauður
› 40 g sykur
› 165 g 32% ljóst súkkulaði (eða 250 g
hvítt súkkulaði)
› 10 g kakóduft (sleppa ef notað er hvítt
súkkulaði)
Aðferð
Látið rjómann og mjólkina sjóða.
Blandið sykri og eggjarauðu. Hitið
að 85°C (nær suðu).
Hellið yfir 32% súkkulaði til að gera
ganache (súkkulaðikrem). Bætið í
kakódufti. Setjið í sprautupoka og
fyllið í glös. Berið fram með ferskum
og frosnum hindberjum eða komið
og smakkið réttinn á Kolabrautinni!
Undir ítölsku sólinni var kremið
borið fram með hvítu Omnom-
súkkulaði með malti, rauðrófusafa
með ólífuolíu, íslensku sjávarsalti,
ferskum kryddjurtum og frosnum
muldum hindberjum.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Skammidalur 1 og 2
Fjölskyldan við fermingu Sigurðar Ásgríms árið 2015. Íbúðarhúsið í Skammadal.