Bændablaðið - 25.02.2016, Blaðsíða 56

56 Bændablaðið | Fimmtudagur 25. febrúar 2016
Við tókum við af foreldrum
Péturs Davíðs, þeim Sigurði
Oddi Péturssyni og Bergdísi Línu
Jóhannsdóttur, um áramótin 2012–
2013. Auður er hins vegar fædd og
uppalin í Magnússkógum í Dölum,
dóttir Guðbjörns Guðmundssonar
og Jóhönnu Bjargar Jóhannsdóttur.
Það var einmitt á haustfagnaði
sauðfjárbænda í Dölum sem við
kynntumst fyrst.
Pétur er menntaður pípari og vél-
smiður og hefur það komið sér vel
með bændastörfunum. Búland er land-
námsjörð og var kirkjujörð til ársins
1898. Hér stendur enn kirkjugarður
sem reynt er að halda við. Við höfum
stækkað fjósið lítillega og fjölgað fénu
ásamt því að gera upp gömul fjárhús
og taka í notkun. Núna standa yfir
framkvæmdir á hesthúsi sem kemst
vonandi í gagnið sem fyrst.
Býli: Búland.
Staðsett í sveit: Búland er efsti bær í
austanverðri Skaftártungu við Nyrðra-
Fjallabak.
Ábúendur: Auður Guðbjörnsdóttir
og Pétur Davíð Sigurðsson.
Fjölskyldustærð (og gæludýra):
Börnin eru þrjú; Elva Marín, 12 ára,
Sigurbjörn Ási, 2 og hálfs árs og
Bergrós Hanna, 10 mánaða. Og ætli
maður verði ekki að láta hamstra-
kvikindið fylgja með.
Stærð jarðar? Það er pínulítið
flókið mál þar sem um þrjár jarð-
ir er að ræða, Búland, Svartanúp
og svo eigum við líka hlut í
Búlandsseli. Samtals eitthvað um
10.000 ha.
Gerð bús? Við erum með blandað
bú. Kýr, sauðfé og nokkur hross.
Fjöldi búfjár og tegundir? 16
bása fjós, auk 30 geldneyta, 500
kindur, nokkur hross og hundinn
Lýru frá Gröf.
Hvernig gengur hefðbundinn
vinnudagur fyrir sig á bænum?
Mjaltir og gjafir kvölds og morgna
ásamt alls konar tilfallandi ves-
eni hjá bóndanum. Húsmóðirin er
mest í því þessa dagana að sjá um
mjaltir innandyra og elta börnin
upp um allt.
Skemmtilegustu/leiðinlegustu
bústörfin? Skemmtilegustu störf-
in er heyskapur þegar vel gengur
og vélar haldast í lagi og smala-
mennskur hjá bóndanum á vélfáki en
húsmóðurinni á alvöru smalafáki af
gömlu gerðinni.
Fyrsta smölun er alltaf skemmtileg
og alltaf ákveðin spenna sem fylgir
því að sjá hvernig féð hefur dafnað á
fjalli. Leiðinlegast er þegar blessaða
rúlluvélin bilar og að eltast við rollur
sem finnst hvergi betra að vera en inni
á túnum.
Hvernig sjáið þið búskapinn
fyrir ykkur á jörðinni eftir fimm
ár? Alla húsakosti í betra standi
og betri útkomu bæði af sauðfé og
kúm. Og svo að sjálfsögðu miklu
fleiri hross og tamningar og þjálf-
un í blóma.
Hvaða skoðun hafið þið á félags-
málum bænda? Skemmtilegustu
félagsmálin eru sennilega á
Snapchat þar sem við fylgjumst
með ungum bændum á hverjum
degi.
Hvernig mun íslenskum landbún-
aði vegna í framtíðinni? Það fer
allt eftir nýju búvörusamningunum.
Vonandi verður horft til þess að
samningarnir styðji við allan búskap
en verði ekki til þess að búunum
fækki og eftir standi fá en stór bú.
Það er von okkar að búskapur geti
verið áfram fjölskylduvænn atvinnu-
rekstur en ekki verksmiðjubúskapur.
Hvar teljið þið að helstu tæki-
færin séu í útflutningi íslenskra
búvara? Miðað við gríðarlegan
fjölda ferðamanna hér á landi telj-
um við að miklu stærri tækifæri séu í
því að efla innanlandsmarkaðinn og
horfa meira til þess að kynna land-
búnaðinn og afurðirnar fyrir ferða-
manninum heldur en að selja þessa
gæðavöru erlendis á undirverði.
Hvað er alltaf til í ísskápnum?
Mjólkurvörur af ýmsu tagi ásamt
eggjum og kjötáleggi.
Hver er vinsælasti maturinn á
heimilinu? Ef elsta barnið fær að
ráða þá er kjöt í karrí í öll mál.
Eftirminnilegasta atvikið við
bústörfin? Ætli það sé ekki þegar við
horfðum upp á Skaftárhlaupið ryðjast
hér fram og sópa í burtu þó nokkru af
okkar landi ásamt því að horfa upp
á leiðina inn á Skaftárdal lokast og
brýrnar standa af sér allan þennan
vatnsflaum. En við sitjum eftir með
lokaða leið að 1/3 af þeim túnum sem
við höfum verið að heyja og sjáum
ekki fram á að geta heyjað þau næsta
sumar.
Líf og lyst
BÆRINN OKKAR
Hollustupitsa og svepparisotto
Díana prinsessa heitin nefndi
svepparisotto sem sitt persónu-
lega uppáhald, svepparisotto
„Risotto Ai Funghi“ að hætti
Anton Mosimann. Þetta er réttur
sem allir geta gert með blöndu af
íslenskum sveppum eða þurrkuð-
um villisveppum. En risotto þarf
að vera fljótandi og rjómakennd-
ur grautur með sterku bragði og
vel af osti.
Hægt er að framreiða risotto
með Parmaskinku, fiski eða jafn-
vel sem sér rétt eins og gert er á
Ítalíu. Ostinn „Tind“ er hægt að rífa
niður í stað ítalska pamesian reggi-
ano. Íslenskir ostagerðarmenn eru á
réttri leið með að láta ost þroskast
við réttar aðstæður!
Einnig býð ég upp á holla græn-
metispitsu með kúrbít og ristuð-
um hvítlauk. Nýr valkostur fyrir
hádegismat eða kvöldmat. Holl
og góð pitsa án hinnar hefðundnu
pitsusósu.

Svepparisotto
Undirbúningur
› 10 g smjör (2 tsk.)
› 1 meðalstór skarlottulaukur
› 120 g Arborio hrísgrjón (1/2 bolli)
› 160 ml sterkt kjúklingasoð (2/3 bolli)
vatn og kraftur
Villisveppasósa
› 10 g smjör (2 tsk.)
› 1 meðalstór skarlottulaukur
› 350 g blanda af villisveppum og
sneidd um frosnum (1 1/2 bolli)
› 5 g hveiti (1 tsk.)
› 60 ml Madeira eða annað vín sem er
við hendina (má sleppa)
› 150 ml brúnt kjötsoð (2/3 bolli) vatn
og kraftur
› 100 ml rjómi (1/3 bolli)
› salt & ferskmalaður pipar
Risotto
(klárað þegar gesti ber að garði)
› forsteikt hrísgrjón (sjá uppskrift að
ofan)
› 80 ml kjúklingasoð (1/3 bolli)
› 180 g villisveppasósa (3/4 bolli)
› 40 g Parmesanostur (2 matskeiðar + 2
tsk. til skrauts)
› 25 g rjómi (5 tsk.)
› 40 g þurrkaðir villisveppir (3 mat
skeiðar)
› 30 ml jarðsveppaolía (2 msk.)
› ferskur skorinn graslaukur
› 30 ml hvítvín eða freyðivín (2 mat-
skeiðar)
› salt & ferskmalaður pipar
Saxið skarlottulauk fínt og bræðið
smjör í potti. Léttsteikið laukinn
þar til hann er farinn að
mýkjast án þess að
hann brúnist. Þá er
hrísgrjónunum bætt
á pönnuna. Hrærið
stöðugt þar til lauk-
urinn og grjónin
eru léttsteikt og hálf-
gagnsæ.
Bætið í soði og hrærið varlega. Eldið
hrísgrjónin í 10 mínútur. Setjið hrís-
grjón á hreinan bakka eða disk og
látið kólna. Geymið þar til gesti ber
að garði.
Saxið skarlottulaukinn. Bræðið
smjörið á pönnu og eldið varlega þar
til hann er gegnsær. Skerið sveppina,
setjið á pönnu og steikið þar til þeir
eru mjúkir. Stráið yfir hveiti og hrær-
ið í. Bætið í Madeira-víni ef það er til
og látið sjóða. Bæta kjötsoði og látið
sjóða. Bætið í rjóma og sjóðið niður
um helming. Kryddið með salti og
ferskmöluðum pipar.
Bætið sveppasósunni og hrísgrjón-
unum á pönnuna. Hrærið vel ásamt
parmesanosti, þeyttum rjóma
og þurrkuðum svepp-
um. Bætið með gras-
lauk, truffluolíu og
ögn af freyðivíni eða
hvítvíni. Bragðbætið
með kryddi og fram-
reiðið strax
Holl pitsa með ristuðu hvítlauks-
mauki
Hráefni
› Gróft maísmjöl
› hveiti
› 1 kúla pitsudeig (hægt að kaupa
deig tilbúið)
› 1 sítróna
› 1 meðalstór kúrbítur
› 2 hvítlaukshausar (bakaðir við 180°C
í 1 klst.)
› 2 msk. ólífuolía
› ¼ tsk. flögur rauður chilipipar
› ¼ biti rifinn parmesan, Tindur eða
ferskur mozzarela-ostur
› salt og ferskur pipar
Hitið ofninn í 225°C. Stráið maís-
mjöli á bökunarpappír. Stráið örlitlu
af hveiti á borðið og mótið deigið í
14- til 16-tommu hring eða rétthyrn-
ing og setjið á bökunarpappír.
Með grænmetisflysjara, fjarlægið
3 lengjur af sítrónubörk og sneiðið
fínt. Í stóra skál, blandið berki, kúrbít,
ólífuolíu, chilipipar flögum, 2 mat-
skeiðum af parmesan og 1/2 tsk salt.
Merjið hvítlaukinn með skeið eða
gaffli og smyrjið yfir deigið.
Raðið kúrbítblöndu yfir deigið og
stráið restinni af (2 msk) parmesan-
ostinum. Bakið þar til skorpan er
gullinbrún og stökk eða í 20 til 25
mínútur.
Framreiðið með salati – þá er þetta
frábær grænmetisréttur.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Búland