Bændablaðið - 30.11.2017, Side 1

23. tölublað 2017 ▯ Fimmtudagur 30. nóvember ▯ Blað nr. 504 ▯ 23. árg. ▯ Upplag 32.000 ▯ Vefur: bbl.is
Alifuglakjötið er vinsælast með
nær 34% markaðshlutdeild
– Salan eykst á lambakjöti sem er nú næstvinsælast með 25% markaðshlutdeild íslenskra afurða og svínakjötið er í þriðja sæti
Samkvæmt samantekt Búnaðar-
stofu MAST er íslenskt alifuglakjöt
langvinsælast á markaðnum. Er
það með 33,8% hlutdeild, ef litið
er á sölu á kjöti frá afurðastöðvum
til kjötvinnsla, og verslana.
Kindakjötið kemur þar næst á eftir
með 25,1% hlutdeild.
Hefur sala íslensks alifuglakjöts
aukist um 7,1% milli ára og
framleiðsla hefur aukist um 10,6%
miðað við tölur sláturleyfishafa í lok
október. Á þessu tímabili voru seld
9.440 tonn af íslensku alifuglakjöti.
Frá október 2016 til októberloka
2017 voru framleidd tæplega 9.703
tonn af alifuglakjöti á Íslandi.
Er það 30% hlutdeild í íslenska
kjötframleiðslugeiranum. Þar að auki
var búið að flytja inn yfir 1.369 tonn
af alifuglaafurðum í lok september
samkvæmt tölum Hagstofu Íslands.
Niðurstaða EFTA-dómstóls gæti
sett strik í reikninginn
Verulegur ótti er nú við að niðurstöður
EFTA-dómstólsins fyrir skömmu, um
að heimila beri innflutning á hráu
kjöti, geti gjörbreytt þessari stöðu
og að það muni koma illa við ýmsar
greinar íslenskrar kjötframleiðslu.
Eins og fram hefur komið óttast
menn þar ekki síst neikvæð áhrif
á byggðir landsins, smithættu fyrir
viðkvæma búfjárstofna og versnandi
stöðu lýðheilbrigðis, með tilheyrandi
kostnaði fyrir þjóðfélagið.
Kindakjötið næstvinsælast
Kindakjöt, eða sauðfjárafurðir, eru
næstvinsælastar á Íslandi með 25,1%
markaðshlutdeild. Var salan tæp
7.018 tonn frá októberlokum 2016
til sama tíma 2017. Framleiðslan
á kindakjöti var samt meiri en á
alifuglakjöti, eða tæp 10.748 tonn
þegar sláturtíð var nær lokið um
síðustu mánaðamót. Það er 33,2% af
heildar kjötframleiðslu landsmanna.
Framleiðsla sauðfjár afurða jókst um
4,3% á milli ára, en salan um 4,1%.
Virðist sauðfjárslátrun í haust ekki
benda til að bændur hafi skorið eins
mikið niður og fráfarandi ráðherra
hafði hvatt til. Væntanlega spilar þar
inn í lágt afurðaverð til bænda og
mikil óvissa vegna stjórnarslita og
kosninga.
Birgðir kindakjöts minnka
Miðað við fréttir í haust mætti ætla
að birgðasöfnun á kindakjöti sé mikil.
Það er þó ekki raunin samkvæmt
tölum Búnaðarstofu MAST. Við lok
sláturtíðar voru tæplega 7.862 tonn af
kindakjöti í geymslum afurðastöðva.
Í byrjun október voru birgðirnar 8,5%
meiri en á sama tíma í fyrra, en í lok
mánaðarins voru þær 4,6% minni en
árið áður.
Stóraukinn útflutningur
sauðfjárafurða
Skýringin á minnkandi birgðum
kindakjöts er tvíþætt. Það er
vaxandi sala á kindakjöti á
innanlandsmarkaði og síðan skiptir
þarna verulegu máli að útflutningur
á sauðfjárafurðum jókst á milli ára
um 41,3% og nam 3.766 tonnum.
Þar af jókst útflutningurinn á síðasta
ársfjórðungi um 125,5% og um
148,8% í október síðastliðnum.
Svínakjötið í þriðja sæti en berst
við sívaxandi innflutning
Íslenska svínakjötið fylgir fast á
eftir kindakjötinu, var með 22,4%
markaðshlutdeild og sölu frá
afurðastöðvum upp á 6.261 tonn
miðað við lok október. Það er heldur
meira en framleiðslan sem var 6.243
tonn og jókst um 1,5% á milli ára.
Er svínakjötið 19,3% af heildar
kjötframleiðslunni á Íslandi.
Í lok september var búið að
flytja inn rúmlega 1.540 tonn
af svínakjöti, þar af 325 tonn
af reyktu, söltuðu og þurrkuðu
svínakjöti og rúmlega 65 tonn af
öðrum unnum vörum úr svínakjöti.
Aukist innflutningur mikið kann
það að hafa alvarleg áhrif á íslenska
svínakjötsframleiðslu.
Nautgripakjötið í fjórða sæti
Íslenska nautgripakjötið er í fjórða
sæti hvað framleiðslu og sölu
varðar. Þannig voru framleidd rúm
4.620 tonn frá októberlokum 2016
til októberloka 2017. Er hlutdeildin
í kjötframleiðslunni 14,3%. Aftur á
móti voru seld rúmlega 4.630 tonn,
sem er 5,5% aukning frá árinu áður
og er markaðshlutdeildin 16,6%.
Umtalsvert hefur einnig verið flutt
inn af nautgripakjöti. Þannig var búið
að flytja inn rúmlega 743 tonn í lok
september.
Sala á hrossakjöti eykst
um nær 21% milli ára
Tæplega 1.011 tonn voru framleidd af
hrossakjöti frá októberlokum í fyrra
til októberloka 2017. Það er 3,1%
aukning á milli ára og er hlutdeildin
í íslensku kjötframleiðslunni einnig
3,1%. Sala hér innanlands hefur aftur
á móti stóraukist, eða um 20,8% á
sama tíma. Eigi að síður er salan
ekki nema rúm 573 tonn og er 2,1%
hlutdeild af íslenska kjötmarkaðnum.
Útflutningur á hrossakjöti nam
rúmlega 450 tonnum og er það
aukning upp á 2,6%. Birgðir höfðu
meira en tvöfaldast á milli ára en
voru samt ekki nema rúm 28 tonn í
lok október. /HKr.
Margt smátt
gerir eitt stórt
22
Matsveina- og matartækninemendur í Menntaskólanum í Kópavogi sýndu gestum sínum hvað þeir hafa verið að læra í vetur með dýrindis hlaðborði. Þótt íslenskir stjórnmálamenn virðist seint
ætla að átta sig á því, þá er ekki hægt að reka leikskóla, grunnskóla, menntaskóla, háskóla, sjúkrahús, öldrunarstofnanir eða Alþingi án iðnmenntaðs fagfólks til að sjá um mötuneytin. Hvað þá
hótel og veitingastaði. Það er ekki heldur hægt að byggja háskóla, sjúkrahús né önnur mannvirki án iðnaðarmanna. Enginn háskóli væri heldur starfandi ef iðnaðarmenn væru ekki til að halda
tölvum, ljósum, pípulögnum og öllum innviðum í lagi. Ekki gætu þingmennirnir heldur sinnt vinnu sinni ef engir væru bílvirkjarnir. Þó að þetta sé fólkið sem nauðsynlegt er íslensku þjóðfélagi
fyrir fjórðu iðnbyltinguna, þá hafa ráðamenn þjóðarinnar leyft sér með framkvæmd á ríkjandi menntastefnu að sniðganga þessar greinar illilega áratugum saman. Mynd / HKr.
Hamingjusamir alifuglar á Stóru-Ásgeirsá í Víðidal. Mynd / HKr.
Súrkál er bráðhollt
sælkerafæði
26
Leiðir til að auka
kolefnisbindingu á Íslandi
31-34