Bændablaðið - 30.11.2017, Side 42

42 Bændablaðið | Fimmtudagur 30. nóvember 2017
Nýlega var hafinn
innflutningur á
Hattat dráttarvélum
frá Tyrklandi.
Fyrirtækið framleiðir
meðal annars
dráttarvélar fyrir
Valtra sem seldar eru
á alþjóðamarkaði og
Massey Ferguson fyrir
Tyrklandsmarkað.
Fyrir tæpum
fimmtíu árum eða
árið 1971 var sett
á stofn fyrirtæki í
Istanbul í Tyrklandi sem ætlaði
að framleiða landbúnaðartæki.
Fyrirtækið fékk heitið Hema
Endustry A.S. og framleiddi í
fyrstu, auk landbúnaðartækja,
herflutningabíla.
Sama ár var stofnað annað
fyrirtæki í Tyrklandi sem
fékk nafnið Ve Ticaret
og framleiddi
dráttarvélar með
sérleyfi frá Ford.
Árið 1990 rann
leyfið út og hóf
fyrirtækið þá
framleiðslu á
dráttarvélum fyrir
Hema.
Árið 2001 hóf
Hema eigin framleiðslu
á dráttarvélum með leyfi frá
Universal (UTH) í Rúmeníu.
Skömmu síðar breytti
Hema nafninu í Hattat
Traktör, en Hattart
mun vera tyrkneskt
ættarnafn fjölskyldunnar
sem á fyrirtækið.
Dráttarvélarnar sem
fyrirtækið framleiddi
voru annaðhvort kallaðar
Hattat Universal eða
Universal með Hattat
nafninu undir, allt eftir
því á hvaða markaði
traktorarnir áttu að seljast.
Framleiða með leyfi frá MF
og Valtra
Hattat framleiðir dráttarvélar með
leyfi frá og fyrir Valtra og Massey
Feguson en bæði fyrirtækin eru
hluti af AGCO. Hattat er einnig
umboðsaðili Ferarri í Tyrklandi.
Árið 2003 tryggði Hattat
sér samning við AGCO um
framleiðslu á Valtra A-týpunum
og í dag eru Valtra dráttarvélar
framleiddar af Hattat í Tyrklandi
seldir út um allan heim. Auk þess
sem frá 2008 hafa dráttarvélar í
Valtra A seríunni, 50
til 100 hestöfl, líka
verið framleiddar og
markaðssettar undir
heiti Hattat.
Árið 2009 veitti
AGCO Hattat leyfi til
að framleiða Massey
Ferguson í Tyrklandi.
Hattat framleiðir
einnig dráttarvélar sem
byggðir eru á hönnun
Ford sem kallast
Euro-F, eða Chaman
Ford og eru seldir á markaði
í Mið-Austurlöndum. Auk
þess sem fyrirtækið selur
dráttarvélar undir
heitinu Tractores BM
eða BM til Úrúgvæ í
Suður-Ameríku.
Perkins mótor
Hattat framleiðir
mótor fyrir Perkins
og í sumum tilfellum bera
þeir Hattat nafnið og það eru
Perkins mótorar í dráttarvélunum
frá Hattat.
Fyrirtækið framleiðir einnig
íhluti fyrir bíla og flugvélar um
allan heim
Hattat á Íslandi
Vallarbraut í Reykjavík, sem flytur
inn Solis dráttarvélar frá Indlandi,
hóf nýlega innflutning á Hattat
traktorum frá Tyrklandi sem eru
50 til 102 hestöfl. Hattat
traktorarnir sem fluttir eru
inn til Íslands eru ekki með
Commonrail olíukerfi og
því engar tölvustýringar
sem geta truflað það.
Fyrir vikið eru vélarnar
ekki eins sparneytnar og
margar aðrar dráttarvélar
en þeim mun auðveldara
er að gera við þær. /VH
Hattat – tyrkneskir traktorar
FPT Industrial kynnti nú í
nóvember í fyrsta sinn í Evrópu
NEF 6 cylinders metangasvél
(Natural Gas – NG) á landbúnaðar-
sýningunni Agri technica í
Hannover í Þýskalandi.
Þessi frumgerð vélarinnar er það
sem FPT Industrial kallar „Naturally
powerful“ og stendur fyrir hámarks
hreinleika á orkulausnum sem
eru sérhannaðar fyrir sjálfbæran
landbúnað. Fyrir bændur sem eiga
möguleika á að framleiða sitt eigið
eldsneyti.
Gasknúna vélin sem kynnt var á
Agritechnica-sýningunni í Hannover
er sögð skila sama afli og togkrafti
og sambærileg dísilvél. Einnig
á endingin að vera sambærileg
sem og viðhald. Í útblæstri skilar
vélin að lágmarki 10% minni CO2
í samanburði við dísilvélar og er
útlásturinn sagður nálægt núlli þegar
notað er lífgas. Þá er mengunin frá
vélinni sögð í heild vera 80% minni
en í sambærilegri dísilvél.
Fyrirtækið hefur yfir 20
ára reynslu í hönnun og smíði
metangasknúinna véla og hefur selt
yfir 30 þúsund NG vélar um allan
heim. Þá er FPT Industrial einnig
frumkvöðull í að kynna notkun
á sérhæfðum metangasvélum
til notkunar í dráttarvélar fyrir
torfærur.
FPT Industrial er fyrirtækjamerki
undir hatti CNH International sem
varð til úr samruna International
Harvester, Case og New Holland.
Yfir 8.000 manns starfa hjá FPT
Industrial í tíu verksmiðjum og sjö
rannsóknar- og þróunarmiðstöðvum.
Sölukerfi fyrirtækisins nær til nær
100 landa. Í boði er lína 6 ólíkra
aflvéla frá 42 – 1.0086 hestöfl.
Einnig skiptingar með hámarkstog
upp frá 200 upp í 500 Newtonmetra.
Þá býður fyrirtækið framöxla frá
2-32 tonna brúttóþyngd. /HKr.
FPT Industrial á Agritechnica í Hannover:
Minna mengandi metangasvél
fyrir sjálfbæran landbúnað
NEF 6 cylinders metangasvélin sem kynnt var á sýningunni í Hannover.
TÆKNI&VÍSINDI
Breska fyrirtækið The Drone Aerial Operators Group hefur sérhæft sig í að þróa dróna sem nýtast til landbúnaðar
og bjóða bændum upp á þjónustu með tækjunum.
Flygildi eru framtíðarverkfæri
í landbúnaðinum
Miklar tækniþróanir og nýjungar
eiga sér stað í landbúnaði á ári
hverju og verður þess ekki lengi
að bíða að vélmenni taki yfir
mörg af þeim störfum sem hann
skapar og jafnvel sjálfstýrandi
farartæki, hver veit? Ein af þeim
tækninýjungum sem ryðja sér
til rúms úti í hinum stóra heimi
við landbúnaðarstörfin eru
drónar, eða flygildi, sem hægt
er að nota til ýmissa mælinga á
landbúnaðarsvæðum.
Breska fyrirtækið The Drone
Aerial Operators Group hefur
sérhæft sig í að þróa dróna sem nýtast
til landbúnaðar og bjóða bændum
upp á þjónustu með tækjunum.
„Við erum búnir að vera í
þessum bransa, það er að segja, að
þróa dróna og vinna með þá í um
10 ár en síðastliðin tvö ár höfum
við einblínt á landbúnað og sjáum
mikla möguleika þar. Sjálfir eigum
við sveitabæ og fjölskyldan er með
bú þar sem við getum gert tilraunir
á okkar hugmyndum með drónana
og notkun þeirra í landbúnaði er
ört vaxandi iðnaður með mikil
tækifæri,“ segir Jack Wrangham,
framkvæmdastjóri fyrirtækisins.
Drónar og vélmenni framtíðin
Fyrirtækið þjónustar bændur
sem óska eftir aðstoð dróna við
framleiðslu sína en einnig selja þeir
hátæknilega dróna til viðskiptavina
sinna með þjálfun og stuðningi
svo bóndinn fær góða leiðsögn frá
byrjun.
„Það er hægt að nota dróna til að
fylgjast með uppskerunni, til dæmis
með því að finna út svæði sem virðast
vera veikleikar eða sýkingar á og
bregðast við því. Einnig er hægt að
nota þá til að mæla næringarefni og
til að búa til kort yfir hlutfall þeirra á
hverju svæði. Drónarnir geta einnig
fundið illgresi og sjúkdóma sem
getur verið mjög hjálplegt og þeir
geta sprautað varnarefnum. Einnig
höfum við notað þá til að skoða eða
fara yfir landbúnaðarbyggingar og
til að mæla ákveðin svæði og svo
framvegis,“ útskýrir Jack og segir
jafnframt:
„Það sem er þó mikilvægt í
meðhöndlun á drónum er að það
er nauðsynlegt að fá þjálfun við
notkun þeirra til að fá sem mest út
úr þeim. Það er tiltölulega auðvelt
að nota þá en það er ekki eingöngu
hægt að taka einn upp úr jörðinni og
leggja af stað í verkefni. Ég sé fyrir
mér í framtíðinni að drónar verði
í notkun á sveitabæjum alla daga
þar sem gögnum verður komið í
gegnum þá yfir til vélmenna á jörðu
niðri sem munu úða eingöngu á þau
svæði sem þarf á að halda. Þetta sé
ég fyrir mér í nánustu framtíð og ég
hef trú á að þegar þróunin fer fyrir
alvöru af stað þá gerist þetta nokkuð
hratt.“ /ehg
„Ég sé fyrir mér í framtíðinni að drónar verði í notkun á sveitabæjum alla
niðri sem munu úða eingöngu á þau svæði sem þarf á að halda,“ segir Jack
Wrangham, framkvæmdastjóri fyrirtækisins.