Bændablaðið - 02.08.2018, Blaðsíða 21

Bændablaðið | Fimmtudagur 2. ágúst 2018 21
ARCTIC TRUCKS
AT35
Arctic Trucks býður AT35 lausnir fyrir margar tegundir bíla. Lausnin er frábær kostur fyrir þá sem vilja
öflugan bíl til fjallaferða að sumri en auk þess aukna drifgetu í snjó.
Verð frá kr. 1.850.000,-
AT35 LAUSNIR
EXPLORE WITHOUT LIMITS
®
ARCTIC TRUCKS ÍSLAND EHF.
KLETTHÁLSI 3
110 REYKJAVÍK
SÍMI: 540 4900
NETFANG: info@arctictrucks.is
www.arctictrucks.com
TOYOTA HILUX AT35
NISSAN NAVARA AT35
TOYOTA LC150 AT35 MB X-CLASS AT35
Jón Gíslason, fyrrverandi bóndi í Miðhúsum í Skagafirði:
Smíðaði fjárvagn fyrir tengda-
dóttur af miklum hagleik
Jón Gíslason, fyrrverandi bóndi
í Miðhúsum í Skagafirði, vill
tengdadóttur sinni, Kristínu Lofts-
dóttur á Melstað, ekkert nema gott.
Hann gerði sér lítið fyrir og smíðaði
sérlega glæsilegan fjárvagn og færði
henni. Enda þykir honum mikils um
vert að hafa hana góða.
Fjárvagninn er smíðaður af miklum
hagleik, þannig er til að mynda
sliskjan í þrennu lagi, hverjum hluta
er ætlaður sinn staður á vagninum,
þannig að hann sé ávallt tiltækur, enda
veit Jón að það þarf ekki mikið til að
auka ergju fólks þegar smalamennska
og fjárstúss ná hámarki. Vanir menn
segja vagninn ekkert skorta nema
snaga fyrir úlpuna þegar fjármönnum
fer að hitna í hamsi, sem og stand
undir svaladrykk á meðan nota þarf
báðar hendur á lausaféð.
Enn finnst bjartsýnisfólk
í sveitum landsins
„Það er mikið talað um það um þessar
mundir að sauðfjárbúskapur sé á
fallanda fæti og víst er að fjárlaust er
orðið hjá okkur í Miðhúsum,“ segir
Sigríður Garðarsdóttir, eiginkona Jóns.
„En það má enn finna bjartsýnisfólk
í sveitum landsins sem vilja veg og
vanda sauðfjárbúskapar sem mestan
og bestan.“
Jón og Sigríður byggðu íbúðarhús í
Miðhúsum og fluttu í það árið 1977 og
hófu ári síðar búskap á móti foreldrum
Jóns, þeim Gísla Jónssyni og Guðrúnu
Stefánsdóttur, sem áfram bjuggu í
sínu húsi. Fyrstu búskaparárin voru
Jón og Sigríður með sauðfjárbúskap
ásamt vinnu utan heimilis en tóku
við mjólkurframleiðslunni árið 1991.
Kynslóðaskipti urðu á ný í Miðhúsum
árið 2014 þegar Guðrún dóttir þeirra
og hennar maður, Brynjar Sigurðsson,
tóku við kúnum og hófu búskap.
Ungu hjónin eru að byggja stærra fjós
sem vonandi verður tekið í notkun á
þessu ári, það verður lágtæknifjós á
skagfirskan mælikvarða.
Miðhús hafa verið í eigu sömu
ættarinnar í 167 ár.
Glatt á hjalla í athvarfinu
Þegar Jón hætti búskap við
kynslóðaskiptin á jörðinni datt
honum ekki í hug að sitja með hendur
í skauti. Hann tók til við að gera upp
gamlar vélar og bíla ásamt því að vera
nágrönnum sínum innan handar þyrftu
þeir á aðstoð að halda. Útbjó hann sér
„athvarf“ í gamalli fjóshlöðu, fjarri
konu sinni, og getur dundað þar að vild
við áhugamál sitt. Oft er gestkvæmt í
athvarfi Jóns og glatt á hjalla, en margir
eru forvitnir að sjá og skoða hvað hann
er að fást við hverju sinni. /MÞÞ
við morgunverð hótelsins í Súlnasal
en hann mun áfram gegna hlutverki
glæsilegs veislusalar á kvöldin,“ segir
Sigurður.
Eldhúsið opið augum gesta
Framkvæmdirnar á jarðhæðinni voru
orðnar tímabærar og endurnýjunarþörf
mikil. Veitingastaðurinn Skrúður
heyrir nú sögunni til en glervirkið sem
hann var í var rifið. Þar kemur nýr
skáli sem verður hluti af veitingarými
jarðhæðarinnar. „Það verður nýtt
form á veitingastaðnum á 1. hæð. Þar
munum við opna „casual, fun dining“
veitingastað þar sem allir eiga eftir
að geta fundið eitthvað við sitt hæfi
á sérréttamatseðli. Eldhúsið þar er
opið fyrir augum gesta þannig að það
verður mikil nálægð milli gesta og
matreiðslumanna. Þeir sem kjósa geta
setið við eldhúsið til þess að fylgjast
með. Veitingastaðurinn mun taka á bilinu
80–90 gesti í sæti og nálægt honum mun
koma nýr Mímisbar og aðstaða þar sem
fólk getur tyllt sér í þægileg sæti. Einnig
verður prívatherbergi á hæðinni þar
sem 10–12 manna hópar geta verið út
af fyrir sig. Nýi veitingastaðurinn mun
að sjálfsögðu fylgja matarstefnu Hótel
Sögu eins og önnur veitingastarfsemi í
húsinu,“ segir Sigurður.
Kaffihús og bakarí á Hótel Sögu
Gestamóttakan gengur í endurnýjun
lífdaga samhliða nýjum veitingastað.
„Við hlið gestamóttökunnar verður
lítið og nett kaffihús sem selur vörur
úr bakaríinu okkar hér í húsinu. Það
mun í raun þjóna hótelgestum allan
sólarhringinn en þar verður hægt að
kaupa kaffi og fá ýmislegt smurt brauð
úr bakaríinu. Við munum líka selja
brauð í heilum hleifum sem gerir íbúum
hverfisins kleift að nálgast nýbakað
brauð á Hótel Sögu.“
Grillið einblínir á
einstaka matarupplifun
Þegar ákveðið var að endurnýja
veitingastaðinn á jarðhæðinni blasti
við að starfsemi Grillsins yrði
endurskoðuð. Margir hafa velt fyrir
sér hvort það standi til að loka Grillinu
en Sigurður slær á allt slíkt tal. „Það
gaf augaleið að það þyrfti að breyta
rekstrarformi Grillsins vegna þess að
við erum að opna nýjan veitingastað
sem veitir Grillinu í raun meiri
samkeppni en Skrúður gerði nokkurn
tímann. Þess vegna var ákveðið að
fara þá leið að færa „konseptin“ fjær
hvort öðru. Það þýddi það að við
vildum gera Grillið ennþá glæsilegra
og einblína á einstaka matarupplifun.
Í Grillinu verður stefnan sú að bjóða
aðeins það besta sem Ísland hefur
fram að færa í mat og matargerð.
Breytingarnar í Grillinu felast í því
að við höfum fækkað sætum þannig
að gestir hafa í raun meira pláss. Þá
er búið að taka út sérréttaseðilinn og
eingöngu samsettir matseðlar eru í
boði. Gestir geta valið hversu marga
rétti þeir taka og þannig ákvarðað þann
tíma sem þeir vilja dvelja á staðnum
við að njóta fyrsta flokks veitinga.
Eftir að nýi veitingastaðurinn verður
opnaður verðum við með, fyrir þá sem
vilja, léttari veitingar, meiri hraða og
hressilegra umhverfi en líka Grillið fyrir
þá sem vilja einstaka matarupplifun
í „fine dining“ stíl,“ segir Sigurður
Helgason, matreiðslumeistari á Hótel
Sögu. /TB