Bændablaðið - 22.03.2018, Blaðsíða 4

4 Bændablaðið | Fimmtudagur 22. mars 2018
Landssamband kúabænda:
Stefnumótunarvinna
kynnt á landsfundi LK
Vinnuhópar á vegur Lands-
samband kúabænda hafa
frá áramótum unnið að
stefnumótun fyrir LK til næstu
tíu ára. Hugmyndin að baki
stefnumótunarvinnunni er að
hún verði eins konar leiðarvísir
fyrir Landssambandið næsta
áratuginn.
Innifalin Meðal þess sem komið
er inná í stefnumótunarvinnunni
er fræðsla, ráðgjöf og rannsóknir,
umhverfismál, kynningarmál,
starfsumhverfi bænda og mál
sem snerta framleiðslu og sölu
afurða. Stefnumótunin er meðal
annars byggð á eldri stefnumótun
LK og Auðhumlu sem unnin var
fyrir árin 2011-2021.
Tveir vinnuhópar
Margrét Gísladóttir, framkvæmda -
stjóri Landssambands kúabænda,
segir að á aðalfundi LK 2017
hafi verið samþykkt að fara
í stefnumótunarvinnu fyrir
landssambandið til næstu tíu ára.
„Síðastliðið haust var
ákveðið að setja á fót vinnu-
hópa, annars vegar fyrir mjólkur-
framleiðsluna og hins vegar fyrir
nautakjötsframleiðslu, og er þetta
í fyrsta sinn sem þetta er tvískipt.
Hóparnir hófu störf í upphafi
árs 2018 og hafa verið að hittast
á fundum síðastliðna mánuði og
verður stefnumörkunin kynnt og
tekin til afgreiðslu á landsfundi
LK 6. og 7. apríl næstkomandi.“
Reynt að ná sem víðastri mynd
Í vinnuhópi fyrir mjólkur -
fram leiðsluna störfuðu ellefu
manns og sjö í vinnuhópnum
vegna kjötframleiðslunnar. Að
sögn Margrétar var snemma
tekin ákvörðum um að ná breiðri
sýn á starfið og til að slíkt mætti
heppnast var meðal annars fengin
matreiðslumaður og aðili frá
afurðastöð til að vinna með hópnum
sem vann að stefnumörkuninni
með kjöthópnum. Auk þess voru
fengnir ýmsir gestir; verslunarmenn,
heildsalar, markaðsmenn og fleiri,
til að vinna með hópunum til að ná
breiðri mynd á starfið.
Kvótakerfið ekki skrifað inn í
stefnumótunina
„Starfið hefur gengið mjög vel en
ýmsir hafa velt því fyrir sér hvernig er
hægt að móta stefnu þegar niðurstaða
atkvæðagreiðslu um mjólkurkvótann
liggur ekki fyrir.
Samkvæmt ráðgjöf frá
sérfræðingum í stefnumótunarvinnu
var ákveðið að fara þá leið að skrifa
kerfið ekki inn í stefnumótunina
sjálfa, enda framtíðarsýnin fyrir
greinina sú sama. Í staðinn verður
unnin greiningarvinna á mismunandi
kerfum og hvaða möguleika þau
bjóða áður en atkvæðagreiðslan
mun eiga sér stað. Bæði kostir og
gallar miðað við þá framtíðarsýn sem
við munum kynna,“ segir Margrét
Gísladóttir. /VH
Arctic Barley er nýtt íslenskt
vörumerki en undir því er
framleitt poppað byggkorn.
Fljótlega eftir páska eru tvær
byggblöndur væntanlegar í
hillurnar í Hámu á Háskólatorgi
Háskóla Íslands.
Að sögn þeirra Brögu Stefaný
Mileris og Hildar Guðrúnar
Baldursdóttur, sem standa á bak
við Arctic Barley, eru vörurnar
hugsaðar sem hollt og gott nasl
milli mála eða sem múslí í jógúrt.
Önnur blandan inniheldur poppað
bygg, dökkt stevía-súkkulaði,
döðlur og kókosflögur. Hin
blandan er hugsuð sem snarlblanda
og inniheldur poppað bygg,
þurrkuð epli, kanil, kasjúhnetur
og kókosflögur. Í vinnslu er frekari
þróun á fleiri útfærslum og vörum.
Lokaverkefni í meistaranámi
Þær eru nemar í matvælafræði við
Háskóla Íslands og er vöruþróunin
og markaðssetning Arctic Barley-
varanna lokaverkefni í meistaranámi
þeirra. Vörurnar eru markaðssettar
sem heilsuvörur enda innihalda
þær engan viðbættan sykur, salt
eða olíu. Bygg er, að þeirra sögn,
stútfullt af trefjum og ýmsum
vítamínum og margar rannsóknir
hafi sýnt fram á heilsubætandi áhrif
þess. Önnur byggblandan er með
kanil, þurrkuðum eplum, kókos og
kasjúhnetum og er að, þeirra sögn,
einstaklega góð eintóm, í jógúrt eða
jafnvel ofan á grjónagrautinn. Hin er
múslíblanda með stevíu-súkkulaði,
döðlum og kókos – sem hentar vel
eintóm eða í jógúrt.
Bygg til manneldis
Braga og Hildur segja að allt hafi
þetta byrjað í vöruþróunaráfanganum
í Matvælafræði í byrjun árs 2016,
þar sem nemendur voru hvattir til
þess að finna nýstárlegar leiðir til að
nýta íslensk hráefni sem er illa nýtt.
Þar hafi byggið komið til sögunnar
þar sem það er að miklu leyti nýtt í
dýrafóður, þrátt fyrir að vera mjög
heilsusamlegt korn og auðræktanlegt
á Íslandi, en bygg hefur verið ræktað
hér samfellt í meira en 50 ár. Þær
segja að samkvæmt tölum frá 2014
voru einungis þrír byggræktendur af
436 á Íslandi sem seldu sitt korn til
manneldis.
Þær segja að hugmyndin að
því að poppa byggið hafi kviknað
þegar þær gáfu hugarfluginu lausan
tauminn. Þær hafi einbeitt sér að
því að reyna að finna skemmtilegar
og öðruvísi leiðir til þess að nýta
byggið og þá hafi þessi hugmynd,
að prufa að poppa byggið, skotið
upp kollinum. Það hafi komið
einstaklega vel út, þótt það hafði
þurft nokkrar misheppnaðar tilraunir
með olíu, potta og fleira – áður en
rétta aðferðin var fundin.
Góðar viðtökur í
neytendakönnunum
Poppaða byggið var síðan valin til
þess að taka þátt í Ecotrophelia í
París 2016 fyrir hönd Íslands, sem er
keppni í vistvænni nýsköpun matvæla.
Sumarið 2016 fengu þær styrk frá
matvæla- og næringarfræðideild
Háskóla Íslands til að vinna að
verkefninu. Þær segjast hafa fengið
ómetanlegan stuðning þaðan, frá
leiðbeinendum og kennurum þeirra í
háskólanum. Síðasta sumar fengum
þær líka styrk frá Nýsköpunarsjóði
námsmanna og gátu þá klárað
allar helstu mælingar og frekari
prófanir. Þær fólust meðal annars í
að meta besta hreinsunarstig byggs,
sumsé að finna út hvers konar bygg
hentaði best í vöruna og finna bestu
aðferðina við poppun til að ná fram
þeim eiginleikunum sem þær sóttust
eftir.
Þær hafa talað við neytendur
og gert neytendakannanir
á blöndunum í Fræinu í
Fjarðarkaupum og var vörunni
mjög vel tekið að þeirra sögn.
Ekki ólíkt poppinu
Þær segja að líkja megi poppun
byggsins að vissu
leyti við poppun
á maísbaunum.
Kornið springur
og opnast við
hitann og sterkjan
verður sýnileg.
Munurinn er þó
sá að byggkornið
springur ekki eins
mikið þar sem
maísbaunin er stærri
og vatnsmeiri.
Hrátt byggkorn
er að þeirra sögn
hart undir tönn
og ómeltanlegt en
með poppuninni
„eldast“ það;
mýkist að innan en
er þó með brakandi
ytri áferð auk
þess sem byggið
fær einstaklega skemmtilegt
kornbragð við poppunina. Ekkert
salt er notað og engin olía.
Skynmatsferill í Matís
Braga og Hildur hafa notið liðsinnis
starfsfólks Matís í þróunarferlinu og
fengið ómetanlegan stuðning þaðan.
Þær segja að þær hafi notið góðs af
ólíku fólki með mismunandi þekkingu
og hæfni til að meta gæði byggsins.
Þær segja að þjálfað skynmatsteymi
hafi meðal annars hjálpað þeim að
ákvarða bestu tegund byggs með
tilliti til poppunar og á hvaða hitastigi
poppun á byggi kæmi best út með
tilliti til skynmatseiginleika þess.
Íslensk bankabygg
Byggið sem þær nota er íslenskt
bankabygg og þær hafa notað bygg
bæði frá Vallanesi og Þorvaldseyri
með góðum árangri. Varðandi val á
öðru hráefni leitast þær við að kaupa
frá íslenskum framleiðendum og velja
sem minnst unnið hráefni.
Þær segja að fyrstu vörurnar ættu
að koma í sölu stuttu eftir páska.
Þær séu með í skoðun samstarf
við veitingastaði og kaffihús en
markmiðið er að Arctic Barley-
vörurnar þeirra fáist í heilsuhornum
allra helstu matvöruverslana. Þær
finna fyrir miklum áhuga á þessari
leið til að nýta bygg og segja það
myndi ekki koma þeim á óvart ef
aðrir matvælaframleiðendur færu
að nota það í sinni vöruþróun;
enda íslenskt og einstaklega
heilsusamlegt hráefni. /smh
Arctic Barley:
Poppað íslenskt byggkorn til mann-
eldis væntanlegt í verslanir
FRÉTTIR
Braga Stefaný Mileris og Hildur Guðrún Baldursdóttir, sem standa á bak við Arctic Barley. Mynd / smhStjórn Bóndafélags Føroya var
endurkjörin á aðalfundi félagsins
fyrir skömmu.
Í nefndinni sitja Sigert
Patursson, Hoyvík, formaður,
Eynar Martin Kjærbo, Skálavík,
næstformaður, Heini á Heygum,
Vestmanna, nevndarlimur,
Eyðfinnur í Búðini, Velbastaður,
nevndarlimur, Dánjal Petur
Múller, Kvívík, nevndarlimur,
Mourits Sørensen, Streymnes,
nevndarlimur, Símun Gullaksen,
Hattarvík, 1. tiltakslimur, Jóhan
Jógvansson, Saksun, 2. tiltakslimur.
/VH
Bóndafélag Føroya:
Stjórn félagsins
var endurkjörin
Stjórn Bóndafélags Føroya.
Stefnumótavinna Landssambands kúabænda.