Bændablaðið - 22.03.2018, Blaðsíða 58

Bændablaðið | Fimmtudagur 22. mars 201858
LESENDABÁS
Yfirbyggjum vegi á verstu
veður- og snjóaköflunum
Óvenjuoft hefur þjóðvegum
landsins verið lokað í vetur enda
tíðarfar óvenjurysjótt. Ég tel að
við Íslendingar verðum að nota
aðrar aðferðir við vegagerð en
verið hefur. Hugmynd mín er að
byggja yfir veginn þar sem veðrið
er verst og snjósöfnun mest.
Ég þekki best til vega milli
Reykjavíkur og Akureyrar og yfir
Hellisheiði. Skoðum fyrst leiðina
frá Reykjavík til Akureyrar. Á
Kjalarnesi og fyrir Hafnarfjall
er vegurinn oft lokaður vegna
hvassviðris í suðaustan veðrum.
Þar myndi duga að byggja skjólvegg
meðfram veginum öðrum megin. Við
eigum nóg af tæknimenntuðu fólki
til að reikna út hæð og styrkleikja
slíks veggjar.
Á Holtavörðuheiði eru allt aðrar
aðstæður. Þar er hvass vindur og
skafrenningur bæði í sunnan- og
norðanáttum og hvassir strengir frá
Tröllakirkju, bæði í suðvestanátt
og norðanhviðum. Ég vann við
vegagerðina þegar núverandi vegur
var lagður yfir heiðina. Þá var rætt
um að leggja veginn yfir háheiðina
vestur við Holtavörðuvatn.
Fjallvegurinn fer nú í 407 metra hæð
en hefði orðið um 50 metrum lægri.
Vegfarendur hefðu losnað við versta
veðrið. Þegar vegurinn var lagður
voru ekki til tæki hérlendis til að
leggja veginn með vatninu. Nú eru
til tæki til þess en vegagerðin yrði
vissulega dýr.
Nefna mætti yfirbyggingu um það
bil 10 kílómetra kafla á við veginn
frá Norðurá í Heiðarsporði og norður
undir „Dæld“. Ég tel að yfirbygging
sé miklu ódýrari lausn þar en nýr
vegur meðfram Holtavörðuvatni.
Skyggni ekkert
Þá er komið að veginum um
Línakradal þar sem talað er um að
aka „fyrir Múlann“. Það er vegurinn
frá Hvammstangavegamótum og að
Vesturhópsvegamótum, um það bil
8 kílómetrar. Á þessum kafla er
oft mjög hvasst og mikið snjókóf,
„blindhríð“, þótt ökufært sé um
Miðfjörð og Víðidal. Hjá Gauksmýri
sem er á miðri þessari leið er
vefmyndavél frá Vegagerðinni.
Ég hef séð að þar er stundum lítið
skyggni, jafnvel svo að ekki sést í
veginn frá myndavélinni.
Um 4 km í Bakkaselsbrekkunni
Næst er að nefna kafla á
Öxnadalsheiðinni, um 4 km í
Bakkaselsbrekkunni. Þar gerir mikla
ófærð og miklu meiri eftir að sett var
vegrið á austurkantinn til að varna
því að bílar aki þar fram af. Laga
mætti báða þessa kafla með því að
byggja yfir þá.
Loks nefni ég Hellisheiði, á milli
Reykjavíkur og Hveragerðis, sem oft
lokast. Þyrfti að byggja yfir veginn
frá Litlu kaffistofunni og austur á
Kambabrún.
Með svona aðgerðum myndu
þessar leiðir oftast verða færar,
auk þess sem mikill kostnaður við
snjómokstur sparaðist.
Gefið stefnuljós
Eitt umferðarmál í lokin: Mikið væri
til bóta ef bílstjórar sem aka út úr
bílastæðum gæfu stefnuljós. Þá sæju
aðrir ökumenn miklu fyrr að þeir
væru að aka af stað. Gott væri ef
Samgöngustofa myndi brýna þetta
fyrir vegfarendum.
Þórarinn Þorvaldsson
Höfundur er fyrrverandi bóndi og
vörubílstjóri, frá Þóroddsstöðum.
Þórarinn Þorvaldsson. Mynd/HKr.
Ályktun frá Þingeyrarakademíunni:
Ellilífeyrisþegar sem lepja dauðann úr
skel fái afturvirka leiðréttingu strax!
Milli 1.700 til 2.000 eldri borgarar
hafa ekkert nema einfaldan lífeyri
frá Tryggingastofnun til að lifa
á segir Mogginn og ekki lýgur
hann. Í blaðinu segir í viðtali
við 73 ára konu, sem byrjaði að
vinna í fiski 13 ára gömul og hefur
unnið í 60 ár:
„Minn réttur er 225 þúsund,
því ég er á vergangi og bý hjá
syni mínum, þannig að ég fæ
ekki neina heimilisuppbót. Það er
svo tekinn 38% skattur af þessu
þannig að ég fæ útborgaðar tæpar
175 þúsund krónur á mánuði.“
Ofan á það leggjast svo greiðslur
frá lífeyrissjóði, 55 þúsund og eru
því heildargreiðslur til hennar 230
þúsund krónur.
Það var einmitt það! Við leyfum
okkur svo að greiða þeim sem
ekki vita aura sinna tal afturvirkar
launahækkanir upp á fleiri milljónir
króna. En aldrei hafa menn heyrt
talað um afturvirkar launahækkanir
handa þeim sem virkilega þurfa
á því að halda. Svo gengur það
út yfir allan þjófabálk að lífeyrir
almannatrygginga skuli skerðast við
greiðslur úr lífeyrissjóði hjá þeim
sem eiga ekki fyrir salti í grautinn.
Þetta finnst Þingeyrarakademíunni
fyrir neðan allar hellur.
Akademían gerir það því að
tillögu sinni að ellilífeyrisþegar,
sem ekkert hafa til að moða úr
nema einfaldan ellilífeyri, fái eins
og skot tvær milljónir króna og
það skattfrjálst úr sameiginlegum
sjóði landsmanna, sem afturvirka
eingreiðslu.
Flestir þeirra hafa unnið baki
brotnu fyrir landið alla sína tíð og
eiga þetta inni hjá ríkissjóði. Þó fyrr
hefði verið. Þeir sem við kjötkatlana
sitja ættu að skilja þetta manna best!
Það þarf engan starfshóp
eða nefnd í þetta mál.
Þingeyrarakademían krefst aðgerða
strax. Vilji er allt sem þarf. Hvar
á að taka peningana? Það færi vel
á því að þeir væru teknir af arði
Landsbankans. Ekkert vesen!
Samþykkt einróma 7. marz 2018.
Þingeyrarakademían
Hvað er Þingeyrarakademían?
Þingeyrarakademían er stór
hópur manna sem stunda
morgunsund og heita pottinn á
Þingeyri. Þar eru ýmiss konar
innanlands- og heimsvandamál
rædd og jafnvel leyst.
Þingeyrarakademían kemur til
dyranna eins og hún er klædd.
Hafðu auga með landi
og skepnum með
dróna frá Dronefly
4 km drægni
20Mp ljósmyndir & 4K myndavél
Skynjar hindranir allan hringinn
Láttu drónann elta þig
30 mínútu flugtími
PHANTOM 4 PRO
4km drægni
Hægt að brjóta saman
12Mp ljósmyndir & 4K myndavél
Skynjar hindranir.
Láttu drónann elta þig
30 mínútu flugtími
MAVIC PRO PLATINUM
VERSLUN, VERKSTÆÐI , LEIGA & NÁMSKEIÐ
KRÓKHÁLSI 6 - 566-6666
GÍRAR - FÆRIBÖND - RAFMÓTORAR - LEGUR
588 80 40
www.scanver.is
RAFMÓTORAR
Bylting í
hreinlæti!
Hafðu samband og pantaðu kynningu fyrir þitt fyrirtæki
Sími 480-0000 sala@aflvelar.is www.i teamglobal.com
Auðveldari og betri þrif,
sparar tíma og léttir lífið
www.bbl.is