Bændablaðið - 22.03.2018, Blaðsíða 56
56 Bændablaðið | Fimmtudagur 22. mars 2018
LÍF&LYST – BÆRINN OKKAR
Ábúendur í Lindarbrekku keyptu
jörðina, sem hafði þá verið í eyði í
um 30 ár, í lok árs 2014. Þeir hafa
síðan verið að byggja upp, breyta
og bæta.
Þeir eru aðallega í kálfa-
kjötsframleiðslu, en eru líka með
kindur, hænur og sumargrísi. Allar
afurðirnar eru seldar beint frá býli í
gegnum síðuna þeirra lindarbrekka.
is og senda vörurnar um allt land.
Býli: Lindarbrekka.
Staðsett í sveit: Staðarsveit á
sunnanverðu Snæfellsnesi.
Ábúendur: Guðbjörg Guðlaugsdóttir
og Hilmar Þór Sunnuson.
Fjölskyldustærð (og gæludýra): Við
hjónin og börnin okkar fjögur – Thea
Líf, Embla Sól, Emil Breki og Lena
Bríet. Á bænum býr líka hundurinn
okkar hann Tígull og kisurnar Pétur,
Sól og Mía.
Stærð jarðar? Um 77 hektarar.
Gerð bús? Blandað bú.
Fjöldi búfjár og tegundir? Um 50
nautgripir, 25 kindur og 23 hænur,
hrútur og hani. Svo höfum við
verið með nokkra grísi á sumrin.
Hvernig gengur hefðbundinn
vinnudagur fyrir sig á bænum?
Gjafir kvölds og morgna og svo
mismunandi verkefni þess á milli.
Skemmtilegustu/leiðinlegustu
bústörfin? Sauðburðurinn er
skemmtilegastur, leiðinlegt þegar
allt gengur á afturfótunum, bilanir
og slíkt.
Hvernig sjáið þið búskapinn
fyrir ykkur á jörðinni eftir fimm
ár? Verðum vonandi búin að koma
öllum húsum og túnum í betra
stand og búin að stækka í allar áttir.
Hvaða skoðun hafið þið á
félagsmálum bænda? Bændur ættu
að standa betur saman.
Hvernig mun íslenskum
landbúnaði vegna í framtíðinni?
Vel ef rétt er haldið á spöðunum hér
höfum við ótrúleg tækifæri til að gera
svo flotta hluti, nóg af hreinu vatni
og lítil lyfjanotkun til dæmis. En það
þurfa allir að leggjast á eitt, bændur,
stjórnvöld og neytendur.
Hvar teljið þið að helstu tækifærin
séu í útflutningi íslenskra búvara?
Hér erum við með svo hreinar
afurðir og ættum að markaðssetja
okkur þar á sem flestum sviðum.
Hvað er alltaf til í ísskápnum?
Ostur, smjörvi, mjólk, gúrka, sultur
og fleira.
Hver er vinsælasti maturinn á
heimilinu? Útigrilluð kálfasteik
með sætum kartöflum, grilluðu
grænmeti og piparostasósu.
Eftirminnilegasta atvikið við
bústörfin? Þau eru nokkur, en
þau bestu eru framfarirnar sem hafa
orðið, til dæmis að fá rennandi vatn
í húsin, færa kálfana upp af taðinu
og fá kálfafóstruna. Svo allt brasið,
fastur traktor á ýmsum stöðum og
fleira.
Páskalambahryggur og -egg
Hvernig á að elda lambakjöt á
beini?
Lambahryggur er oft safaríkur
og góður. Hefðbundinn lamba-
hryggvöðva þekkja allir, þá er hann
úrbeinaður, sem getur valdið því að
kjötið er ekki eins safaríkt og gamli
ömmuhryggurinn.
Þess vegna er klofinn hálfhryggur
með lundinni góð tilbreyting, sem
er þá eins og T-bein steik en í heilu
lagi og svo er hann skorinn í sneiðar
eftir eldun með góðum hnífi (þarf að
skera í gegnum hrygginn). Það bragð
sem fæst aukalega af beininu ætti
að vera þess virði að prófa þennan
skurð af lambahrygg, sem er vinsæll
erlendis.
1. Látið kjötið ná stofuhita, sem ætti að
taka klukkutíma.
2. Hitið ofninn í 180 gráður.
3. Penslið kjötið með smjöri eða
ólífuolíu á bretti. Nuddið með salti og
ferskmöluðum pipar eftir smekk.
4. Setjið kjötið á steikarpönnu. Brúnið á
öllum hliðum.
5. Setjið lambið í ofninn í um 15-20
mínútur. Ekki opna ofndyrnar þegar
það er að eldast.
6. Látið standa að lágmarki í 20 mínútur
og setjið svo aftur inn í fimm
mínútur eða þar til hita mælir sem
stungið er inn í þykkasta partinn sýnir
60 gráður að lágmarki, fyrir bleikt kjöt.
Hitið að 63 gráðum fyrir miðlungsvel
eldað kjöt og að 68 gráðum fyrir vel
eldað.
Það er gaman að prófa sig áfram með
bragðbættar salttegundir, en úrval
af slíku er orðið ágætt og fá má á
bændamörkuðum og í sérverslunum.
Það má einnig gera sína eigin
saltblöndu, til dæmis með þurrkuðu
rósmaríni eða kryddjurtum að eigin
vali sem er svo unnið saman við saltið
í mortéli eða í kryddkvörn.
Borið fram með meðlæti að eigin
vali.
Páskaeggja kex-trufflur
› 2 Oreo-kexpakkar
› 1 msk. Nutella hnetusúkkulaðismjör
› 8 msk. rjómaostur
› Tvenns konar skraut að eigin vali
› 2½ bolli hvítt súkkulaði
Aðferð
Myljið Oreo-kex í matvinnsluvél, með
kreminu. Blandið Oreo-mylsnunni
saman við rjóma ostinn. Bætið einni
skeið af Nutella saman við. Hnoðið
deigið saman í egglaga bolta og
setjið á smjörpappír. Setjið í frysti
í 15 mínútur.
Þá eru Oreo-trufflur tilbúnar
í súkkulaðibað. Bræðið hvítt
súkkulaði í tvöföldu vatnsbaði (skál
ofan á potti með vatni undir), eða
í örbylgjuofni þar til bráðið. Takið
eggin úr frysti. Dýfið í súkkulaðið
annað hvort með gaffli eða setjið
á ykkur einnota plasthanska og
handleikið eggin þannig. Setjið á
nýtt stykki af smjörpappír. Látið
herðast. Dýfið í annað sinn ef þið
viljið þykkari skel og látið þorna.
Skreytið að eigin vali. Látið þorna
alveg. Og berið fram í brotnu
páskaeggi.
Páskabrúnkökur
Það er tilvalið að fullkomna veislu-
höldin um páskana með því að gera
súkkulaðiköku úr öllu afgangs
súkkulaðinu og stuðla að minni
matarsóun.
› 175 g smjör
› 200 g mjólkursúkkulaði, brotið
í sundur (gott að nota afgangs-
páskaegg)
› 225 g ljós púðursykur
› 2 miðlungsstór egg
› 1 tsk. vanilluþykkni (valfrjálst)
› 100 g hveiti
› 30 g kakóduft
Forhitið ofninn í 180 gráður.
Setjið smjör og súkkulaði í
örbylgjuofnskál. Krakkarnir elska
að hjálpa til við að brjóta eggin
og bræða. Örbylgjuofn er stilltur
á meðalhita og á eina mínútu.
Hrærðu svo blönduna hressilega
í 20 sekúndur. Setjið blönduna til
hliðar og kælið svolítið.
Setjið sykur, egg og vanillu (ef
hún er notuð) í sérstaka skál og
hrærðu lítillega svo þetta blandist
vel saman. Hrærið saman við
súkkulaðiblönduna . Bætið loks
hveiti og kakói við súkkulaðideigið
og blanda vel með sleif.
Hellið blöndunni í smurt form og
bakið í 20-25 mínútur, þar til þunn
skorpu hefur myndast á yfirborðinu.
Takið úr ofninum og látið kólna
í forminu í 30 mínútur. Skerið í
ferninga.
Það má auðveldlega frysta kökurnar
ef búið er að fylla súkkulaðikvótann
þessa páska.
Framreiðið með ís og berjum.
MATARKRÓKURINN
Bjarni Gunnar Kristinsson
Matreiðslumeistari
Lindarbrekka