Bændablaðið - 22.03.2018, Blaðsíða 8

8 Bændablaðið | Fimmtudagur 22. mars 2018
Landssamtök landeigenda héldu
aðalfund sinn á Hótel Sögu
þann 15. mars. Þar var Óskar
Magnússon á Sámsstaðabakka í
Fljótshlíð kosinn nýr formaður í
stað Arnars Bergssonar á Hofi í
Öræfum, sem gaf ekki kost á sér til
áframhaldandi formennsku.
Örn Bergsson var aftur á móti
kosinn í stjórn félagsins ásamt
Guðrúnu Maríu Valgeirsdóttur
úr Reykjahlíð, Sigurði Jónssyni í
Eyvindartungu og Birni Magnússyni
að Hólabaki.
Í varastjórn voru kosin Snorri H.
Jóhannesson, Erlendur Ingvarsson,
Þórólfur Sveinsson, Haukur
Halldórsson og Elín R. Líndal.
Hættir formennsku eftir 10 ár
Örn Bergsson hefur setið í stjórn
Landssamtaka landeigenda frá
stofnun þess fyrir 11 árum og þar af
sem formaður í 10 ár.
Nýi formaðurinn, Óskar
Magnússon, er fæddur á Sauðárkróki
13. apríl 1954. Hann nam lögfræði
við Háskóla Íslands og lauk Master
of International Business Law frá
George Washington University
í Bandaríkjunum. Óskar hefur
verið blaðamaður, lögmaður og
hæstaréttarlögmaður, verið forstjóri
og stjórnarformaður ýmissa
fyrirtækja og setið í stjórnum fjölda
fyrirtækja. /HKr.
Óskar Magnússon á Sámsstaðabakka kosinn
nýr formaður Landssamtaka landeigenda
Félag sauðfjárbænda í Austur-Húnavatnssýslu:
Sætta sig ekki við mikinn
verðmun milli afurðastöðva
- Eigendur SAH-Afurða fara yfir málið á næstu vikum
„Við höfum ekki rætt þessi mál
enn innan okkar raða, en stefnum
á að taka umræðu um málið í apríl
eða maí. Þá mun liggja fyrir hvert
verðþróun lambaafurða stefnir á
árinu,“ segir Eiður Gunnlaugsson,
stjórnarformaður Kjarnafæðis, en
félagið á og rekur SAH-Afurðir á
Blönduósi.
Félag sauðfjárbænda í Austur-
Húnavatnssýslu efndi til almenns
félagsfundar í lok febrúar. Þar var
samþykkt að skora á stjórn SAH-
Afurða ehf að bæta innleggjendum
sauðfjárafurða upp þann mikla mun
sem var á verði þeirra og annarra
afurðastöðva haustið 2017. Í
samþykkt fundarins segir að meðal
verðmunur SAH-Afurða og annarra
afurðastöðva hafi numið 13% síðasta
haust miðað við uppbætur sem aðrar
afurðastöðvar hafi greitt. Félagar
FSAH telja þennan mikla mun
algerlega óásættanlegan.
Jafnframt samþykkir fundurinn að
fela stjórn FSAH að leita allra leiða
til að tryggja bændum á svæðinu
sambærilegt verð við aðra. /MÞÞ
Á fyrsta innlausnardegi ársins
2018 fyrir greiðslumark mjólkur
þann 1. mars óskuðu sjö
handhafar greiðslumarks eftir
að ríkið innleysti greiðslumark
sitt og 93 handhafar lögðu inn
kauptilboð.
Innlausnarvirði greiðslumarks
mjólkur er 122 krónur á lítra á árinu
2018 og annast Matvælastofnun
innlausn greiðslumarks.
Innlausn greiðslumarks mjólkur
fer fram 1. mars, 1. maí, 1. september
og 1. nóvember ár hvert.
Nýliðar hafa forgang
Samkvæmt búvörusamningum, sem
tóku gildi þann 1. janúar 2017, skulu
framleiðendur sem teljast nýliðar eða
hafa framleitt a.m.k. 10% umfram
greiðslumark á árunum 2013 til 2015
hafa forgang að kaupum 50% þess
greiðslumarks sem Matvælastofnun
hefur innleyst. Sá pottur skiptist
síðan jafnt á milli forgangshópanna
skv. 10. gr. reglugerðar nr. 1181/2017
um stuðning við nautgriparækt
og skiptist svo hlutfallslega í
samræmi við þann lítrafjölda sem
óskað var eftir af framleiðendum
í þeim hópum. Það greiðslumark
sem þá er eftir er til úthlutunar
öðrum kaupendum greiðslumarks
og kaupendum í forgangshópum, að
frádregnu því magni sem þeir fengu
úthlutað úr forgangspotti.
93 gild kauptilboð
Á innlausnardeginum 1. mars
innleysti Matvælastofnun, fyrir
hönd ríkisins, greiðslumark sjö
framleiðenda samtals 607.189 lítra
að upphæð 74.077.058 krónur.
Matvælastofnun úthlutaði 303.593
lítrum úr forgangspotti 1, 10%
umframframleiðslupotti, 151.798
lítrum úr forgangshópi 2, nýliðahópi,
og loks 151.798 lítrum úr almennum
potti.
Gild tilboð um kaup á
greiðslumarki voru frá 93
framleiðendum og var alls óskað
eftir 9.178.367 lítrum. Í forgangi 1,
framleiðendur sem höfðu framleitt
10% umfram greiðslumark á
viðmiðunarárunum, voru 44
framleiðendur og í nýliðaforgangi
voru átta framleiðendur. /VH
Dýravelferð og lýðheilsa:
Viðbúnaður vegna
fuglaflensu
Eins og alltaf á þessum árstíma
metur Matvælastofnun í samvinnu
við sérfræðinga á Tilraunastöðinni
á Keldum og í Háskóla Íslands,
hvort hætta sé á að farfuglarnir
okkar beri með sér fuglaflensusmit
til landsins.
Á heimasíðu Mast segir að því
miður sé staðan sú í Evrópu um
þessar mundir að töluvert hefur verið
um fuglaflensu, bæði í alifuglum og
villtum fuglum. Það er því mikilvægt
að fuglaeigendur gæti smitvarna og
allir séu vakandi fyrir óeðlilegum
dauða bæði villtra fugla og fugla í
haldi.
Á undanförnum mánuðum
hafa tilkynningar borist um
fuglaflensugreiningar bæði í
alifuglum og villtum fuglum í
löndum þar sem margir af íslensku
farfuglunum hafa vetursetu, svo sem
í Hollandi, Englandi og Írlandi.
Ekki er talin þörf á að auka
viðbúnað enn sem komið er en
Matvælastofnun vill samt sem áður
brýna fyrir fuglaeigendum að huga
að smitvörnum og þá sér í lagi að
koma í veg fyrir að villtir fuglar
komist í fóður og drykkjarvatn
alifugla.
Að svo stöddu er því lágmarks
viðbúnaðarstig í gildi. Það felur
meðal annars í sér að tilkynna skuli
til Matvælastofnunar um dauða villta
fugla ef orsök dauða er ekki augljós.
Það má gera með því að senda
ábendingu á vef stofnunarinnar
eða með tölvupósti á netfangið
mast@mast.is. Jafnframt skulu
fuglaeigendur hafa samband við
stofnunina verði þeir varir við aukin
dauðsföll eða grunsamleg veikindi
meðal fugla sinna. /VH
FRÉTTIR
Eiður Gunnlaugsson, stjórnarformaður Kjarnafæðis, segir að það muni liggja
fyrir í apríl eða maí hvert verðþróun lambaafurða stefni á árinu.
Óskar Magnússon.
Aðalfundur Landssamtaka landeigenda:
Grundvallarmarkmið að félagið
standi vörð um eignarréttinn
Á aðalfundi Landssamtaka
landeigenda flutti Örn Bergsson
formaður skýrslu stjórnar í
síðasta sinn sem formaður. Lýsti
hann því grundvallarmarkmiði
samtakanna að standa vörð um
eignarrétt landeigenda því á hann
væri ekki gengið við setningu laga
og reglugerða.
Hann ræddi um afgreiðslu
þjóðlendumála á undanförnum
árum og lýsti því að stærstur hluti
landsins hefði verið tekinn til
meðferðar, en mál í Dalasýslu biðu
nú úrskurðar Óbyggðanefndar.
Kröfur fjármálaráðherra tengdar
Snæfellsnesi væru nú komnar fram
og væru minni í sniðum en oft áður.
Þá væru einungis Vestfirðir og
Austfirðir eftir. Örn sagði að afstaða
ríkisins og dómstóla hefði í þessum
málatilbúnaði öllum einkennst af
lítilli virðingu, svo virtist sem ríkið
reyndi að ná eignarlöndum undir
sig í skjóli gallaðrar lagasetningar,
ráða lögmannsstofu til að vinna
kröfugerðir og reka málin síðan
fyrir úrskurðarnefnd og dómstólum.
Ríkisendurskoðun hefði bent á að
þessi málsmeðferð gæti varla talist
eðlileg.
Örn greindi frá vinnu samtakanna
í tengslum við setningu nýrra
náttúruverndarlaga á árinu
2015 en í þau hefði verið sett
bráðabirgðaákvæði um að skilgreina
skyldi almannarétt í lögum. Þeirri
vinnu væri ekki lokið en samtökin
þyrftu að halda fram sínum málstað
á þeim vettvangi.
Samtökin aldrei boðuð á fund
um landsáætlun
Örn ræddi um lög um landsáætlun
um uppbyggingu innviða til verndar
náttúru og menningarsögulegum
minjum. Samtökin hefðu tilnefnt
fulltrúa sinn í nefnd um það efni en
sá fulltrúi hefði aldrei verið boðaður
á fundi nefndarinnar vegna mistaka
í ráðuneytinu. Sagði Örn samtökin
ekki geta sætt sig við þau drög að
stefnu sem nefndin hefði lagt fram.
Eignarrétturinn verði ekki
gjaldfelldur
Örn gerði væntanlegar breytingar á
stjórnarskrá Íslands að umtalsefni og
gat þess að samtökin þyrftu að gæta
þess að eignarrétturinn yrði ekki
gjaldfelldur í því starfi sem þarna
væri fram undan.
Örn lýsti því að samtökin
væru orðin viðurkenndur
hags munagæsluaðili fyrir
landeigendur. Hann lýsti því að
þörf væri enn fyrir samtökin þó nú
væri stórum hluta þjóðlendumála
lokið með misgóðri niðurstöðu
fyrir landeigendur. Þörf fyrir
hagsmunagæslu samtakanna
í samhengi við fleiri hluti en
Þjóðlendumálin, nefna mætti
sem dæmi mál í tengslum við
línulagnir, ágang á svæði af hendi
ferðaþjónustuaðila og fleira.
Þakkaði samstarfið í stjórn
samtakanna og lýsti því yfir að hann
gæfi ekki kost á sér til áframhaldandi
formennsku fyrir samtökin. /HKr.
Örn Bergsson.
bæði í alifuglum og villtum fuglum í löndum þar sem margir af íslensku
farfuglunum hafa vetursetu. Mynd / HKr.
Innlausn á greiðslumarki mjólkur 1. mars:
Sjö óskuðu eftir innlausn
Innlausnarvirði greiðslumarks mjólkur er 122 krónur á lítra á árinu 2018.