Fréttabréf Öryrkjabandalags Íslands - 01.06.1997, Síða 25
Meiri virkni félaga
Nefndafargan nefna sumir þetta og
að allsendis ómögulegt sé að koma
þessu á laggirnar. Því er til að svara
að nefndirnar verða ekki virkari en
félagamir sjálfir og félagarnir þurfa
vettvang til starfs. Með réttu má benda
á að þetta fyrirkomulag krefst
ákveðinnar verkefnisstjórnunar af
hálfu bandalagsins. Slíkt á ekki að
vera vandamál með nútíma tækni þar
sem auðvelt er að kalla til fundar, eða
samráðs í síma (eða á vefnum) og
niðurstaðan verður meiri virkni
félagsmanna í starfi bandalagsins.
Skynsamlegt er að koma þessu
fyrirkomulagi á í áföngum og byrja á
að koma á laggimar t.d.kjaranefnd og
nefnd um félagslega þátttöku fatlaðs
fólks í samfélaginu. Slípa í starfi
þessara nefnda fyrirkomulagið og
fjölga svo sem skynsamlegt sýnist.
Emil Thór.
/
Fréttir frá Gigtarfélagi Islands
Emil Thór í stuttu spjalli
✓
Aaðalfundi Gigtarfélagsins
hinn 12. aprfl sl. varð veru-
leg breyting á stjóm félagsins. Arni
Jónsson formaður félagins lét af
því starfi en á áfram sæti í
varastjórn. Sömuleiðis hurfu úr
stjórn eftir langa setu Jón Þor-
steinsson og Sveinn Indriðason,
hreinir frumherjar í félaginu. Voru
þeim þökkuð mikil og góð störf
fyrir félagið. Undirritaður minnist
upphafs þessa félags og óþreyt-
andi elju fmmherjanna. Stjómina
skipa nú: Einar S. Ingólfsson
formaður og aðrir eru í stjórn:
ArnbjörgGuðmundsdóttir, Laufey
Karlsdóttir, Sigríður Gunnars-
dóttir, Sigríður Zoéga, Sigurbjörg
Sigurðardóttir, Sverrir Sigfússon
og Þóra Amadóttir. Emil víkur svo
að verkefnunum: Meginverkefnið
að undanförnu hefur verið hin
mikla norræna ráðstefna sem
haldin verður 28.-29. og 30. maí og
nefnist Reuma 97. Það eru norrænu
gigtarfélögin sem staðið hafa að
ráðstefnum sem þessum, en þetta
er sú sjötta í röðinni, en nú í fyrsta
sinn hérlendis. Félögin í hverju
landi bera alfarið ábyrgð á ráð-
stefnunni í sínu landi. Þetta er gríð-
arlegt verkefni. Hingað koma 200
erlendir gestir og í kringum 100
íslendingar til viðbótar. 7 fyrirles-
urum er sérstaklega boðið til lands-
ins og síðan er fjöldi annarra fyrir-
lesara, en alls munu fyrirlestrar
vera 46. Þema ráðstefnunnar er:
Gigtin og framtíðin. Helztu við-
fangsefni eru m.a. samband sjúkl-
inga við fagaðila, þjónusta við
gigtsjúka úti á landsbyggðinni,
möguleikar heilsugæzlunnar í
landinu til að taka á gigtarsjúkum
og nýjar aðferðir í meðferð og er þá
fátt eitt hér talið. Önnur félagsleg
verkefni eru vissulega ekki af
skornum skammti. Ætlunin er að
auka virkni félaga úti á landi og nú
í byrjun júní er ætlunin að stofna
Austurlandsdeild á Egilsstöðum.
Sífellt er unnið að því að koma
húsnæði félagsins í fulla nýtingu og
gengur vel. Sjálfshjálparhópar fara
í gang með haustinu. Handbók um
gigt einnig væntanleg, en hún hefur
verið alllengi á leiðinni. Aukning
útgáfustarfsemi eitt aðalverkefni
framtíðarinnar. Bæklingur er vænt-
anlega á næstu grösum. Sömuleiðis
hefur bók um vefjagigt verið þýdd
og verður vonandi gefin út fyrr en
síðar. Það er því í nógu að snúast á
þeim bæ, sem Emil stjórnar af
röggsemi og honum þakkað þetta
spjall. H.S.
Hlerað í hornum
Maður kom inn á bar og spurði bar-
þjóninn hvort hann vildi heyra góðan
Hafnarfjarðarbrandara. Barþjónn-
inn, sem var stór og stæðilegur sagði
þá: “Ja, fyrst ætla ég að segja þér að
ég er Hafnfirðingur, þessir fjórir
mótorhjólagæjar eru líka Hafnfirð-
ingar og eins þessi kraftajötunn þarna
við spilakassann. Heldurðu að þig
langi enn til að segja þennan brand-
ara?” “Nci, aldeilisekki. Égætlasko
ekki að fara að útskýra hann sex sinn-
um”.
Þetta var úti í hinum stóra heimi.
Maður nokkur hafði átt unaðsstund
með konu einni, en bæði voru harð-
lofuð. Hann fékk samvizkubit og fór
til kaþólska prestsins, skriftaði og
spurði hvað hann ætti að gera til
yfirbótar. Sá kaþólski sagði honum
að setja 1000 krónur í söfnunarbauk
kirkjunnar. Það fannst manninum
sanngjarnt, en til að fá betri saman-
burð fór hann líka til lúterska prests-
ins, sagði honum frá málavöxtum og
bað hann meta hvað greiða ætti í
syndagjöld. Hann sagði honum að
greiða 10 þúsund krónur í söfnunar-
bauk kirkjunnar. “Hverslags okur er
þetta? Sá kaþólski sagði eitt þúsund
nægja.” “Já, sá kaþólski, hann hefur
enga hugmynd um eðli þessarar synd-
ar”.
Nonni 9 ára var að spyrja Gutta jafn-
aldra sinn að því hvort hann vissi hvað
þessi ást væri sem alltaf væri verið að
tala um. Gutti svaraði: “Ég held að
maður sé fyrst skotinn með ör, en svo
held ég að það sé ekki mjög sárt á
eftir”.
Til athugunar
I síðasta tölublaði Fréttabréfsins var birt bókun um málefni fatlaðra frá
Svæðisráði Reykjaness. Óskað hefur verið eftir að fá birtingu á andsvari
að bókun þessari. Hún hafði ekki borizt þegar þetta tölublað fór í prentun,
en mun birtast í næsta tölublaði.
Eins og ritstjóri hefur sí og æ sagt telur hann blaðið kjörinn vettvang til
skoðanaskipta. Þau eru ætíð af hinu góða, þegar hreint út er talað.
Ritstj.
FRÉTTABRÉF ÖRYRKJABANDALAGSINS
25