Fréttabréf Öryrkjabandalags Íslands - 01.06.1997, Qupperneq 35
Hann fór svo yfir og skýrði einstaka
liði áætlunarinnar. Aðeins skal að
nokkrum tölum vikið. Laun, launa-
tengd gjöld, ýmis útgjöld skrifstofu
bandalagsins þ.m.t. aðkeypt þjónusta
(lögfræðiaðstoð) samtals 13.3 millj.
kr. Akstur, erlend samskipti, funda-
kostnaður, auglýsingar, innbúskaup
og annarkostnaður samtals 4.65 millj.
kr. Samstarf ÖBÍ og Þroskahjálpar,
ráðstefnugjöld og stofngjald Mann-
réttindaskrifstofu 950 þús. kr. Styrkir
nema samtals 12 millj. kr. Til Starfs-
þjálfunar fatlaðra 1 millj. kr. og til
Tölvumiðstöðvar 250 þús. Frétta-
bréfiðkostar 5.5. millj. kr. Til atvinnu-
mála fatlaðra 10.15 millj. kr. og
Vinnustaðir ÖBÍ 4. millj. kr. Fjár-
hagsáætlunin síðan samþykkt ein-
róma.
5. Erindi til Umboðsmanns
Alþingis
Helgi greindi frá tilurð þess erindis
þ.e. að kjarasamningamir 1995 hefðu
ekki skilað sér svo sem þeir hefðu átt
að gera og munaði um fjórum
prósentustigum. Kvörtun þetta
varðandi send í janúar í fyrra og þrátt
fyrir margar ítrekanir embættisins
hefði ráðuneytið fyrst gefið andsvar í
janúar nú eða þurft ár til að verja þessa
ákvörðun sína. Athugasemdir banda-
lagsins síðan sendar Umboðsmanni
nær því um hæl og svo væri úrslita
beðið.
6. Frá skipulagsnefnd
Formaður nefndarinnar, Björn
Hermannsson, flutti góða og ítarlega
framsögu um störf nefndarinnar og
fyrirhugað framhald. Auk hans eru
þeir Ólafur H. Sigurjónsson og und-
irritaður í nefndinni. B jörn rifjaði upp
tilurð nefndarskipunar þ.e. stefnuskrá
ÖBI sem væri vegvísir sá sem leggja
þyrfti nú vegi eftir, breyta og endur-
byggja þar sem þess væri þörf. Að
skilgreina brýnustu verkefni og vinna
síðan út frá því. Skipta starfinu í
verkefni inn á við og svo út á við.
Varpaði því fram hvort reyna ætti að
flokka félög ÖBÍ út frá þjónustuþörf,
en ýmsar aðrar flokkanir kæmu til
greina s.s. greint á milli sjúkdóma og
fatlana. Nefndin leggur til að for-
mannafundur verði haldinn í apríl og
svo ákveðið framhald þar af. Æski-
legast væri að fá lokið vinnu við álit
og tillögur fyrir næsta aðalfund
bandalagsins.Miklar og fjörugar
umræður urðu á fundinum, bæði um
hlutverk bandalagsins og starfssvið
sem og verkaskiptingu milli banda-
lags og félaga. Þórey V. Ólafsdóttir
mælti fyrir því að bandalagið kæmi
sér upp þekkingar- og þjónustu-
miðstöð þar sem sérfræðingar kæmu
að hinum ýmsu meginþáttum. Ólafur
H. Sigurjónsson ræddi samstarf
Þroskahjálpar og Öryrkjabanda-
lagsins sem nauðsynlegt væri. I því
sambandi sagði Ásgerður að samstarf
þessara samtaka væri alltaf nokkuð og
færi á ný vaxandi. Ólafur kvað mjög
brýnt að bandalagið fylgdist vel með
yfirfærslu málefna fatlaðra til sveitar-
félaganna og ætti þar virka aðild.
Haukur Þórðarson kvað nauðsyn
til bera að sem skýrust skil væru á
milli bandalags og félaga í öllum
meginþáttum starfs, þannig að ekki
rækist á, þó samvinna þyrfti einnig að
vera sem bezt í milli. Rætt var um
hvort ekki bæri að boða fram-
kvæmdastjóra félaganna á formanna-
fund og verður það athugað betur.
Niðurstaðan almennt sú að skipu-
lagsnefnd undirbúi sem bezt fund um
skipulagsmál í apríl. Ingólfur H.
Ingólfsson taldi þarft að endurvekja
ferðamálaráð fatlaðra um leið og hann
fagnaði sérstaklega aðild að Mann-
réttindaskrifstofu Islands.
7. Önnur mál
Ólafur H. Sigurjónsson greindi frá
afdrifum Bréfaskólans, Stjórn skólans
hafði verið falið að ráðstafa skólanum,
en hann var seldur einkaaðila um síð-
ustu áramót - sá tekur við öllum samn-
ingum sem nemendum. Allt uppgjör
m.a. við starfsmenn er búið og allar
skuldir greiddar. Ólafur vonaði að
skólinn nyti áfram velvilja almenn-
ings. Sigurður Viggósson sagði
nokkuð frá Samtökum sykursjúkra og
baráttumálum þeirra. Fundi slitið um
kl. 19.20 H.S.
Sundhöll Reykjavíkur
1937 - 60 ára - 1997
Við Barónsstíg ein bygging er
borgarprýði mesta.
Þar má sjá, að unir sér
í sundi fjöldi gesta.
Ekk’ er að sjá neinn ellibrag
enginn finnst hér slíkur
sextug þó að sé í dag
Sundhöll Reykjavíkur.
Það er okkur öllum kært
að una í þessu “sloti”.
Flest við höfum hérna lært
að hald’ okkur á floti.
Ungir jafnt sem aldnir hér
allir lífsins njóta.
Á sínum hraða syndir hver
með sveiflu handa og fóta.
Eflaust metur þjóðin það,
sem þarna fær hún notið,
enda hefur “Höllin” blað
í hennar sögu brotið.
Þótt hér séu um borg og bý
byggðar laugar fínar
verð ég alltaf “Höllinni” í,
aðrir hafi sínar.
Með afmæliskveðju
Sigurður Jónsson, tannlæknir
Es. Þetta ágæta afmælisljóð barst okkur og eflaust munu einhverjir
lesendur þessara Ijóðlína undir taka.
FRÉTTABRÉF ÖRYRKJABANDALAGSINS
35