Fréttabréf Öryrkjabandalags Íslands - 01.03.2000, Blaðsíða 21

FÉLAG HEYRNAR-
LAUSRA FERTUGT
Forseti íslands fræddur um hvaðeina úr heimi heyrnariausra.
Laugardaginn 12. febrúar sl.
var haldið upp á 40 ára afmæli
Félags heyrnarlausra með
pomp og pragt, annars vegar með
ágætri afmælishátíð og hins vegar
með veglegri sögusýningu.
Hátíðin sjálf fór fram í Miðbergi en
sögusýningin við hliðina í Gerðu-
bergi.
Mikið Ijölmenni var á hátíðinni og
fór hún hið besta fram. Forseti ís-
lands heiðraði heyrnarlausa með
sinni notalegu nærveru.
Formaður Félags heyrnarlausra,
Berglind Stefánsdóttir flutti ávarp og
bauð menn velkomna. Hún minnti á
táknmálið og sögu þess, gat um hin
nýju tækifæri sem tækniþróuninni
fylgdu. Sögusýningin vísaði til for-
tíðar sem af mætti draga ærna lær-
dóma, en fyrst og fremst væri fram á
veginn litið til að bæta ástandið og ná
lengra í réttindabaráttunni. Á eftir
ávarpi Berglindar flutti Sólrún Snæ-
björnsdóttir nemi í MH ljóð á tákn-
máli, Jörðin en ljóðið eftir Sólrúnu.
Þá talaði Knud Sondergaard forseti
Evrópusambands heyrnarlausra og
formaður Landssambands heyrnar-
lausra í Danmörku. “Við erum hrifin
og stolt fyrir ykkar hönd að sjá
hverju þið hafið áorkað; skóli, tákn-
málskennsla, túlkar o.fl.”
“Félagið er mjög góð fyrirmynd
smærri þjóða um allan heim”. Þetta
sagði Knud m.a. og færði fram hlýjar
heillaóskir. Þá flutti Már Olafsson
nemi í MH frumort ljóð á táknmáli
sem hér er birt, en ljóðið heitir Sýn.
Næst flutti Steinunn Þorvalds-
dóttir stutta lýsingu á aðdrag-
anda og tilurð sögusýningarinnar en
hún náði allt aftur til ársins 1867
þegar hafin var kennsla heyrnarlausra
hér á landi. Víða var fanga leitað og
undirbúningur tímafrekur en að flestu
vikið sem máli hefur skipt fyrir
heyrnarlausa og þróunina í baráttu
þeirra, bæði varðandi kennslumál
sem táknmálið sjálft.
Málfríður Gunnarsdóttir formaður
Foreldrafélags heyrnardaufra flutti
hamingjuóskir og færði félaginu
forkunnarfagurt ræðupúlt sem Berg-
lind formaður tók á móti.
Síðastur talaði svo Helgi Hjörvar,
forseti borgarstjórnar Reykjavíkur,
færði fram heillaóskir borgarinnar og
þakkaði félaginu ötula baráttu fyrir
hinum sjálfsögðu réttindum s.s. þeim
að nota eigið móðurmál, táknmálið.
Fatlaðir sækja ótrauðir fram til nýrra
sigra og heyrnarlausir láta þar sitt
ekki eftir liggja.
Kynnir á hátíðinni var undirritaður.
Næst var gengið til Gerðubergs en í
B sal þar var sögusýningin. Fulltrúi
Landssímans afhenti félaginu að gjöf
tvo myndsíma og að sjálfsögðu fór
fram prófun á staðnum þar sem allt
gekk eins og í ævintýrunum. Minna
skal á það í leiðinni að ágæt sjón-
varpsauglýsing um að táknmálið, það
væri málið og þú hefðir það í hendi
þér, birtist á skjánum í kringum af-
mælið, gerð hennar var kostuð af
Landssímanum sem afmælisgjöf
einnig.
Þá flutti snjallt ávarp forseti ís-
lands, Ólafur Ragnar Grímsson
og bar fram heillaóskir til félagsins
frá íslenskri þjóð. Framlag heyrnar-
lausra til samfélagsins væri dýrmætt
og nauðsyn rík á því að þeim væri
skapað sem best táknmálsumhverfi.
Heyrnarlausir hefðu kennt þjóðinni
hversu þrautseig barátta í takt við
tækninnar töfraundur megnaði að
skila rnönnum langt á veg fram.
Forsetinn lýsti svo sögusýninguna
formlega opnaða. Þar var sjón allri
sögu ríkari, en með skýrum texta og
myndum svo og munum fékkst ljós
mynd af þeirri sögu sem felur í sér
ótrúlegar framfarir á sóknar - og
sigurleið heyrnarlausra. Héðan eru
sendar hinar hlýjustu hamingjuóskir
með þá árnan æðsta að táknmálið
hljóti sem fyrst fulla og óskoraða
viðurkenningu, enda það baráttumál
heyrnarlausra sem mestum sköpum
gemr skipt. Afmælishátíð sem sögu-
sýning var félaginu til einstaklega
mikils sóma, svo vel sem þar var að
öllu staðið og ánægjulegt að sjá þann
mikla fjölda sem naut svo vel þessa
laugardags milli annars tveggja
óveðra þorrans.
H.S.
FRÉTTABRÉF ÖRYRKJABANDALAGSINS
21