Spássían - 2011, Síða 7

7
VÍSINDINmætaLISTINNI
Vísindaskáldskapur er svæðið þar
sem listin og vísindin mætast og
er það eflaust ástæðan fyrir því að
hann er svo eftirsóttur en líka svo
fyrirlitinn. Listin og vísindin mynda
nefnilega í hugum okkar hefðbundið
andstæðupar og skilgreina því hvort
annað um leið: Listin er það sem
vísindin eru ekki, og öfugt. Með því
að sameina þessar andstæður raskar
vísindaskáldskapur skipulaginu sem
samfélag okkar fylgir og er því þyrnir
í auga þeirra sem vörð vilja standa
um kerfið, bæði í vísindasamfélaginu
og bókmenntasamfélaginu, eða í
besta falli merkingarlaust þvaður.
Svo eru það allir hinir, sem fá fiðring í
magann við möguleikana sem opnast
við þennan samslátt. Jú, vissulega
eiga vísindin alls ekki að leyfa sér að
skálda í eyðurnar og skáldskapurinn
ekki að snúast um tæknilegar lýsingar.
Það er bara svo freistandi að spyrja:
Hvað ef ...