Íþróttablaðið - 01.09.1948, Qupperneq 12

4
ÍÞRÓTTABLAÐIÐ
og setti leikanna með þessum orðum:
„Ég lýsi yfir opnun liinna lk- Olympíu-
leika, sem háldnir eru í London.“ — Er
konungur hafði þetta mælt kvað við
trumbusláttur mikill frá riddaraliðs-
sveitinni og hinn stóri Olympíufáni
var dreginn að hún. Jafnskjótt voru
leystar úr haldi 7000 bréfdúfur, sem
skyldu vera boðberar þess að leikarnir
væru byrjaðir og friður héldist í land-
inu. Flögruðu þær um stund yfir leik-
vanginum, en flugu svo á brott. Nú
kveða við fallbyssudrunur, það er hleypt
af 21 skoti, en síðan verður hlé eitt
andartak. Það má sjá eftirvæntingu
skína út úr öllum, áhorfendur líta til
inngöngudyranna og vænta einhvers.
Allt í einu birtist síðasti boðhlaupar-
inn með Olympíueldinn. Hann er hvit-
klæddur og heldur á kyndlinum í hægri
hendi. Fyrst staðnæmist hann augna-
blik, en tekur siðan á rás hægra megin
eftir hlaupabrautinni og hleypur heilan
hring á veliinum, staðnæmist loks við
altarið yfir inngöngudyrunum, lyftir
kyndlinum upp, en snýr sér svo að alt-
arinu og tendrar Olympíueldinn, sem
á að brenna dag og nótt meðan leikarn-
ir standa yfir.
Nú kveður við fagur kórsöngur frá
miðjum veílinum. Var það hinn hvit-
klæddi, blandaði kór, sem söng „Non
Nobis Domine.“ Að því loknu flutti
Donald Finlay vinnur Olympíueiðinn.
John Mark, síðasti boðhlauparinn, kemur
með Olympíueldinn inn á Wembley.
erkibiskupinn af York ræðu, en síðan
söng kórinn ,.Hallelúja“ úr Messíasi
eftir Haendel. 1 lok söngsins tóku allir
fánaberarnir sér stöðu í hálfhring um-
hverfis ræðupallinn, þar sem Olvmpíu-
nefndarmennirnir höfðu áður staðið.
Fulltrúi íþróttamanna, hinn heimsfrægi
grindahlaupari, Donald Finlay, gekk upp
í ræðustólinn, greip vinstri hendi í
brezka fánann, lyfti þeirri hægri —
og vann Olympíueiðinn, en hann hljóð-
ar eitthvað á þessa leið: „Við sverjum
að halda leikreglur Olympíuleikanna
og vera heiðarlegir í allri keppni. —
Þátttaka okkar skal miða að því að
verða þjóð okkar til sóma og íþrótt-
unum til vegsauka.“ Fánaberarnir tóku
Þátt í þessari virðulegu athöfn með
þvi að lyfta hægri hendinni.
Nú rífur kórinn þögnina með því að
syngja brezka þjóðsönginn, en fánaber-
arnir fara aftur á sinn stað. Setning-
arhátíðinni er lokið og útgangan hefst.
Grikkir ganga fyrstir og svo hinar þjóð-
irnar í stafrófsröð eins og áður. Þessu
lýkur ekki fyrr en kl. að ganga 6 og
hafði athöfnin þá alls tekið nær 3 tíma.
Enda þótt allt hefði farið mjög virðu-
lega fram og haft mikil áhrif á mann,
var ekki laust við að mörgum létti,
þegar allt var um garð gengið. A. m.
k. mun sumum hafa verið orðið brátt
að hreyfa sig, því þegar útgangan stóð
sem hæst þustu áhorfendur niður á
völlinn og þrengdu sér að flokkunum
og skoðaði þá í krók og kring. Eins
og áður er sagt var hitinn ógurlegur og
til merkis um líðan þeirra, sem þurftu
að standa hreyfingarlausir á miðjum
vellinum má geta þess að það leið yfir
а. m. k. 4 merkisbera meðan á athöfn-
inni stóð.
FR J ÁLSlÞRÓTT AKEPPNIN. —
30. júlí — 7. ágúst.
KARLAR.
100 METRA HLAUP:
Heimsmet: 10,2 Owens, U. S. A. 1936
Olymp.met: 10,2 Owens, U. S. A. 1936
l. H. Dillard, USA .... 10,3 sek.
2. H. N. Ewell, USA .... 10,4 sek.
3. L. La Beach, Panama 10,4 sek.
4. Mc. Corquodale, Bretl. 10,4 sek.
5. M. E. Patton, USA . . 10,5 sek.
б. McÐonald Bailey, Br.l. 10,6 sek.
100 m. úrslit (photo finishl.