Íþróttablaðið - 01.09.1948, Page 55

ÍÞRÓTTABLAÐIÐ
47
Heimsókn sænsku knattspyrnumannanna
Eftir Árna Ágústsson.
Knattspyrnuliðið Djurgaarden hefir
um árabil verið í fremstu röð sænskra
1. deildar knattspyrnuliða. Síðastliðið
keppnisár varð félagið hinsvegar fyrir
ýmsum óhöppum með leikmenn sína,
þar sem margir þeirra slösuðust og
gátu eigi verið með um lengri eða
skemmri tima. Það var þvi sjaldan sem
félagið gat teflt fram sínu sterkasta
liði. Afleiðingin varð sú, að félagið beið
ósigur fyrir veikari liðum, vann aftur
á móti sum þeirra sterkari og t. d. Nor-
köping 3-1, og Malmö 1-0. — Úrslit
meistarakeppninnar sænsku urðu því
að þessu sinni ekki sem happasælust
fyrir Djurgaarden, og varð félagið að
sætta sig við 11. sætið i 1. deild, og þar
með að hrapa niður í 2. deild.
Djurgaarden keppti hér sem kunnugt
er þrjá leiki. Þann fyrsta 9. júní við
Fram, sem lauk með sigri Svíanna 5-2.
Annan leikinn keppti Yíkingur við þá.
Sá leikur varð jafnari og sigur Svíanna
eigi svo stór, því að þeir unnu leikinn
aðeins með 1 marki gegn engu.
Síðasta leikinn keppti Djurgaarden
við úrval úr Reykjavíkurfélögunum.
Um val leikmanna Reýkjavíkurliðsins
réð Knattspyrnuráð Reykjavíkur. Úr-
slit þessa leiks komu öllum á óvart. og
ekki kvað síst Svíunum sjálfum, því
að eftir fyrr leikjunum að dæma, höfðu
þeir áður en leikurinn hófst, látið orð
falla um það, að þeir þættust hólpnir ef
þeir slyppu með 2ja til 3ja marka ó-
sigri.
Yfirleitt þótti Reykvíkingum vel val-
ið í lið sitt, og voru hvergi smeykir
og ætluðu þeir bjartsýnustu að sigra
Svíanna með fimm til sex mörkum.
En oft snúast hlutirnir við í fram-
kvæmdinni og svo fór í þetta sinn. —
Svíarnir unnu glæsilegan sigur með
5 mörkum gegn engu.
Djurgaarden er mjög heilsteypt
knattspyrnulið. Allir leikmennirnir
virtust vera betri en i meðallagi, og
sumir nálguðust það að mega kallast
snillingar t. d. þeir Eidefjæll og Ny-
ström. Liðið féll því vel saman og
tókst að sýna örugga og tæknilega vel
útfærða meginlandsknattspyrnu, sem
byggist á stuttum og hröðum sendingum
samfara snöggum og skipulögðum vixl-
skiptingum leikmannanna.
Knattmeðferð einstaklinga liðsins var
sérstaklega góð, og með hjálp snöggra
og mjúkra líkamshreyfinga, sem eru
táknrænar fyrir grasvallarleikmenn,
tókst Svíunum oft á tíðum að gera
mótherja sína eigi síður en áhorfendur
orðlausa af undrun, þó sér i lagi er
þeir í návígi þurftu að bregða fyrir
sig allri þeirri leikni, sem þeir réðu
yfir.
Djurgaarden var öruggt bæði í sókn
og vörn og úthald þess fullkomið allt
til leiksloka.
Lið Reykjavíkurfélaganna virtist vel
skipað er menn lásu nöfn leikmanna
í dagblöðunum. Og allt fram i sioari
hálfleik allra leikjanna voru menn all
öruggir um að landarnir myndu bera
sigur af hólmi. En sama sagan endur-
tókst i öllum leikjunum, þ. e. a. s. að
þegar liða tók á síðara helming þeirra,
var eins og öll hugsun, máttur og bar-
áttuvilji dvínaði í sveitum Reykvík-
inganna, að sama skapi sem Svíunum
óx ásmegin og náðu skipulagðari leik.
Leikur Víkings hafði þó að nokkru
leyti sérstöðu, þar sem lið þeirra hélt
betur út en hin liðin, og gerði á síðustu
minútum leiksins árangurslausar til-
raunir til að jafna leikinn.
í þessum leik mátti glögglega sjá
að leikmennirnir höfðu tekið stakka-
skiptum í framkvæmd leiksins, frá þvi
sem þeir liöfðu sýnt á Reykjavikurmót-
inu, og féllu lánsmennirnir frá Val vel
inn í leik liðsins.
Markmaðurinn Fritz Buchloh sýndi
nú glæsilegan og minnisstæðan leik.
í leikjunum við Svíanna náði úr-
ræðaleysið og vanmáttur okkar manna
hámarki í síðari hálfleik þriðja leiks-
ins, leik úrvalsliðsins.
Var hörmung ein á að horfa, sérstak-
lega vegna þess, hve liðið gaf bjartar
vonir allt fram í síðari hálfleik, og
ekki hvað sízt vegna þess að allar
stöður liðsins voru skipaðar ágætum
leikmönnum. Er vonandi að slík um-
skipti í leik komi eigi oftar fyrir, þó
sérstaklega þegar um úrvalslið er að
ræða.
Olympíusundmót
lialdið í Sundhöll Reykjavíkur 12. júli
1948. Helstu úrslit urðu þessi:
Konur:
50 m. bringusund: 1.-2. Anna Ólafsd.,
Á. 1.-2. Þórdís Árnadóttir, Á. 42,0 sek.
(nýtt met). Gamla metið 43,3 sek. átti
Þórdís. Hið nýja met er millitími í 200
m. bringusundi.
100 m. bringusund: 1. Þórdis Árnad.
Á. 1:29,4 mín. (nýtt met). 2. Anna Ólafs-
dóttir, Á. 1:29,6 mín. Gamla metið 1:30,7
mín. setti Anna 30. júní. Hér var einnig
um millitíma að ræða.
200 m. bringusund: 1. Anna Ólafsdótt-
ir, Á. 3:08,2 mín. (nýtt met), 2. Þórdís
Árnadóttir, Á. 3:08,7 mín. Gamla metið
3:09,6 mín. setti Anna 30. júní.
50 m. baksund. 1. Kolbrún Ólafsdótt-
ir, Á. 37,2 sek. (nýtt met). Gamla metið
38,4 sek. setti Kolbrim 30. júni. Þetta
var miliitimi á 100 m. baksundi.
100 m. baksund: 1. Kolbrún Ólafsd.
Á. 1:22,0 min (nýtt met). Gamla metið
1:26,7 mín. setti Kolbrún i landskeppn-
inni við Norðmenn.
Karlar:
100 m. skriðsund: 1. Ari Guðmundss.
Æ. 1:00,3 mín. 2. Ól. Diðrikss. Á. 1:06,0,
3. Ragnar Gíslason, KR 1:07,4.
300 m. skriðsund: 1. Ari Guðmundss.
Æ. 3:47,5 mín. (nýtt met). Gamla metið
3:47,6 átti Ari. Þetta var millitími úr
400 m. skriðsundi.
400 m. skriðsund: 1. Ari Guðmundss.
Æ. 5:04,7 mín (nýtt met). Gamla metið
5:09,6 mín setti Ari i landskeppninni.
200 m. bringusund: 1. Sigurður Jóns-
son, KR. 2:46,9 mín. 2. Atli Steinarsson,
IR. 2:53,5 mín. Sigurður Þingeyingur
gat ekki keppt vegna lasleika.
100 m. baksund: 1. Guðmundur Ing-
ólfsson, ÍR 1:15,7 mín. (nýtt met). 2.
Ólafur Guðmundsson, ÍR. 1:17,6 min.
Gamla metið 1:16,2 mín. setti Jónas
Halldórsson 1939.