Íþróttablaðið - 01.04.1986, Síða 20

„Frammistaða okk
— Iþróttablaðið ræðir við Rúmenann Vasile
Stinga einn besta handknattleiksmann heims.
Fyrir heimsmeistarakeppnina í
handknattleik höfðu flestir leikmenn
og þjálfarar spáð því að Rúmenar yrðu
heimsmeistarar. En möguleikar Rúm-
eníu á titlinum urðu að engu er besti
leikmaður þeirra Vasile Stinga kinn-
beinsbrotnaði í fyrsta leik liðsins í
keppninni — gegn Tékkum.
Vasile Stinga er íslenskum hand-
knattleiksáhugamönnum að góðu
kunnur. íþróttablaðið hitti þennan
stórgóða leikmann er hann var að
fylgjast með félögum sínum í leik gegn
Sovétmönnum. Þessi frábæri leikmað-
ur hefur leikið 183 landsleiki fyrir
þjóð sína og skorað 1000 mörk eða
fleiri en nokkur annar leikmaður í
landsleik. Þúsundasta markið sitt
skoraði hann einmitt í fyrrnefndum
leik gegn Tékkum.
Vasile Stinga er 29 ára og er liðsfor-
ingi í rúmenska hernum. Hann leikur
með Steua Bukarest í heimalandi sínu
en það er lið atvinnuhermanna. Leikur
Stinga stöðu vinstri bakvarðar í liðinu.
— En hvað segir þessi geðþekki
Rúmeni um heimsmeistarakeppnina?
„Fyrir mig og rúmenska liðið er
heimsmeistarakeppnin 1986 vonbrigði.
Við höfðum stefnt að því að verða
heimsmeistarar og höfðum undirbúið
okkur mjög vel. En eins og hendi væri
veifað var slökkt á þeim vonum okkar
og nú erum við að leika um 9.-10. sæt-
ið. Þetta er vitanlega mjög leiðinlegt.
Undirbúningur hafði staðið í fimm
mánuði og á þeim tíma vorum við
meira eða minna fjarri fjölskyldum
okkar og heimalandi. Frammistaða
okkar er skömm fyrir Rúmena og
skömm fyrir rúmenskan handknattleik.
ÍSLENSKA LIÐIÐ ER MJÖG
STERKT
Heimsmeistarakeppnin í Sviss er
keppni mikilla breytinga. Það hefur
Texti og mynd: Gauti Grétarsson.
orðið mikill uppgangur í norrænum
handknattleik og þá á ég sérstaklega
við Svía og íslendinga. Einnig hafa
Kóreumenn komið skemmtilega á
óvart.
Mér finnst íslenska liðið mjög sterkt
og það er erfitt að leika gegn því. Liðið
hefur þrjár góðar skyttur í stöðunum
fyrir utan og varnarmenn verða alltaf
að fara vel út á móti þeim og við það
skapast veikleiki í miðju varnarinnar.
Önnur lið hafa einn eða tvo góða leik-
menn fyrir utan þannig að hægt er að
fá hjálp frá næsta manni við hliðina.
Slík aðstoð í varnarleiknum kemur
ekki að haldi í leikjum við íslendinga.
En það að Rúmenar skyldu tapa fyr-
ir íslendingum má kenna reynsluleysi.
Enginn í liðinu hafði þá reynslu, hugs-
un og aga að leika rólega og yfirvegað
eins og þurfti að gera þegar Rúmenar
voru komnir fjórum mörkum yfir. Þess
í stað var reynt að skora úr lélegum
20