Íþróttablaðið - 01.04.1986, Qupperneq 28

Pálmar
— En þessi hreyfanleiki sem þú
býrð yfir?
„Við erum með leikkerfi í gangi og
höfum stóran senter. Það er gott að
geta gefið á hann og stungið sér inn —
ef þú færð ekki boltann til baka þarftu
að píla þér út úr teignum aftur og
koma þér í þína stöðu. Ef hreyfanleiki
er mikill í liði og leikmenn vita hvaða
rásir þeir eiga að hlaupa þá er hægt að
spila mjög skemmtilega og hlutirnir
ganga oftast upp. Það er bara svo
margt í grunnþjálfuninni hjá okkur
sem hefur alltaf vantað. Ef lið getur
sett upp góð skrín næst alveg ótrúleg-
ur árangur — allt opnast hjá andstæð-
ingnum. Þetta vantar hér heima“.
KÖRFUBOLTINN SPRENGDUR UPP
— Finnst þér körfuboltinn fá of
litla athygli miðað við handbolta og
fótbolta?
„Heimsmeistarakeppnin í Sviss setti
gífurlegt strik í reikninginn í sambandi
við auglýsingu á úrslitakeppni úrvals-
deildar. Það voru kannski 3-4 síður um
handbolta þegar körfuboltinn fékk 10
cm auglýsingu á úrslitaleik. Auðvitað
er handboltalandsliðið í heimsklassa en
það má ekki láta aðrar íþróttir sitja á
hakanum. Kannski þess vegna var
sjarminn yfir bikarnum miklu meiri. Þá
var handboltinn búinn og körfuboltinn
sprengdur upp. Því var ánægjan enn
meiri að standa uppi sem sigurvegari".
Fyrsta landsleikinn fyrir íslands
hönd lék Pálmar 18 ára gegn Hollandi
á Akranesi. Aðspurður sagðist hann
vera ánægður með landsliðsmálin í dag
því þau væru í góðum höndum þeirra
Einars Bollasonar og Gunnars Þor-
varðarsonar. En er Einar þá eins sem
landsliðsþjálfari og þjálfari félagsliðs?
„Hann er alveg hinn sami og nær því
sem hann vill út úr leikmönnum ef þeir
eru tilbúnir að leggja eitthvað á sig.
Það er enginn vafi að hann er besti
þjálfari íslands í dag“.
GÍFURLEGUR SJARMI
Eins og áður sagði er Pálmar fyrir-
liði Haukaliðsins — staða sem þykir
mikill heiður að gegna. „í yngri flokk-
unum þótti gífurlegur sjarmi yfir fyrir-
liðastöðunni. Hún lenti oftast hjá þeim
sem sköruðu fram úr en hlutverk fyrir-
liðans er í raun mun meiri ábyrgðar-
staða. Fyrst og fremst reynir á hana í
eldri aldursflokkunum því þú ert milli-
liður leikmanna og þjálfara. Þú þarft
að hafa hemil á leikmönnum þínum
utan vallar sem innan og reyna að sjá
um að „mórallinn“ sé góður innan liðs-
ins.
— Hefur draumurinn aldrei verið
að fara út og leika körfubolta?
„Auðvitað er það draumur flestra að
fara til Ameríku og spila. Fara í háskóla
þar sem íþróttin er tekin föstum tök-
um samhliða hagnýtu námi. Það kitl-
aði mig að gera þetta en ég hef horft
upp á nokkra leikmenn fara út og
reyna fyrir sér. Þeir hafa e.t.v. lent á
misjöfnum skólum og þar af leiðandi
komið misjafnir heim. Ég get ekki sagt
að þjálfun Einars Bollasonar sé neinn
eftirbátur þeirra sem komið hafa frá
Ameríku. Því er spurning hvort þetta
sé þess virði því þú lærir örugglega
mest lítið. Auðvitað væri samt gaman
að prófa og sjá hvar maður stæði gagn-
vart þessum mönnum“.
Að öllum líkindum verða einhverjar
breytingar á Haukaliðinu fyrir næsta
keppnistímabil. Reynir hélt til Dan-
merkur í nám um síðustu áramót.
Kristinn Kristinsson fer líklega í raf-
magnsverkfræði í Ameríku. Eyþór er
að hugsa um að fara til Svíþjóðar.
„Það yrði bagalegt að missa þessa
stráka því þeir eru stærstir í liðinu“.
ÞRÆLL ÍÞRÓTTARINNAR
Pálmar hefur oft þjálfað yngri flokka
Hauka en gæti hann hugsað sér að
taka að sér þjálfun að loknum sínum
leikferli? „Ég tel að það komi alveg í
beinu famhaldi að miðla af reynslunni.
Annars hef ég ekkert hugsað um það
ennþá“.
— Ætlarðu að halda lengi áfram í
toppkörfubolta?
„Ég geri fastlega ráð fyrir því ef
heilsa og geta leyfa. Það er voðalega
erfitt að klippa allt í einu á þá ímynd
sem þú ert búinn að skapa þér. Þú
verður hálfgerður þræll íþróttarinnar.
Auðvitað hefur það orðið mér til fram-
dráttar á mörgum sviðum. Maður er
kominn i ákveðinn farveg sem verður
að fylgja eftir. Hvað námið varðar er
allt óvíst en líklega ílengist ég eitthvað
í Sparisjóðnum því mér líkar vel að
vinna þar“, sagði Pálmar að lokum.
28