Íþróttablaðið - 01.04.1986, Síða 24

Texti: Þorgrímur Þráinsson.
Myndir: Ýmsir.
Þær sögur ganga nú fjöllum hærra í
Hafnarfirði að viðskiptavinum Spari-
sjóðs Hafnarfjarðar hafi fjölgað gífur-
lega undanfarna mánuði. Ástæðan? —
Jú, Pálmar Sigurðsson körfubolta-
snillingur vinnur þar. Ef ég þekki
hann rétt er hann síðasti maður til að
viðurkenna þetta því framhleypninni
er ekki fyrir að fara hjá honum. En
hver vill ekki eiga viðskipti við mynd-
arlega, brosmilda og hressa menn?
Ekki sakar það síðan að vera vinsæl
íþróttastjarna.
Pálmar Sigurðsson er orðinn ein af
stjörnunum í íþróttaheiminum. Hann
hefur verið einn af máttarstólpum
Hauka í körfubolta undanfarin ár og á
engan er hallað þegar sagt er að hann
sé lykilmaður í öllum sóknarlotum
liðsins. Sendingar hans eru hreinasta
snilld, boltameðferð og skot í hæsta
gæðaflokki og mikill hreyfanleiki ein-
kennir hann. Geysilega agaður
íþróttamaður enda fyrirliði Hauka
innan vallar sem utan.