Íþróttablaðið - 01.04.1986, Qupperneq 47

Njáll Eiðsson
hefur grasvöll. „Það er spurning hvort að mölin sé
ekki farin að há þessum liðum og um stöðnun sé að
ræða. Það er allt önnur íþrótt að leika knattspyrnu á
grasi, þótt það sé lélegt“.
— Hvernig er undirbúningstímabiii Einherja hátt-
að?
„Þeir byrjuðu hjá mér 20. febrúar og æfa 3 sinnum
í viku fram að páskum. Þá förum við í æfmgaferð
til Færeyja. Æfingarnar byggjast upp á langhlaupum
og kraftæfingum innanhúss sem ætti að auka líkams-
styrk. Á laugardögum reyna þeir að fara í fótbolta ef
aðstæður leyfa. Eftir páska ætla ég að byggja meira
upp á boltaæfingum, sprettum og öðru slíku. Þegar
æfingar hófust var strax 100% æfingasókn og leik-
menn gefa sig alveg í þetta. Þeir gera sér alveg grein
fyrir því að það þýðir ekkert að stunda sjómennsku
samhliða fótboltanum. Ef 3-4 menn færu á sjóinn
væri út um liðið. Strákarnir fórna því oft ýmsum at-
vinnutækifærum eins og gerist eflaust líka í Reykja-
vík“.
í góðum félagsskap með Jimmy Rimmer markverði
Aston Villa eftir leik þeirra gegn Val á Villa Park í
Evrópukeppni meistaraliða 1981.
„Það er engin reynsla komin á það hvernig mér
gengur að vera þjálfari og leika með. Þó hlýtur það
að vera stressandi. Einnig er erfitt að segja til um
hvort ég kem til með að standa mig vel eða illa sem
leikmaður. Ég hef séð leikmenn sem hafa ekki getað
einbeitt sér að hvorutveggja. En ég hef líka séð þjálf-
ara spila betur þegar ábyrgðin er meiri. Æskilegast
væri að hafa liðsstjóra utan vallar sem gæti hjálpað
til“.
Markmiðið að halda sér uppi
Eins og áður sagði hefur Njáll leikið í þremur
deildum með liðum mismunandi að styrkleika. Er
mikill munur á milli deilda á íslandi? „Það er mikill
munur á l.og 3.deild en þó er hann alltaf að minnka
því breiddin er orðin meiri í 3.deild og þjálfunin betri.
Munurinn á botnliðunum í l.deild og bestu liðunum
í 2.deild er ekki mikill. Sömu sögu er að segja af þeim
bestu í 3.deild og þeim lökustu í 2.deild. Aðalmunur-
inn er kannski sá að í l.deild færðu minni tíma,hrað-
inn er meiri og leikmenn er sneggri og sterkari. Að-
stöðumunur er mikill - vellirnir eru betri í l.deild.
Dómgæslan er betri og með tilkomu gervigrassins
sem Reykjavíkurfélögin sitja ein að hlýtur munurinn
að aukast. Leikmenn Einherja stigu inn á gervigrasið
fyrri skemmstu og sögðust þeir ekki vita hvar þeir
væru í knattspyrnunni ef þeir hefðu slíkan völl“.
Einherji lék í 2.deild á tímabilinu ’82-’84. Síðast-
liðið sumar léku þeir hins vegar í 3.deild og báru sig-
ur úr býtum. Hvert skyldi markmið þeirra vera í
deildinni í sumar?
„Markmiðið hlýtur að vera að halda sér uppi. Það
er greinilegt að lið sem koma upp úr 3.deild eiga erf-
itt uppdráttar eins og sýndi sig síðastliðið sumar.
Bæði Leiftur og Fylkir féllu. Því virðist vera töluverð-
ur munur á þessum deildum. Raunhæft er að halda
sér í 2.deild en ég hef trú á að það verði erfitt“,sagði
Njáll að lokum. Eitt er víst að torfærujeppinn hefur
ekki numið staðar og hver veit nema hann marki
djúp för í 2.deild næsta sumar. Það fer að koma tími á
Austfirði að láta að sér kveða í íslenskri knattspyrnu.
Sýð saman úr reynslunni
Eitt sterkasta vopn Njáls sem þjálfara er eflaust
reynslan en hvernig byggir hann æfmgarnar upp?
„Ég reyni að sjóða saman úr reynslunni í gegnum
árin - hvernig aðrir þjálfarar hafa starfað. Ég ræði við
menn og les mér til um þjálfun. Sagt er að undirbún-
ingstímabilið sé það auðveldasta í þjálfuninni og
hefst því alvaran ekki fyrr en komið er út í mót. Þá
þarf að ræða taktík,stjórna og gera lið að liði. Það er
hlutur sem ég þekki ekki ennþá nema í gegnum yngri
flokkana".
— Finnst þér ekki skrýtið að vera allt í einu
ábyrgur fyrir heilu liði í stað þess að fljóta með eins
og áður?
Ungur og
frískur
heima á
Borgarfirði-
Eystra.
47