Íþróttablaðið - 01.04.1986, Blaðsíða 65

En hverjir eru í sama gæðaflokki markvarða í
heiminum og hann - og hver er bestur að hans mati?
„í síðustu heimsmeistarakeppni hreifst ég mest af
Dino Zoff og markverði Kamerún N’Kono. Sem
stendur hef ég mest dálæti á Schumacher".
Ekki langar Dassaev að leika í öðru landi þó svo
það sé freistandi að lifa lífi atvinnumannsins í Vestur-
Evrópu. Hann vill þó ekki yfirgefa föðurlandið.fjöl-
skylduna og félagið þar sem hann ætlar að ljúka sín-
um ferli.
í Sovétríkjunum eru margir ungir og efnilegir
knattspyrnumenn sem virðast til alls líklegir en þegar
þeir ná ákveðnum gæðaflokki og þurfa að etja kappi
við andstæðinga í Vestur-Evrópu þá valda þeir von-
brigðum. Hver er skýringin að mati Dassaevs? „Unga
knattspyrnumenn hér langar eðlilega að ná sem
lengst með félagsliði eða landsliði eins og alla dreym-
ir um. Þegar því takmarki er náð er eins og þeir verði
kærulausari og taka nauðsyn tæknilegra æfinga og
leikskipulag ekki alvarlega“.
Knattspyrnumenn í Sovétríkjunum eru ekki at-
vinnumenn en eflaust fá þeir borgað undir borðið.
Dassaev er á því að leikmenn í Vestur-Evrópu hugsi
númer eitt um peninga en þjóðræknin fylgi á eftir.
Hann segir ennfremur að í Sovétríkjunun sé þessu
öfugt farið.
Ég tala stanslaust
Enginn er fullkominn stendur einhvers staðar og
því er fróðlegt að heyra hvaða galla Dassaev telur sig
hafa. „Ég þarf að vinna á hverjum degi að öllum þeim
atriðum sem tilheyra markvörslu. Ef markmenn gera
það ekki glatast hæfileikarnir fljótt. Mistök mín eru
ekki þau sömu frá leik til leiks. Einn veikleiki minn
kemur kannski fram í einum leik og annar í þeim
næsta. Það sem mér finnst mest áríðandi hvað leiki
varðar er að vera vel undirbúinn sálfræðilega. Oft
geri ég mistök þegar ég er taugastrekktur en best er
að vinna bug á því og halda ró sinni með því að láta
stanslaust í sér heyra“.
65