Íþróttablaðið - 01.12.1991, Side 32

Tina Lillak, „drottning" finnskra spjótkastara.
fylgi að byggja sig vel upp. Þessi há-
vaxni kastari, 1.90 m, varð síðar vin-
sælasti dægurlagasöngvari Finnlands
og lék ennfremur í yfir þrjátíu kvik-
myndum. Besti árangur Rautavara
var 75.74 m sem hann náði árið
1945.
* TOIVO HYYTIAINEN (f. 1925 d.
1978) var í fremstu röð í heiminum í
nærri áratug. Vakti fyrst athygli árið
1945, þá tvítugur, með því að kasta
74.55 m. Þótti ekki hafa góða kast-
tækni en bætti það upp með keppnis-
hörkunni. Hyytiainen varð Evrópu-
meistari árið 1950 og náði í brons-
verðlaun á Ólympíuleikunum í
Helsinki árið 1952. Árið 1954 tókst
honum loks að slá hið lífsseiga
heimsmet Nikkanen frá 1938 með
því að kasta 78.98 m. Hyytiainen
keppti í mörg ár eftir þetta og kastaði
enn yfir 70 m árið 1961.
* SOINI NIKKINEN (f. 1923) átti
langan en æði skrykkjóttan feril og
stóð sjaldnast undir væntingum á
stærstu mótunum. Mistókstt.d. herfi-
lega á Ólympíuleikunum árin 1948
og 1952 en tókst að ná í bronsverð-
laun á Evrópumeistaramótinu árið
1954. Það varfyrstárið1956 að Nikk-
inen „sprakk" almennilega útog setti
heimsmet, 83.56 m, en hélt því ekki
nema í sex daga því Pólverjinn Sidlo
bætti það og síðan Egil Danielsen frá
Noregi enn betur um haustið á Ól-
ympíuleikunum í Melbourne með
85.71 m. Af Nikkinen er það að segja
að hann hrundi algjörlega úr æfingu
eftir metkastið og komst ekki í Ól-
ympíulið Finna þetta ár og náði
reyndar aldrei að kasta yfir 75 m eftir
þetta.
* PAULI NEVALA (f. 1940). Nevala
bætti landsmet Nikkinen árið 1961
aðeins tvítugur, með því að kasta
84.23 m. Þótti allan sinn feril yfir-
lýsingaglaður og sérlunda. Kom öll-
um á óvart með þvíað sigra á Ólymp-
íuleikunum í Tokyo árið 1964 með
86.33 m kasti eftir að hafa átt fremur
lélegt keppnistímabil. Árið áður
hafði hann hins vegar verið skammt
frá heimsmeti. Nevala tókst ekki að
rjúfa 90 m múrinn fyrr en árið 1969
og hlaut silfurverðlaun á Evrópu-
meistaramóti í Aþenu það ár. Hans
besta keppnisár var 1970. Þá náði
hann sínu besta með 92.64 m og
vantaði aðeins 6 sm upp á heimsmet
landa síns Kinnunens. Á 30 mótum
þetta ár kastaði hann lengra en 85 m.
Slæm meiðsl vorið 1971 bundu endi
á feril hans.
* JORMA KINNUNEN (f. 1942).
Þessi smávaxni spjótkastari var eng-
um líkur. Aðeins 1.75 m á hæðogum
80 kg, handleggjastuttur en bætti það
upp með ótrúlegri snerpu og keppn-
ishörku. Kinnunen setti heimsmet í
júní 1969 með 92.70 m. Áferli sínum
komst hann sex sinnum í úrslit á stór-
mótum, þ.e. Ólympíuleikum og
Evrópumeistaramótum, þar sem
hann náði lengst með silfurverðlaun
á Ólympíuleikum í Mexíco 1968
með 88.58 m kasti. „Litli risinn", eins
og hann var oft kallaður, kastaði
lengra en 80 m á meira en tvö hundr-
uð mótum á fimmtán ára ferli, á árun-
um 1964-1978. Sonur Kinnunens,
Kimmo, er nýkrýndur heimsmeistari
eins og síðar verður vikið að.
* HANNU SIITONEN (f. 1949)
þótti undrabarn í greininni. Aðeins
16 ára kastaði hann karlaspjótinu
68.40 m. Var mjög stöðugur kastari
en óheppinn að slá ekki almennilega
í gegn. Vantaði t.d. 18 sm upp á
heimsmetið árið 1973 er hann kast-
aði 93.90 m og ekki bara einu sinni
heldur á tveimur mótum þetta sama
ár. Siitonen varð Evrópumeistari árið
1974 en varð í 4. sæti á Evrópumeist-
aramótinu árið 1971. Hann náði 4.
sæti á Ólympíuleikunum í Munchen
árið 1972 en hlaut silfurverðlaun á
Ólympíuleikunum í Los Angeles árið
1976. Ferli Siitonens lauk árið 1977
en þá hafði hann kastað átta ár í röð
lengra en 88 m á hverju ári.
* ARTO HÁRKÖNEN (f. 1959)
varð kornungur undragóður. Hlaut
18 ára gamall silfurverðlaun á
Evrópumeistaramóti unglinga árið
1977 með 82.98 m kasti. Tvítugur
kastaði hann yfir 90 m, þ.e. 90.18 m.
Hárkönen varð í 5. sæti á Evrópum-
eistaramótinu 1982 en sigraði síðan á
Ólympíuleikunum í Los Angeles
1984. Á báðum þessum mótum kast-
aði hann nákvæmlega sömu vega-
lengd eða 86.76 m. Versti óvinur
Hárkönen var áfengið og átti hann í
miklum erfiðleikum með sjálfan sig á
keppnisferlinum en 27 ára hætti
hann í spjótkasti og drykkju, frelsað-
ist og gerðist predikari í kristilegum
söfnuði.
* TAPIO KORJUS (f. 1960). Þessi
hávaxni Finni, 1.96 sm, hóf ekki að
leggja stund á spjótkastfyrren tvítug-
ur. Korjus hafði fram að því verið
einn allra efnilegasti skíðagöngu-
maður Finnlands. Kastaði fyrst yfir 80
m árið 1983, ári síðar náði hann
87.24 m og þá 89.30 m árið 1985.
Eftir breytinguna á spjótinu 1986
tókst honum best upp árið 1988 með
86.50 m. Sigraði á Ólympíuleikum í
Seoul með 84.28 m. Korjus hætti
þátttöku í spjótkasti skömmu síðarog
sneri sér að þjálfun.
* SEPPO RÁTY (f. 1962). Ráty (1.88
m hæð, 105 kg) sló fyrst rækilega í
gegn áöðru Heimsmeistaramóti sínu
í Róm 1987 er hann setti tvö finnsk
met og stóð að lokum uppi sem
heimsmeistari í greininni. Fram að
þeim tíma hafði hann átt í miklu basli
32