Íþróttablaðið - 01.02.1995, Qupperneq 55

þriðji besti tími sem náðst hefur í
greininni frá upphafi.
Eins og margir vita þá raka sund-
menn hárvöxt af örmum, fótleggjum
og brjóstkassa þegar þeir stefna að
því að ná besta árangri sínum á
keppnistímabilinu. Þetta minnkar
vatnsmótstöðu líkamans í vatninu.
Engar ótvíræðar, vísindalegar sann-
anir eru til fyrir gildi þessa en víst er
að sundmaðurinn fær meiri og nánari
snertingu og tilfinningu fyrir vatninu
eftir rakstur. Einnig þykir víst að
sundmenn syndi hraðar rakaðir, ein-
faldlega vegna þess að þeir trúi þvíað
raksturinn hafi þessi áhrif.
Öll ofangreind met setti Popov
órakaður og þykir það benda til þess
að hann eigi mikla möguleika til að
bæta sig verulega til viðbótar þeim
framförum sem hann tók í vetur. Það
verður því áhugavert að fylgjast með
honum á Heimsmeistaramótinu í
sundi, sem fer fram í Róm í byrjun
september.
ÁHRIFARÍK ÁKVÖRÐUN
Það var árið 1990 að rússneski
sundþjálfarinn Gennadi Touretski
byrjaði að þjálfa Alexander Popov.
Þá var Popov baksundmaður og var í
15.sætiáheimsafrekaskránni í100m
baksundi árið 1990. Touretski áleit
að baksundið væri aðeins önnur
besta sundgrein Popovs. Hann var
sannfærður um að hann ætti að snúa
sér að styttri vegalengdum í skrið-
sundi, það væri vænlegra til árang-
urs.
Haft var eftir Touretski að Sovét-
menn ættu marga, góða baksunds-
menn í fremstu röð en engan skrið-
sundsmann sem gæti sigrað Banda-
ríkjamanninn Matt Biondi sem þá var
konungur sprettsundanna. Touretski
breytti áherslum í þjálfun Popovs
með það að markmiði að gera hann
að afburða sprettsundsmanni. Þjálf-
arinn útvegaði myndbönd af Matt
Biondi svo þeir gætu grannskoðað
hina frábæru sundtækni hans. Popov
lærði mikið af þessu og þykir sund-
stíll hans minna talsvert á sundstíl
Biondis. Báðir synda þeir með löng-
um, hægum en sterkum sundtökum
þar sem myndun knýaflsins er hreint
frábær.
Árangur af breytti tækni og betri
þjálfun hjá Touretski lét ekki á sér
Tekst Popvov að verða sundkóngur Ólympíuleikanna á næsta ári.
standa. Strax ári síðar, á Evrópu-
meistaramótinu í Aþenu 1991, sigr-
aði Popov í 100 m skriðsundi. Hann
var jafn þeim Matt Biondi og franska
Evrópumethafanum Stephan Caron í
fyrsta sæti á heimsafrekaskránni það
ár, með tímann 49,18 sek.
Þaðtók hann hinsvegar lengri tíma
að ná fullum tökum á 50 metra vega-
lengdinni. Hann komstekki ísovéska
liðið á Evrópumótinu 1991 í þeirri
sundgrein. Hann átti aðallega í vand-
ræðum með að ná nógu góðu við-
bragði og stungu.
ERFIÐ FRAMABRAUT
Fljótlega eftir Evrópumótið í
Aþenu 1991, hófst undirbúningurinn
fyrir Ólympíuleikana í Barcelona. Á
sama tíma urðu mikil þjóðfélagsleg
umskipti í Sovétríkjunum. Þetta kom
illa niður á íþróttafólkinu. Því hafði
verið séð fyrir öllu; húsnæði, fæði,
aðstöðu til æfinga, þjálfurum, lækn-
um og aðstoðarmönnum hvers kon-
ar. Nú voru breyttirtímarog þjálfarar
og sundfólk varð sjálft að sjá um
mestallan undirbúninginn. Þeir urðu
að verulegu leyti sjálfir að fjármagna
æfingar sínar og keppnisferðir. Sem
dæmi um það hvernig aðstæður
breyttust skyndilega í Sovétríkjunum
á þessum tíma þá tífölduðust flugfar-
gjöld þar í landi í janúarmánuði
1992. Touretski hafði ágæt sambönd
við erlend sundfélög og fékk inni hjá
þeim fyrir æfingar. Þetta voru aðal-
lega félög á Ítalíu og öðrum löndum
suður Evrópu. Alls dvöldu þeir Tour-
etski og Popov, ásamt nokkrum öðr-
um rússneskum sundmönnum er-
lendis við æfingar um 60% ársins
1992. Þeir dvöldu m.a. í 20 daga í
æfingabúðum í háfjöllum Andorra.
Rússarnir launuðu síðan þeim félög-
um, sem aðstoðuðu þá, með því að
keppa á sundmótum þeirra.
Þrátt fyrir að „perestroikan" hafi
breytt öllum aðstæðum til hins verra
hvað æfingar og keppni snertir þá
telur Popov að hún hafi verið ein
ástæða þess að sovésku sundmönn-
unum gekk vel á Ólympíuleikunum í
Barcelona. Sundfólkið varð virkara í
skipulagningu undirbúningsins og
það þurfti sjálftaðfjármagnaað hluta
undirbúning sinn fyrir Barcelona.
Þetta gerði það ábyrgara og telur
Popov að það hafi hjálpað þeim til
betri árangurs. Framför Popovs á
þessum árum var mjög mikil eins og
taflan sýnir.
55