Íþróttablaðið - 01.02.1995, Qupperneq 15

„ÞAÐ ER MJÖG MIKILVÆGT AÐ
VERA EKKI HRÆDDUR Á MÓTUM
ERLENDIS VILJI MAÐUR STANDA SIG VEL"
tilfinningu. Þetta er svo sterk upplif-
un. Mér finnst líka afskaplega gaman
að keppa og kynnast íþróttamönnum
bæði hér heima og erlendis. Það er
mikill félagsskapur í sundinu og það
hentar mér ágætlega að vera í ein-
staklingsíþrótt því þá þarf ég algjör-
lega að treysta á sjálfa mig."
— Hvað gerirðu til að halda ein-
beitingu og sjálfsaga sem er nauð-
synlegt til að ná góðum árangri?
„Þegar maður setur sér ákveðið
takmark veit maður hvað þarf að
leggja á sig til að ná því. Sé maður
ekki tilbúinn til þess er eins gott að
sleppa því að æfa af krafti. Það er
augljóst að enginn árangur næst með
einhverju dútli."
— Eru margir sundmenn í dútli?
„Já, því miður."
— Upplifirðu aldrei erfiða tíma í
sundinu?
„Stundum er afskaplega erfitt að
rífa sig á fætur klukkan hálf sex á
morgnana eins og við gerum þrisvar í
viku og hlaupa út í frostið um miðjan
vetur. Stundum er maður illa sofinn
eða hreinlega illa fyrir kallaður en
maður verður að láta sig hafa það."
Eydís æfir þrjá morgna frá sex til
hálf átta og sömuleiðis 6 kvöld vik-
unnar, þar af lyftingar þrisvar í viku
að auki. „Við æfum 8-10 sinnum í
viku og syndum að meðaltali 37-45
kílómetra á viku."
— Nú eru deildar meiningar um
mikilvægi lyftingaræfinga fyrir
sundmenn. Hvert er þitt álit á æfing-
um með lóð?
„Mér finnst þær mikilvægar, sér-
staklega fyrir sprettsundmenn. Við
erum ekki bara að pumpa lóð ómark-
visst heldur er um sérhæfðar æfingar
að ræða."
Baksund er aðalkeppnisgrein
Eydísar en hún keppir að auki í flug-
sundi. Hennar besti tími í 50 m bak-
sundi er 30,86 sek., 1.05,08 í 100 m
baksundi, 1.21,74 í 200 m baksundi,
28,73 í 50 m flugsundi og 1.04,6 í
100 m flugsundi. „Ég á 6 íslandsmet í
dag en ég veit ekki hversu mörg met
ég á í aldurshópunum," segir Eydís
aðspurð. „En á síðasta ári setti ég 7
Islandsmet."
— Hvaða reynsla hefur verið þér
dýrmætust?
„Hún er sú að komast á mót er-
lendis með mjög góðum sundmönn-
um og átta sig á því að þeir eru fólk
eins og ég og þú — ekki einhverjir
guðir með náðargáfu sem geta sigrað
heiminn fyrirhafnarlaust. Þessi
reynsla er mikilvæg því hún gefur
aukið sjálfstrausttil að gera enn betur
og maður áttar sig á því að maður
getur þetta sjálfur. Það er mjög mikil-
vægt að vera ekki hræddur á mótum
erlendis vilji maður standa sig vel."
— Ertu sátt við öll atriði í þjálfun-
inni?
„Ég er viss um að ekkert hefur farið
illa með mig en ég er mjög ánægð
með þjálfarann minn í dag, Þjóðverj-
ann Martin Radimacher. Hann er
kominn aftur til starfa eftir að hafa
verið erlendis um tíma. Ég á honum
mikið að þakka."
— Fannstu fyrir öfund, í þessum
mikla körfubolta- og knattspyrnu-
bæ, þegar þú varst kjörin íþrótta-
maður Suðurnesja?
„Alls ekki því fólk hefur komið
mjög vel fram við mig. Þetta er mikill
heiður og segir mér að það sé fylgst
með sundinu."
— Hvenæráttu þínar bestu stund-
ir?
„Oft og á ólíkan hátt. Mér finnst
gottað liggja uppi írúmi og lesagóða
bók. Sömuleiðis að sitja í faðmi fjöl-
skyldunnar og spjalla áhyggjulaust
um lífið og tilveruna."
Eydís hefur verið í sellónámi frá
fimm ára aldri og lokið 7 stigum af 8.
Hún reiknar síður með að leggja út á
tónlistarbrautina en er þó viss um að
hún muni hafa sellóið við höndina
alla ævi. Hún segist hafa gaman af
handavinnu og þegar ég rek augun í
þríkross sem hún hefur um hálsinn
spyr ég hvort hún sé trúuð.
„Ég trúi á guð og guð í mönnunum
— sömuleiðis að hver skapi sína eig-
in trú. Ef enginn tryði væru engir guð-
ir til. Allir guðir, sem fólk trúir ár, eru
til því fólk heldur í þeim lífi með
trúnni."
— Finnst þér þú hafa misst af ein-
hverju vegna sundiðkunarinnar?
„Eféghefði misst af einhverju væri
ég búinn að vinna það upp með því
sem ég hef út úr því að vera í sundi.
Fáir á mínum aldri hafa farið í jafn
margar utanlandsferðir og ég en það
fylgir sundinu og er ákveðin reynsla
og upplifun. Mér finnstég koma ótrú-
lega miklu í verk á degi hverjum þótt
ég sé ekki á þessum hefðbundnu
unglingastöðum."
— Hvað þyrfti að gerast hjá þér til
Eydís ásamt æfingafélögum sínum í Keflavík fyrir nokkrum árum.
15