Íþróttablaðið - 01.04.1997, Side 18

„Ég byrjaði að spila fyrir tveimur
árum en fram að því hafði ég gert
mikið grín að íþróttinni við vin minn
og vinnufélaga Guðmund Friðrik Sig-
urðsson sem er með ólæknandi golf-
bakteríu, sagði að golf væri bara fyr-
ir gamalmenni og aumingja. Og nú
er ég með þvílíka golfbakteríu sjálfur
þannig að ég hef þurft að éta þessar
fullyrðingar ofan í mig."
Fyrir nokkrum árum hefðu eflaust
margir hrist hausinn yfir því að kon-
ur færu að stökkva stangarstökk.
Þannig hefur þróunin þó orðið, kon-
ur um allan heim eru farnar að taka
þátt í þeirri fþrótt og hafa náð undra-
verðum árangri. Það er ástralska
stúlkan Emma George sem á heims-
metið utanhúss en hún hefur hæst
stokkið 4.50 metra. George á einnig
heimsmetið innanhúss ásamt hinni
bandarísku Stacy Dragila en báðar
hafa farið 4.40 metra. Vala Flosa-
dóttir, sem búsett er í Svíþjóð, hefur
náð frábærum árangri í greininni.
Hún er aðeins 19 ára og hefur hæst
stokkið 4,20 metra sem er heimsmet
unglinga. Hvað finnst þeim félögum
um að konur keppi í stangarstökki?
„Mér finnst það alveg frábært,"
segir Sigurður. „Stangarstökk hentar
konum jafn vel og körlum, enda eru
þær yfirleitt liðugar og mjúkar. Það á
því afar vel við þær." Og Kristján er
sammála Sigurði. „Konur eiga mjög
auðvelt með að tileinka sér tæknina
sem er ráðandi í stangarstökkinu,
sérstaklega fimleikakonur sem hafa
góðan grunn til að stökkva. Emma
George ólst t.d. upp í fimleikunum
og starfaði lengi vel í sirkus. Þannig
að þaðan kemur skýringin á því
hvers vegna henni gengur svona vel
að stökkva. Konur koma ekki til með
að hafa sama hraða og karlar í stang-
arstökkinu en tæknilega geta þær
staðið þeim jafnfætis."
— Nú hefur þróunin verið mjög
ör og heimsmetið þegar orðið 4,50
metrar. Hvað munu konur geta
stokkið hátt í framtíðinni, að ykkar
mati?
„Það verður tiltölulega auðvelt
fyrir þessar bestu að stökkva um 4,80
metra en eftir það þurfa þær trúlega
að fara að auka hraðann verulega og
hækka gripið. Það verður ákveðinn
múr við þessa hæð," segir Kristján.
Og Sigurður segist trúa því að það
verði einkum konur úr fimleikum
eða skyldum íþróttum sem skara
muni framúr í framtíðinni.
Til að verða góðar í stangarstökki
er æskilegt fyrir konur að vera háar,
um 1,70-1,80, þær þurfa að vera
Þeir eru flottir og fimir þótt þeir séu
komnir á fimmtugsaldurinn!!
Þyngdar-
punkturinn hjá
Völu Flosa-
dóttur er of
neðarlega en
til að geta út-
fært stökkin
rétt þarf hún
að ...
fimar og hlaupa hratt. Það er að
minnsta kosti álit Kristjáns og Sigurð-
ar. Hvar stendur Vala Flosadóttir í
samanburði við þær bestu?
„Það er skyndilega orðið mjög
breitt bil á milli Völu og þeirra bestu,
t.d. George og Dragila. Vala var nær
þeim á tímabili en hún hefur sigið
aftur úr. Þessi þróun er kannski ekki
óeðlileg þvíVala er enn mjög ung og
á því talsvert í land ennþá hvað
reynslu snertir. Að mínu mati þarf
hún að leggja meiri áherslu á að
hlaupa atrennuna með vaxandi
hraða og hún má ekki hægja á sér í
síðustu skrefunum. Vala er mjög dug-
leg og samviskusöm þannig að ég
hef trú á því að hún eigi eftir að bæta
sig. Hún verður þó að passa sig á því
að álagið verði ekki of mikið," segir
Kristján. En er Sigurður sammála?
„Það er Ijóst að hún þarf að legg-
ja meiri áherslu á hraðann og hún
þarf einnig að vinna betur í tækninni
á stönginni. Þyngdarpunkturinn hjá
henni er, að mínu mati, of neðarlega
en til að geta útfært stökkin rétt þarf
hún að nýta þann hraða, sem hún
nær í atrennunni, fullkomlega. í
þessu þarfVala að vinna til að verða
betri stangarstökkvari."
Þórey Edda Elísdóttir, tvítug stúl-
ka úr Hafnarfirði, byrjaði að æfa
stangarstökk síðastliðið haust undir
handleiðslu þeirra Kristjáns og Sig-
urðar. Þeir segja hana eitt mesta efni
sem fram hefur komið í stangarstökki
hér á landi en hæst hefur hún stokk-
ið um 3,30 metra á æfingum. Þórey
æfði fimleika með fimleikafélaginu
Björk um árabil og náði á sínum tíma
góðum árangri í þeirri íþrótt. Hún
ákvað hins vegar að prófa frjálsar
íþróttir og nýta þann góða grunn sem
hún hafði öðlast. Þessi misserin dvel-
ur hún í Bandaríkjunum og starfar
sern au-pair en von er á henni aftur
til íslands í sumar til að æfa og
keppa.
„Hún er með afar hentugan grunn
fyrir stangarstökk, enda var hún
keppnismanneskja í fimleikum um
árabil. Hún er hávaxin, um 1,80 m,
og hleypur tiltölulega hratt þannig að
hún hefur góða eiginleika til að bera
til að stökkva. Þórey hefur líka gríð-
arlegan vilja og áhuga en hún þarf
bara að vera dugleg að æfa og vinna
í tækninni. Hún hefur hæst stokkið
2,90 metra í keppni en hefur farið
nokkrum sinnum yfir 3,30 á þeim
fáu æfingum sem hún á að baki. Ef
hún leggur sig fram við æfingar og
verður dugleg þá ætti hún að geta
skipað sér í röð þeirra fremstu í fram-
tíðinni."
— En aðeins aftur að ykkur,
strákar, einhverjar yfirlýsingar fyrir
komandi keppnissumar?
„Ég ætla ekkert að stressa mig yfir
stönginni en verð væntanlega með á
helstu mótunum. Ég er hins vegar
harðákveðinn í að lækka mig veru-
lega í forgjöf í golfinu," segir Sigurð-
ur. En Kristján? „Mér er illa við yfir-
lýsingar en stefni að því að æfa
meira en ég hef gert upp á síðkastið.
Ég er reyndar búinn að skrá mig til
þátttöku á Heimsmeistaramóti öld-
unga sem haldið verður í Suður-Afr-
íku í sumar. Og svo er það Landsmót
UMFÍ f Borgarnesi. Það væri gaman
að sigra í stönginni þar. Ég fer aldrei
til keppni án þess að ætla að gera
mitt besta þannig að við sjáum bara
hvað setur."
18