Íþróttablaðið - 01.04.1997, Qupperneq 21

Mynd 2: í stað þess að snúa mjöðm-
um hef ég aðeins fært þær til í hlið-
arhreyfingu og þar af leiðandi flutt
þungann yfir á hægri fótinn.
Mynd 3: Ferill kylfunnar er út-inn
sem orsakar oftast slæs.
Vandamál: Rangur flutningur á
þunga
Réttur flutningur á þunga er frum-
skilyrði fyrir því að hægt sé að ná
góðum kylfuhraða og þar af leiðandi
högglengd. Eins og sést á mynd 1 hef
ég ekki snúið mjöðmunum réttilega
heldur einungis fært þær í hliðar-
hreyfingu. Afleiðing slíkrar hreyfing-
ar er m.a. sú að nær öll líkamsþyngd
færist yfir á vinstri fót í hæstu stöðu
aftursveiflunnar. Þessi ranga staða
veldur oftast því að leikmaður slær
boltann frá vinstri til hægri (slæs)
vegna þess að ferill framsveiflunnar
verður of mikið út-inn (sjá mynd 3).
Líkamsþyngdin ætti að vera um 80%
á hægri fæti í toppstöðunni (mynd
D).
Mynd D: Réttur flutningur á þunga.
Mynd E: Þessar æfingar hjálpar þér
til að fá tilfinningu fyrir réttum flutn-
ingi á þunga og að sveifla kylfunni í
réttum ferli.
Lausn: Æfing með hægri fót fyrir
aftan þann vinstri.
Þessi æfing er mjög góð til að fá
góðan mjaðmarsnúning og þannig
réttan flutning þunga yfir á hægri fót
í aftursveiflunni. Stilltu þér upp með
u.þ.b. 20 sentímetra bili á milli fót-
anna og færðiTsTðan vinstri fótinn
fram um hálfa fótlengd og hægri fót-
inn aftur þannig að táin á hægri fæti
sé nánast í beinni línu við vinstri hæl
(sjá mynd E). Hafðu boltann í miðj-
unni. Sveiflaðu kylfunni síðan aftur
þannig að öll þyngd færist á hægri
fótinn, tilfinningin er líkt og þú sért
að setjast niður á hægri rasskinnina.
I þessari stöðu ættir þú að finna fyrir
spennu í hægri lær- og kálfavöðva. í
framsveiflunni skaltu leggja áherslu á
Mynd F: Sveiflaðu kylfunni yfir pen-
ingana til að fá tilfinningu fyrir rétt-
um inn-út sveifluferli.
að sveifla kylfunni á sama ferli og þú
gerðir í aftursveiflunni og flytja þung-
ann vel fram á vinstri fót. Leggðu
peninga á jörðina líkt og myndir E og
F sýna. Þetta fær þig til að einbeita
þér betur að því að sveifla kylfunni í
réttum ferli (inn-út). Þegar þú ert
búin(n) að slá 10 bolta með þessum
hætti stilltu þér þá upp í eðlilega
stöðu og sláðu 10 bolta. Reyndu að
framkalla sömu tilfinningu og þú
fékkst í æfingunni. Endurtaktu þessa
æfingu þangað til þú hefur fengið
réttan flutning á þunga í sveiflunni.
21