Íþróttablaðið - 01.04.1997, Síða 31

mann hann hefur að geyma og
sömuleiðis að hann á þessi skrif ekki
skilið — allra síst frá Vernharð þar
sem það var ekki síst Vachun að
þakka að Vernharð komst á Ólymp-
íuleikana. Kannski lýsir hann sjálfum
sér best í þessu viðtali þegar hann
segir að líklega hefði honum og Jón
Óðni liðið eins hefðu þeir verið í
okkar sporum. Ég held að orðatiltæk-
ið margur heldur mig sig, eigi vel við
þarna."
Það virtist koma flatt upp á Bjarna
og félaga hans hjá Júdósambandinu
þegar Vernharð tilkynnti að hann
væri á förum til Noregs. „Við fréttum
þetta fyrst í gegnum fjölmiðla eins og
svo margt annað honum ýengt. JSI
hafði átt í viðræðum við ÍSÍ og KA
um fjáröflun fyrir hann en því var
sjálfhætt. Einnig hafði JSÍ sótt um
styrk til Afreksmannasjóðs ÍSÍ til
handa Vernharð og fengið styrk að
upphæð 720.000 krónur fyrir næstu
12 mánuði að minnsta kosti." Bjarni
segir slæmt að missa Vernharð úr
landi en hann náði hvað bestum ár-
angri íslenskra júdómanna á síðasta
ári. „Við eigum mjög góða unga
júdómenn sem eru ekki síðri en
Vernharð var fyrir fjórum árum, sum-
ir betri. Þessir strákar hafa aldrei
fengið neina styrki en stunda sína
íþrótt af fullum krafti samt sem áður.
Enginn okkar stráka hafa verið á Evr-
ópulistanum (EJU) utan einn enda
hafa þeir ekki keppt á A-mótunum
en aðeins þau gefa stig á listann."
Vernharð segir í viðtalinu að sam-
kvæmt reglum Afreksmannasjóðs ÍSÍ
hafi ekki verið mögulegt að hann
fengi styrk í líkingu við Jón Arnar
Magnússon. „Reglurnar kveða á um
að íþróttamaður þurfi að vera í hópi
20 bestu á heimslistanum til að hljó-
ta 160.000 króna styrk á mánuði en
vandamálið er að það er enginn
heimslisti í júdó. Ég er í 8. sæti á Evr-
ópulistanum og miðað við styrkleika
júdómanna annarra landa en Evrópu
væri ég í 15.-16. sæti á „heimslistan-
um'," sagði Vernharð í síðasta tölu-
blað.
Samkvæmt þeim listum sem
íþróttablaðið hefur undir höndum er
Vernharð dottinn út af Evrópulistan-
um í dag og því ólíklegt að hann hafi
átt rétt á styrkjum frá Afreksmanna-
sjóði. Reyndar er augljóst að listinn
mótast af árangri júdómanna frá
ágúst síðastliðnum og fram í janúar
og í Ijósi þess að Vernharð keppti
ekkert á því tímabili er hann skiljan-
lega ekki á listanum. Hitt er svo ann-
að mál að það hlýtur að vera slæmt
fyrir Júdósambandið að ekki skuli
vera heimslisti í íþróttinni og því erf-
iðara fyrir þá að fá styrki úr Afreks-
mannasjóði. „Samkvæmt nýjasta EJU
listanum 1/1997 er Vernharð ekki í
fyrstu 43 sætunum í -95 kg flokki en
lengra náði listinn ekki. Hann var í
16. sæti listans fyrir ÓL '96 en í 8.
sæti Ólympíu-Evrópulistans. Sá listi
er þannig uppbyggður að teknir eru
út þeir júdómenn frá þeim löndum
sem hafa fleiri en einn á listanum og
aðeins einn maður skilinn eftir frá
hverju landi í hverjum þyngdar-
flokki. Evrópa hafði kvóta á fjölda
keppenda á Ólympíuleikana. Kvót-
inn var 9 keppendur í hverjum
þyngdarflokki." Reyndar spáði Bjarni
því að Vernharð yrði kominn til Is-
lands áður en árið yrði liðið.
Júlíus Hafstein formaður Júdósambandsins.
Ekki sjálfgefið að Vernharð
geti keppt fyrir Noreg
- segir Júlíus Hafstein, formaður Júdósambandsins
Júlíus Hafstein er nýkjörinn for-
maður Júdósambands Islands og
gengur því beint inn í deilumál og
sambandsins. En mun Júlíus beita
sér fyrir því að Vernharð komi aftur
heim og keppi fyrir íslands hönd?
„Ég get ekki svarað því í dag og
satt best að segja hefur þetta ekki
verið rættformlega innan Júdósam-
bandsins. Vernharð talaði ekki við
neinn í stjórn Júdósambandsins um
áætlanir sínar og því hafði sam-
bandið enga hugmynd um hvað
hann hugðist fyrir. Hitt er svo ann-
að mál að ef Vernharð hefur áhuga
á að koma aftur til íslands og ræða
málin af alvöru munum við auðvit-
að setjast niður með honum."
— Er ekki slæmt að okkar sterk-
asti júdómaður muni keppa fyrir
Noregs hönd á næstu árum?
„Ég held að þetta sé nú ekki al-
veg svona einfalt og veit ekki hvort
Vernharð megi keppa fyrir Noreg á
neinum A-mótum á næstunni. Ég
hef ekki kynnt mér lögin í Noregi
nægilega vel en ef þau eru svipuð
hér og í Danmörk á Vernharð ekkert
víst sæti á næstu Ólympíuleikum.
Það er allt annað mál með land-
laust fólk eins og Rúnar Alexand-
ersson sem fékk fljótlega íslenskan
ríkisborgararétt. Vernharð er hvorki
landlaus né flóttamaður og getur
því þurft að bíða lengi eftir að fá
norskan ríkisborgararétt. En eins og
ég sagði hef ég ekki kynnt mér
þetta alveg nógu vel en mér finnst
það ótrúlegt að íþróttamaður geti
keppt fyrir eitthvert land á einu
móti en skipt svo um ríkisborgara-
rétt ef önnur þjóð bíður meiri pen-
ing."
— En hver verða næstu skref
ykkar í málinu?
„Við ræðum þetta fyrst innan
okkar raða og í framhaldi verða
teknar ákvarðanir
31