Íþróttablaðið - 01.04.1997, Blaðsíða 41

ekki sigrað frá 1994-'96. Við vorum
alltaf í úrslitum eða undanúrslitum
íslandsmótsins en Grindavík og
Njarðvík voru aðeins betri lið. Lið
geta ekki alltaf haldið sér í fyrsta sæti
yfir langt tímabil. En þessi þrjú lið
eiga eftir að hanga á toppnum leng-
ur."
— Hvernig stendur Keflavík í ár
miðað við önnur stórlið, s. s. Njarð-
vík 1994 og Grindavík 1996?
„Þessi lið, sem þú taldir upp, eru
allt frábær lið. Að mínu mati finnst
mér okkar lið hafa vinninginn. Við
höfum fleiri góða leikmenn, meiri
breidd og betri útlending en þau
höfðu."
— Mörgum finnst vera kominn
tími til að fá fleiri erlenda þjálfara
inn í íslenskar boltagreinar. Hvar
standa íslenskir körfuboltaþjálfarar í
samanburði við erlenda kollega sína
og hvað finnst þér um tilkomu er-
lendra þjálfara hingað til landsins?
„Það hafa komið þónokkuð marg-
ir körfuboltaþjálfarar til íslands og
fæstir þeirra hafa gert nokkuð af viti.
Ég held að það sé betra fyrir okkur að
senda út fleiri þjálfara til að læra
meira. Það þarf að hjálpa þjálfurum,
kenna þeim hvernig eigi að mennta
sig í þessum fræðum því að ég veit
að margir vita ekki hvernig á að snúa
sér í ýmsum málum. Félögin og KKI
ættu að hjálpa mönnum að komast á
námsskeið erlendis."
— Þú ert enn ungur maður. Hver
eru framtíðarmarkmið þín?
„Ég var að klára mitt fyrsta ár í úr-
valsdeildinni og lærði mikið af því
þótt ég hafi öðlast mikla reynslu sem
leikmaður og þjálfari í kvennakörf-
unni. Nú sest ég niður og skoða vet-
urinn. Vinur minn sagði við mig að
ég mætti ekki vinna titil því þá gæti
ég ekki þjálfað aftur. Nú er ég búinn
að vinna allt og hef að engu að stef-
na! Kannski er þetta rétt hjá honum.
Maður getur aldrei gert betur, aðeins
jafnað árangurinn. En stór ástæða
fyrir því að ég er í þjálfun er sú að ég
vil búa til góða körfuboltamenn.
Körfuboltinn hefur gert margt fyrir
mig og ég vil launa honum greið-
ann."
Árangur Keflavíkur 1996-'97
Mót Sigrar Töp
Lengjubikarkeppnin 6 0
Bikarkeppnin 4 0
Deildarkeppnin 19 3
Úrslitakeppnin 8 1
Samtals 37 4
(90,2% vinningshlutfall)
KÖRFU
PUNKTAR!
Friðrik Ingi Rúnarsson, þjálfari Grindavíkur, punktar niður fyrir leikmenn
til að sýna þeim hvernig leikkerfin eiga að ganga upp.
* Það kom fram hjá þjálfur-
um úrvalsdeildarliðanna, þegar
þeir voru beðnir um að standa
fyrir vali á liði ársins, að flestir
voru á þeirri skoðun að
skemmtilegast væri að fara til
ísafjarðar og spila. Þeir sögðu
að umgjörðin og stemmningin í
kringum leikina væri ótrúlega
góð því ísfirðingar troðfylltu
húsið og hvatningarópum linnti
ekki á meðan á leik stæði.
* Níu af ellefu þjálfurum lið-
anna sögðu að skemmtilegast
væri að vinna Keflavík, sögðust
frá mesta „kikkið" út úr því.
Reyndar er það svo að yfirleitt
er skemmtilegast að vinna þau
lið sem eru sterkust á hverjum
tíma, eins og Keflvíkingar eru í
dag.
Einn þjálfarinn var mjög
ánægður með ítalska dómar-
ann, Antonio, sem kom hingað
til lands og dæmdi nokkra leiki.
Hann hafði það fram yfir flesta ís-
lensku dómarana að hann dæmdi
með augunum, ekki eyrunum,
sagði þjálfarinn.
* Einn þjálfarinn sagði að vin-
sældir íslenska körfuboltans væru
að minnka, eftir að hafa verið á
uppleið síðustu árin. Ástæðurnar
fyrir því sagði hann margar, t.d.
framkvæmdaleysi KKÍ og að ís-
lenski körfuboltinn fengi mun
minni umfjöllun í fjölmiðlum nú
en áður. Annar þjálfari sagði að
áherslur fjölmiðlanna væru rangar
varðandi íþróttafréttir. Það væri
eins og íþróttaatburðir erlendis frá
skiptu meira máli en íþróttaatburð-
ir hér á landi. Hann sagði að ekki
alls fyrir löngu hefði verið greint frá
5 til 6 leikjum úr körfunni og hand-
boltanum á einni síðu í dagblaði á
meðan NBA körfuboltinn einn og
sér hefði fengið heila síðu.
41