Morgunblaðið - 01.02.2020, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 1. FEBRÚAR 2020
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Morgunblaðið/RAX
Mýrargarður Tæplega 300 manns munu búa á nýja stúdentagarðinum.
Sigtryggur Sigtryggsson
sisi@mbl.is
Félagsstofnun stúdenta er að taka í
notkun nýjan stúdentagarð, þann
stærsta sem byggður hefur verið á
Íslandi. Hann hefur hlotið nafnið
Mýrargarður og stendur við Sæ-
mundargötu 21 í Vísindagarðahverf-
inu í Vatnsmýri. Þegar húsið hefur
verið tekið í notkun munu búa þarna
tæplega 300 manns, sem er mesti
fjöldi í einu húsnúmeri á landinu.
Mýrargarður er 14.700 fermetrar
á fimm hæðum með 244 leiguein-
ingum fyrir tæplega 300 íbúa. Í hús-
inu er m.a. boðið upp á nýtt íbúða-
form, þ.e. 10 herbergja íbúðaklasa
með sameiginlegu rými. Að auki
verður stór sameiginlega aðstaða
fyrir alla íbúa hússins miðsvæðis á
lóðinni. Stúdentagarðurinn er ein-
ungis fyrir barnlausa einstaklinga
og pör og í fyrsta sinn verður boðið
upp á að vinir geti deilt sameigin-
legri aðstöðu. Paraíbúðirnar eru
rúmlega 40 fermetrar og ein-
staklingsíbúðirnar um 30 fermetrar.
Fyrstu íbúarnir fluttir inn
Að sögn Rebekku Sigurðardóttur,
upplýsingafulltrúa Félagsstofnunar
stúdenta, voru fyrstu leigueining-
arnar afhentar fyrir síðustu helgi og
í vikunni hafa fyrstu íbúarnir verið
að koma sér fyrir. Seinni hlutinn
verður tekinn í notkun í febrúar og
reiknað er með að húsið verði komið
í fulla notkun upp úr miðjum febr-
úar.
Fram kemur á heimasíðu Fé-
lagsstofnunar stúdenta að und-
anfarin ár hafi verið lögð aukin
áhersla á sameiginleg rými við hönn-
um nýs húsnæðis en auk þess hefur
sameiginleg aðstaða verið aukin og
betrumbætt í eldra húsnæði. Til-
gangurinn sé að hvetja til aukins
samneytis íbúa og vinna gegn fé-
lagslegri einangrun.
Félagsstofnun stúdenta stefnir að
áframhaldandi uppbyggingu Stúd-
entagarða en undanfarin ár hafa um
600-1.100 manns verið á biðlista að
haustúthlutun lokinni. Nýnemar
geta sótt um frá 1. júní ár hvert en
eldri nemar allt árið um kring.
Yrki arkitektar teiknuðu Mýrar-
garð og Ístak byggði húsið. Fram-
kvæmdir hófust í október 2017.
Fjölmennasta húsnúmer Íslands
 Félagsstofnun stúdenta tekur í notkun stærsta stúdentagarð landsins  Húsið er 14.700 fermetrar
að stærð  Íbúarnir verða tæplega 300 talsins í Mýrargarði  Vinir geta deilt sameiginlegri aðstöðu
Snörp jarð-
skjálftahrina varð
við Grindavík í
gærkvöldi og stóð
hún enn þegar
Morgunblaðið fór
í prentun.
Stærstu skjálft-
arnir voru 4 og 4,3
að stærð rúmlega
tuttugu mínútur
yfir tíu og áttu
upptök 4-5 kílómetra norðaustur af
Grindavík. Eru þetta stærstu skjálft-
arnir sem mælst hafa í þessum um-
brotum við Grindavík. Áður var
skjálfti 3,4 að stærð. Íbúar á Reykja-
nesi fundu vel fyrir skjálftunum auk
þess sem Veðurstofan hafði í gær-
kvöldi fengið tilkynningar af höfuð-
borgarsvæðinu og frá Akranesi.
Sigþrúður Ármannsdóttir, nátt-
úruvársérfræðingur hjá Veðurstofu
Íslands, sagði spurð um skýringar að
einhver spenna væri á svæðinu. Hún
sagði að ekki hefðu sést nein merki
um gosóróa.
Spurð um viðbrögð sagði Sig-
þrúður að svæðið væri vaktað.
Í gærmorgun varð vart við
skjálftavirkni og stóð sú hrina fram
að hádegi. Áttu flestir skjálftarnir
upptök sín á 4-5 km dýpi.
Landrisið við Þorbjörn hélt áfram í
gær svipað og undanfarna daga. Eftir
hádegið í gær var það orðið fjórir
sentímetrar.
Tveir
skjálftar
yfir 4
 Landrisið við
Grindavík 4 cm
Grindavík
Skjálftavirkni.
Fimm sagt upp hjá
Þjóðskrá Íslands
Fimm starfsmönnum Þjóðskrár Ís-
lands var sagt upp nú um mánaða-
mótin. Uppsagnirnar ná til starfs-
fólks á þremur sviðum stofnunar-
innar; þjóðskrársviði, fasteigna-
skrársviði og þjónustusviði, en
tæplega hundrað manns vinna nú
hjá Þjóðskránni.
Margrét Hauksdóttir, forstjóri
Þjóðskrár, segir í samtali við
Morgunblaðið að stofnunin hafi
þurft að hagræða á undanförnum
misserum þar sem minni fjár-
munir hafi verið lagðir í rekstur
stofnunarinnar og því miður hafi
þurft að segja upp fólki vegna
hagræðingarinnar.
„Það er mjög þung ákvörðun að
þurfa að grípa til sparnaðar-
aðgerða sem þessara, að segja upp
fólki, til þess að lækka launakostn-
að,“ segir Margrét sem ítrekar að
farið hafi verið yfir alla út-
gjaldaliði Þjóðskrár og þeir lækk-
aðir áður en gripið var til þess
ráðs að segja upp starfsfólki.
sgs@mbl.is
Helgi Bjarnason
helgi@mbl.is
Stóra sprungan í Eldey hefur gliðn-
að um tæpa 3 sentímetra, frá því fyr-
ir ári að hún var síðast mæld. Um-
hverfisstofnun hefur ekki skýringar
á breytingunni en hefur óskað eftir
fundi með hjá Veðurstofu Íslands og
Náttúrufræðistofnun Íslands til að
ræða viðbrögð við tíðindunum.
Sprungan er norðvestan til á Eld-
ey, því horni hennar sem snýr að
landi. Eyjan er friðuð og hefur Um-
hverfisstofnun umsjón með friðland-
inu.
Hreyfðist ekki fyrstu árin
Settir voru upp mælipunktar sitt-
hvorumegin við sprunguna, nálægt
miðju hennar, á árinu 2015. Á þeim
stað mældist sprungan 59,8 sentí-
metrar.
Sigurður Harðarson rafeindavirki
fer reglulega út í Eldey til þess að
halda við myndavélum og búnaði
„súluvarpsins“ sem sent er út á net-
inu á eldey.is. Hann hefur um leið
mælt sprunguna eða aðstoðað starfs-
menn Umhverfisstofnunar ef þeir
hafa verið með í för. Hann segir að
sprungan hafi ekki hreyfst fyrr en
nú. Hún var óbreytt 16. janúar á síð-
asta ári. Þegar hann mældi hana í
síðustu ferð, sl. fimmtudag, mældist
hún 62,7 cm og hafði því breikkað um
tæpa 3 sentímetra.
Jarðskjálftar í desember
Umhverfisstofnun hefur ekki
skýringar á gliðnuninni. Óskað hefur
verið eftir fundi með sérfræðingum
Veðurstofu Íslands og Náttúru-
fræðistofnunar Íslands. René Bia-
sone, sérfræðingur náttúruverndar-
svæða á Suðvesturlandi, segir að
stofnunin telji rétt að athuga málið
betur. Hann segir að ef kletturinn
hrynur niður í sjó muni mörg hundr-
uð súluhreiður hverfa en súlubyggð-
in er talin mikilvæg alþjóðlega.
Skoða þurfi hvað skuli gera ef þetta
gerist. Þá þurfi að leita skýringa á
ástæðum gliðnunar. Hann segist
ekki sérfræðingur í því en bendir á
að miklar jarðhræringar hafi verið á
Reykjaneshrygg í desember en Eld-
ey er á hryggnum.
René segir að ekki sé hægt að fara
út í Eldey til mælinga fyrr en í októ-
ber, eftir varptímann. Það sé langur
tími og veltir hann fyrir sér hvort
Veðurstofan sjái ástæðu til að setja
upp sjálfvirkan mæli til að hægt sé
að fylgjast betur með þróuninni.
Ljósmynd/Sigurður Harðarson
Eldey Sprungan hefur lengi verið í Eldey en hefur ekki breyst undanfarin ár, þar til við mælingar í þessari viku.
Sprungan í Eldey gliðn-
að um þrjá sentímetra
 Umhverfisstofnun fundar með sérfræðingum um viðbrögð
Gliðnun Tommustokkurinn sýndi 59,8 cm fyrir ári en 62,7 cm í þessari viku.
„Mánuðurinn
hefur verið held-
ur illviðrasamur.
Það er ekki al-
veg auðvelt að
bera saman
mánuði hvað
þetta varðar, en
hann er samt í
hópi 10 ill-
viðrasömustu
mánaða síðustu
70 ár að ég tel.“
Þetta sagði Trausti Jónsson veð-
urfræðingur þegar hann var beð-
inn að gefa nýliðnum janúar-
mánuði einkunn.
Hiti í mánuðinum hefur verið
ívið undir meðallagi síðustu tíu ár
– kaldast að tiltölu á Vestfjörðum
en hlýjast á Austfjörðum, segir
Trausti. Úrkoma hefur verið
óvenjumikil á Vestfjörðum, senni-
lega falla janúarmet á fáeinum
stöðvum þar um slóðir. Úrkoma
hefur líka verið yfir meðallagi víð-
ast norðanlands en undir með-
allagi á Austfjörðum. Snjór hefur
verið með meira móti sumstaðar á
Vestfjörðum og á stöku stað
nyrðra en annars ekki mjög mikill.
Loftþrýstingur hefur verið með
lægsta móti – sá lægsti síðan í jan-
úar 1997. Lágþrýstingur hér á
landi að vetrarlagi er að jafnaði
ávísun á mikil hlýindi um norð-
anverða Vestur-Evrópu – enda
hefur þannig hagað til nú, segir
Trausti. sisi@mbl.is
Illviðramánuður
hefur kvatt
Umhleypingar og
snjór í janúar.
Almannavarnadeild ríkislögreglu-
stjórans virkjaði í gær samhæfing-
armiðstöðina í Skógarhlíð vegna
kórónaveirunnar. Þar er nú unnið að
því að samræma viðbrögð allra aðila
og afla upplýsinga. Tekið er fram í
tilkynningu að virkjun miðstöðvar sé
ekki til marks um aukna hættu hér.
Yfirlýsing Alþjóðaheilbrigðis-
málastofnunar um neyðarástand á
heimsvísu vegna veirunnar hafi ekki
áhrif á skipulagið. Áfram sé unnið á
óvissustigi eftir viðbragðsáætlun
heimsfaraldurs inflúensu enda hafi
engin tilfelli komið upp hér á landi.
Unnið er að undirbúningi á ýms-
um vígstöðvum. Þannig fundaði al-
mannavarnanefnd höfuðborgar-
svæðisins í gær og neyðarstjórn
Reykjavíkurborgar kom saman. »19
Samhæfingar-
miðstöðin virkjuð