Morgunblaðið - 15.02.2020, Page 11

FRÉTTIR 11Innlent
MORGUNBLAÐIÐ LAUGARDAGUR 15. FEBRÚAR 2020
Höskuldur Daði Magnússon
hdm@mbl.is
„Það er kominn virkilegur vígahugur
í okkar fólk,“ segir Sandra B.
Franks, formaður Sjúkraliðafélags
Íslands.
Trúnaðar-
mannaráð félags-
ins fundaði á
fimmtudag og í
ályktun fundarins
er lýst óánægju
með að sjúkralið-
ar hafi verið
samningslausir í
ellefu mánuði.
Þess er krafist að
gengið verði frá samningum strax og
styttingu vinnuvikunnar, án skerð-
ingar á þeim kjörum sem félags-
menn hafi þegar. „Sjúkraliðar hafa
fengið nóg og fela stjórn félagsins að
skipuleggja baráttu fyrir réttlátum
kjörum með okkar sterkasta vopni,
verkföllum,“ segir í ályktun fundar-
ins.
„Fólk þrælar sér út“
Sandra segir í samtali við Morgun-
blaðið að mikillar óþolinmæði sé far-
ið að gæta meðal félagsmanna. Sjálf
furðar hún sig á þeim tíma sem það
hafi tekið viðsemjendur félagsins að
komast úr sporunum. Lítið hafi gerst
af viti fyrr en á allra síðustu vikum.
„Þetta hafa verið ótrúlega skrítn-
ar viðræður. Ég hef ekki lýsingarorð
yfir svona samtalstækni. Kröfurnar
eru skýrar og því ætti ekki að vera
flókið að bregðast við þeim. Okkar
fólk þrælar sér út allan sólarhring-
inn en það sér ekki fyrir endann á því
hvenær kjarabætur þess koma í hús.
Mér finnst alger ósvífni að okkar
stærstu viðsemjendur, ríkið, geti
leyft sér að hanga á þessu svona.“
Sandra segir að heilmikið verk sé
enn eftir við samningaborðið.
Sjúkraliðar sjái sér ekki annað fært
en að huga að verkföllum.
„Við förum af stað með skærum og
það verður kosið um útfærsluna í
næstu viku. Það verður fyrsta skref-
ið en svo stefnum við í allsherjar
verkfall um miðjan apríl ef ekki verð-
ur komin niðurstaða þá,“ segir
Sandra.
Verkföll á morgunvöktum
Samkvæmt félagatali Sjúkraliða-
félags Íslands eru um 2.100 sjúkra-
liðar starfandi á landinu í dag. Um
1.500 eru hjá ríkinu. „Skipulag verk-
fallanna verður með þeim hætti að
sjúkraliðar sem starfa hjá ríkinu
kjósa um verkföll á LSH og HSN á
morgunvöktum dagana 9. og 10.
mars, 17. og 18. mars, 24. og 26.
mars, 31. mars og 1. apríl. Frá og
með 15. apríl hefst síðan allsherjar-
verkfall á öllum stofnunum ríkisins
hafi ekki náðst samningar. Um þessi
verkföll kjósa allir sjúkraliðar sem
starfa hjá ríkinu,“ segir Sandra. Þá
er meiningin að sjúkraliðar sem
starfa hjá Akureyrarbæ kjósi um
verkföll á öldrunarheimilunum og
öðrum stofnunum bæjarins þ.s.
sjúkraliðar starfa á kjarasamningi
sveitarfélaganna, en þar hefur ekk-
ert þokast í samkomulagsátt að sögn
Söndru. „Félagar okkar í stéttar-
félaginu Kili munu einnig vera í
verkföllum á sömu dögum og sjúkra-
liðar á HSN og hjá Akureyrarbæ.“
Nóg komið Frá fundi trúnaðarmannaráðs Sjúkraliðafélags Íslands á
fimmtudag. Þar var ákveðið að boða til skæruverkfalla í næsta mánuði.
Sjúkraliðar í vígahug og undirbúa verkföll
 Hafa fengið nóg af „ósvífni“ ríkisins við samningaborðið
Sandra B. Franks
Fornleifaskráning þjóðgarðsins á
Þingvöllum verður kynnt á fyr-
irlestri sem verður í dag, 15. febr-
úar, í Þjóðminjasafni Íslands og
hefst klukkan 13.
Margrét Hrönn Hallmundsdóttir
fornleifafræðingur hefur stýrt
vinnu við skráningu fornleifa á
Þingvöllum undanfarin ár í sam-
starfi við þjóðgarðinn. Mun Mar-
grét kynna vinnu við skráninguna
og hvernig starfið hefur þróast.
Gunnar Grímsson fornleifa-
fræðinemi ræðir um notkun dróna
og gerð þrívíddarlíkana sem hjálpa
til við að sjá betur mannvirki sem
leynast undir grænni torfu.
Kevin Hart neðansjávarfornleifa-
fræðingur talar um mögulegar
fornleifar neðanvatns á Þingvöllum
og Einar Á.E. Sæmundsen segir um
örnefnaskráningu þjóðgarðsins.
Meðfram fornleifaskráningu í
árafjöld hefur tækni undið fram og
nú sést vel hvernig nýrri búðir hafa
verið byggðar ofan á eldri, segir í
frétt frá Þingvallaþjóðgarði. Það,
ásamt borkjarnarannsóknum, hef-
ur meðal annars sýnt stóran skála
sunnan Þingvallabæjar. Þá hefur
einnig verið litið til hugsanlegra
minja undir yfirborði Þingvalla-
vatns og Öxarár. sbs@mbl.is
Ræða fornminjar á Þingvöllum
 Fyrirlestur í Þjóðminjasafni  Örnefni og skráningar
Engjateigi 5 // 581 2141 // hjahrafnhildi.is
Skipholti 29b • S. 551 4422
Fylgið okkur á facebook
Úrval af nýjum
heilsárs-
yfirhöfnum
dagurinn og Lúðurinn 6.mars 2020
LAURA JORDAN
bembach
Creative Director
hjá Oatly
Creative
Direc or
hjá Mr.
President
Takmarkað sætaframboð! Tryggðu þér miða á imark.is
Ágúst Ingi Jónsson
aij@mbl.is
Því er haldið fram í lesendabréfi í
Fiskeribladet/Fiskaren í Noregi að
Íslendingar hafi lengi stundað óá-
byrgar veiðar á alþjóðlegum haf-
svæðum og úr deilistofnum. Í fyrir-
sögn segir að Íslendingar séu ber-
strípaðir og einir á ferð þegar komi
að stjórnun veiða á makríl, norsk-
íslenskri síld og kolmunna.
Bréfið skrifa tveir framámenn í
norskum sjávarútvegi, þeir Audun
Maråk, formaður í Fiskebåt, sam-
tökum norskra útgerðarmanna, og
Kyrre Dale frá Sjømat Norge,
landssamtökum í fiskvinnslu. Tilefni
skrifanna er grein Heiðrúnar Lind-
ar Marteinsdóttur, framkvæmda-
stjóra Samtaka fyrirtækja í sjávar-
útvegi, á heimasíðu SFS í lok
nóvember, undir fyrirsögninni Flot-
inn óseðjandi. Sagt var frá efni
greinarinnar í Morgunblaðinu undir
fyrirsögninni Of stór, óseðjandi og
ósjálfbær norskur floti. Grein Heið-
rúnar Lindar birtist einnig á vefsíðu
Fiskeribladet í gær.
Útþenslustefna Íslendinga er
gerð að umtalsefni í bréfinu og sagt
að engin önnur þjóð í Norðaustur-
Atlantshafi sé eins óábyrg. Þorsk-
veiðar Íslendinga í Smugunni á tí-
unda áratug síðustu aldar eru
nefndar til sögunnar. Sömuleiðis
rækjuveiðar á Flæmska hattinum,
kolmunnaveiðar og veiðar á norsk--
íslenskri síld.
Loks frjálsar veiðar á makríl, sem
Íslendingar hafi byrjað 2008 þegar
metstór veiðistofn hafi byrjað að
ganga inn í íslenska lögsögu.
Rausnarlegum tilboðum hafnað
Hefðbundin strandríki í makríl,
Evrópusambandið, Noregur og
Færeyjar, hafi sýnt ábyrgð og þurft
að draga úr kvótum. Íslendingar
hafi hafnað rausnarlegum tilboðum
fyrrnefndra þjóða og standi einir.
Þeir hafi sýnt tækifærismennsku,
reyni að nýta sér það sem bjóðist á
hverjum tíma og hafi gengið allt of
langt.
Í þetta skiptið líti hins vegar út
fyrir að Íslendingar beri ekki sigur
úr býtum, að óábyrg hegðun borgi
sig ekki. Makríllinn sé á leið af ís-
lensku hafsvæði og íslensk skip
veiði mest af honum á alþjóðlegu
svæði.
Vikið er að orðum Heiðrúnar
Lindar um stærð norska flotans og
umframgeta hans viðurkennd. Í
Noregi hafi ekki verið vilji til sam-
þjöppunar eignarhalds útgerða eins
og á Íslandi. Þar í landi hafi verið
valið að fjármagna umframgetu í
flotanum til að tryggja atvinnu og
búsetu meðfram strandlengjunni.
Reyndar hafi umframgeta norska
flotans minnkað á síðustu árum.
Málpípa SFS
Íslendingar verði dæmdir af því
sem þeir geri en ekki því sem þeir
segi. Svo lengi sem íslenskir stjórn-
málamenn séu málpípa [mikrofon-
stativ] Samtaka fyrirtækja í sjávar-
útvegi muni ekki finnast góð lausn á
fiskveiðisamstarfi í NA-Atlantshafi.
Það ætti að vera umhugsunarefni
fyrir Íslendinga að hegðun þeirra
hafi gert það að verkum að erfiðara
sé að finna lausnir, segir m.a. í bréfi
þeirra Maråks og Dale.
Segja Íslendinga ber-
strípaða og eina á ferð
 Hörð gagnrýni á Íslendinga í Fiskeribladet/Fiskaren
Morgunblaðið/Albert Kemp
Fáskrúðsfjörður Norsk skip við bryggju á loðnuvertíðinni 2015, en þau landa gjarnan loðnu á Austfjörðum.