Morgunblaðið - 15.02.2020, Side 44

44 MENNING
MORGUNBLAÐIÐ LAUGARDAGUR 15. FEBRÚAR 2020
Tónastöðin • Skipholti 50d • Reykjavík • sími 552 1185 • tonastodin.is
Upptökutæki
Þér er í lófa
lagið
að taka upp
!
Ragnhildur Þrastardóttir
ragnhildur@mbl.is
Tónlistarmaðurinn Ásgeir, fullu nafni Ás-
geir Trausti Einarsson, sendi í byrjun febr-
úar frá sér nýja plötu í tveimur útgáfum,
aðra á ensku og hina á íslensku. Sú íslenska
ber titilinn Sátt og segir Ásgeir titilinn við-
eigandi því hann sé afar sáttur við plötuna.
„Mig langaði að fara aftur í ræturnar og
gera eitthvað annað en maður er búinn að
gera síðustu ár,“ segir hann.
Ásgeir tók sig því til og var úti á landi í
nokkrar vikur til þess að semja og vinna
plötuna áður en hún var tekin upp.
„Ég tók bara með mér kassagítar og eitt-
hvað einfalt. Þá flæddi út einfaldari heild en
áður. Ég er búinn að vera mikið að vinna
parta hér og þar sem ég púsla síðan saman
en í þetta skiptið langaði mig að lögin yrðu
ein heild og myndu þar af leiðandi flæða
betur.“
Feðgarnir smíða textana
Mikið er lagt í textana á plötunni og naut
Ásgeir dyggrar aðstoðar föður síns Einars
Georgs Einarssonar við gerð nokkurra
þeirra eins og á fyrri plötum sínum. Sömu-
leiðis samdi Júlíus Róbertsson texta á plöt-
unni.
„Umfjöllunarefni textanna eru ýmiss kon-
ar. Það er ekkert eitthvað eitt sem sameinar
þetta allt saman,“ segir Ásgeir.
Og sum laganna standa honum afar
nærri. „Eitt lag á plötunni fjallar um látinn
ástvin í fjölskyldu pabba en mig langaði
gjarnan að tileinka eitt lag þeim ástvini. Við
pabbi tengjum báðir við það og hann samdi
textann. Svo er lagið „Bernskan“ smá per-
sónulegt líka, það er byggt á æskuminn-
ingum.“
Textarnir betri á íslensku
Síðustu plötu, Afterglow, gaf Ásgeir ein-
ungis út á ensku en fyrstu plötu sína, Dýrð í
dauðaþögn, gaf hann bæði út á íslensku og
ensku.
Ásgeir nýtur mikilla vinsælda erlendis og
á til dæmis dyggan aðdáendahóp hinum
megin á hnettinum, í Ástralíu. Blaðamaður
veltir því fyrir sér hvers vegna Ásgeir hafi
ekki látið nægja að gefa plötuna út á ensk-
unni einni, þar sem hann eigi svo stóran
aðdáendahóp erlendis. Um það segir Ás-
geir:
„Mér fannst að síðasta plata hefði ein-
hvern veginn farið fram hjá Íslendingum og
það er greinilegt að maður hefur fest sig í
sessi á Íslandi sem tónlistarmaður sem
syngur á íslensku. Svo eru þessir textar líka
alltaf samdir fyrst á íslensku. Ég held jafn-
vel að þeir komist betur til skila á íslensku
og mér finnst mjög gaman að syngja þá á
þannig.“
„Meiri sátt í mér“
Titillinn, Sátt, kom til Ásgeirs eftir að
platan var nánast fullkláruð. „Þá fannst
mér titillinn eiga vel við þar sem það var
miklu meiri sátt í mér og öllum með gerð
plötunnar og lífið og tilveruna almennt. Ég
var farinn að sætta mig við fortíðina og
horfa björtum augum til framtíðar,“ segir
hann.
Og titillinn lýsir sömuleiðis sköpunarferli
plötunnar, að sögn Ásgeirs.
„Þetta ferli var rosalega þægilegt og
skemmtilegt. Það var það sem ég lagði upp
með einhvern veginn, að þetta yrði ekki
þungt og mikil pressa. Ég vildi sömuleiðis
leyfa fleirum að koma að plötunni. Það voru
nokkrir sem spiluðu á henni og það var gott
að fá þeirra framlag, til dæmis frá Samúel
Jóni Samúelssyni og Bjarna Frímanni.“
Ánægðari en með Afterglow
Ásgeir segist því mjög ánægður með af-
raksturinn. „Mér líður bara mjög vel með
þetta – og líður í raun miklu betur en til
dæmis með síðustu plötu. Ég var ánægður
með þessa áður en hún kom út. Viðbrögðin
eru líka búin að vera mjög góð og það er
alltaf gaman.“
Þegar við ræðum saman er Ásgeir í tón-
leikaferð í Evrópu og mun hafa í nógu að
snúast á næstunni; hann spilar ásamt
hljómsveit sinni á nánast hverju einasta
kvöldi víða um Evrópu, Bandaríkin, Kanada
og Ástralíu fram í apríl.
„Við komum heim í apríl í tvær vikur og í
kjölfarið er tónleikaferðalag planað út maí.
Svo sjáum við hvernig sumarið spilast,
hvort við förum á einhverjar tónlistarhátíðir
eða eitthvað slíkt. Við erum búin að fá þó
nokkur tilboð um það en það á enn þá eftir
að púsla þessu öllu saman,“ segir hann.
Ljósmynd/Anna Maggý
Listamaðurinn Ásgeir segir að sköpunarferlið hafi verið þægilegt og skemmtilegt.
Leitar aftur í ræturnar á nýrri plötu
 Ásgeir fór út fyrir borgina og skapaði plötuna
Sátt í næði  Vildi skapa einfalda heild í góðu
flæði  Gaf plötuna bæði út á íslensku og ensku
Tónlistarkonurnar Hulda Jóns-
dóttir fiðluleikari og Guðrún Dalía
Salómonsdóttir píanóleikari halda
tónleika í Norðurljósasal Hörpu á
sunnudag kl. 16. Eru þeir á dagskrá
tónleikaraðarinnar Sígildir sunnu-
dagar. Tónlist Ludwig van Beetho-
ven er í nokkru aðalhlutverki en á
árinu er þess minnst að 250 ár eru
frá fæðingu þessa merka tónskálds.
Eftir hann flytja þær Hulda og Guð-
rún rómönsu og sónötu. Að auki
flytur Hulda verk fyrir einleiksfiðlu
eftir Sergei Prokofiev.
Hulda hlaut nýverið fastráðningu
í stöðu uppfærslumanns 2. fiðlu við
Konunglegu dönsku sinfóníu-
hljómsveitina í Kaupmannahöfn.
Hún er fædd 1991 og lauk fram-
haldsnámi við The Juilliard School í
New York árið 2015. Hún nam þar í
borg um sex ára skeið hjá Robert
Mann, David Chan og Laurie Smu-
kler og lauk Master of Music gráðu
frá Juilliard vorið 2015.
Guðrún Dalía kemur reglulega
fram sem einleikari, í kammer-
músík og ekki síst sem meðleikari
söngvara.
Hulda og Guðrún Dalía með tónleika
Morgunblaðið/Árni Sæberg
Fiðluleikarinn Hulda Jónsdóttir.
Ein sýning nema
í meistaranámi í
myndlistardeild
Listaháskóla Ís-
lands var opnuð í
gær, föstudag,
og önnur verður
opnuð í dag.
Hugo Llanes
opnaði í gær sýn-
inguna Monu-
mental í Kubbnum í húsnæði LHÍ á
Laugarnesvegi 91. Hugo hefur und-
anfarin ár rannsakað hið persónu-
lega og hvernig það birtist á hnatt-
rænu samhengi. Hann hefur m.a.
skoðað birtingarmyndir spillingar í
heimabæ sínum og hvernig þær
birtast meðal annars í úti-
listaverkum í borginni. Sýningin er
opin kl. 13 til 15 um helgina.
Í dag, laugardag, kl. 17, opnar
María Sjöfn sýninguna Saptium í
RÝMD, Völvufelli 13-21. Þar er
leikið með hugmyndir um rýmið og
skynjun innan þess. María Sjöfn er
með meistaragráðu í listkennslu frá
Listháskóla Íslands og einnig
meistaragráðu í hönnun frá Domus
Academy í Mílanó.
Sýningar meistaranema opnaðar
Verk Maríu Sjafnar.