Morgunblaðið - 16.04.2020, Side 4

4
MORGUNBLAÐIÐ FIMMTUDAGUR 16. APRÍL 2020
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
KÓRÓNUVEIRUSMIT Á ÍSLANDI
Sigurður Bogi Sævarsson
Skúli Halldórsson
Síðdegis í gær voru staðfest smit af
kórónuveirunni orðin samtals 1.727
og hafði þá fjölgað um sjö á einum
sólarhring. Mun fleiri hafa náð bata
en eru með virkt smit. Alls 34 liggja
á spítala vegna kórónuveirunnar,
þar af átta á gjörgæslu. Aðrir átta
eru látnir af völdum sjúkdómsins, að
því er fram kom á daglegum upplýs-
ingafundi almannavarna og heil-
brigðisyfirvalda.
Hagfelld þróun
„Tölurnar eru allar niður á við,“
sagði Þórólfur Guðnason sóttvarna-
læknir sem minnti á að þrátt fyrir
þessa hagfelldu þróun mætti næstu
vikur og mánuði búast við einstaka
sýkingum og hugsanlega hópsýking-
um. Mikilvægt væri því að fara hægt
við afléttingu hamla sem gilt hafa
undanfarið vegna veirunnar. Á
næstu dögum sendir sóttvarnalækn-
ir heilbrigðisráðherra tillögur um
þær hömlur sem verða á ferðum
fólks til og frá landinu á næstunni.
Um ferðatakmarkanirnar nefndi
Þórólfur Guðnason að öðrum fremur
hefðu íslenskir ferðamenn borið sýk-
ingu kórónuveirunnar til landsins.
Slíkt vildi hann ekki að gerðist aftur
og því væri varúðar þörf. Álagið á
sjúkrahús vegna kórónuveirunnar er
í rénun og faraldurinn á niðurleið,
sagði Þórólfur. Mikilvægt væri þó að
viðhafa áfram varúðarráðstafanir
svo sem tveggja metra fjarlægð milli
manna og almenna smitgát, svo sem
handþvott. Ella væri hætta á nýjum
hópsýkingum.
Á lygnari sjó
Alma Möller landlæknir sagði á
fundinum í gær að innan tíðar hæf-
ust að nýju á heilbrigðisstofnunum
ýmsar þær aðgerðir sem hafa beðið
að undanförnu vegna forgangsröð-
unar með tilliti til kórónuveirufar-
aldursins. Svigrúm til slíks væri að
myndast nú.
„Nú virðist sem við séum komin á
lygnari sjó,“ sagði Alma sem bætti
við að alltaf hefði verið reiknað með
að toppur í sjúkrahúsinnlögnum
vegna sjúkdómsins kæmi nokkru á
eftir hámarki nýgreininga á veir-
unni. Ætla mætti að álagið á sjúkra-
húsunum yrði mest í kringum næstu
helgi, en svo færi að fjara út. Þá kom
fram í máli landlæknis að í næstu
viku yrðu kynntar tillögur um til-
slakanir á heimsóknabanni á hjúkr-
unarheimilum sem mörgum hefði
reynst þungbært.
Fullt af stökkbreytingum
„Þessi veira er skringileg skepna
með fullt af stökkbreytingum,“ sagði
Kári Stefánsson, forstjóri Íslenskrar
erfðagreiningar (ÍE), á upplýsinga-
fundinum í gær. Hann vísaði þar til
niðurstaðna sem komið hafa í ljós við
greiningu kórónuveirunnar á Ís-
landi. Þegar vísindamenn í fyrirtæki
hans hófu skimun hér á landi hefðu
sjónir beinst að fólki sem var að
koma úr skíðaferðum í Austurríki,
en á sama tíma hefðu smit einnig
borist frá Bretlandi. Það væri svo
beinlínis ótrúlegt að tekist hefði að
rekja uppruna allra kórónuveiru-
smita á Íslandi, utan átta.
Vísindamenn ÍE og samstarfsfólk
þeirra hjá landlæknisembættinu og
Landspítalanum birtu í gær grein í
bandaríska læknatímaritinu New
England Journal of Medicine, sem
byggist á rannsókn á útbreiðslu kór-
ónuveirunnar á Íslandi. Þar var
kannað á breiðum grundvelli hvern-
ig veiran breiðist út meðal 360 þús-
und manna þjóðar sem brást
snemma við; fór í víðtæka skimun,
setti fólk í sóttkví og smitaða í ein-
angrun til að draga út vexti farald-
ursins. Niðurstöðurnar sýna að 0,8%
fólks í samfélaginu eru smituð sem
ýtir undir kenningar um að ein-
kennalausir geti verið smitberar.
Telja greinarhöfundar að þó aðgerð-
ir til að halda faraldrinum niðri hafi
borið árangur, sé þörf á meiri gögn-
um til að hægt sé að taka upplýstar
ákvarðanir um hvernig eigi að koma
böndum á veiruna í framhaldinu.
Bjartsýnn á lyf
Þá kveðst Kári Stefánsson bjart-
sýnni en Þórólfur Guðnason sótt-
varnalæknir varðandi hve fljótt megi
búast við bóluefni við kórónuveir-
unni. Nú þegar séu bóluefni komin í
klínískar rannsóknir og prófanir er-
lendis og verði vætanlega komin í
notkun innan árs.
Fjöldi eftir landshlutum
Óstaðsett 50 140
Útlönd 1 0
Austurland 7 24
Höfuðborgarsvæði 1.237 1.339
Suðurnes 77 93
Norðurland vestra 35 10
Norðurland eystra 47 84
Suðurland 168 213
Vestfirðir 75 151
Vesturland 30 47
Smit
Sóttkví
Uppruni smits
Innanlands
Óþekktur
Erlendis
37.386 sýni hafa verið tekin
1.077 einstaklingar hafa náð bata
8 einstaklingar eru látnir
34 eru á sjúkrahúsi 8 á gjör-gæslu
642 eru í einangrun
Fjöldi smita frá 28. febrúar til 14. apríl
Heimild: covid.is
1.727 smit voru staðfest
í gær kl. 13.00
1.727
642
feb.
1.650
1.375
1.100
825
550
275
þeirra sem
hafa greinst
voru í sóttkví
80%
54%
10,5% sýna tekin hjá LSH voru jákvæð og 0,69% sýna tekin hjá ÍE
16.726 hafa lokið sóttkví2.101 manns eru í sóttkví
Staðfest smit
Virk smit
mars apríl
Allar tölurnar eru niður á við
 Kórónuveirufaraldurinn á undanhaldi hérlendis  Varúðarráðstafanir eru áfram mikilvægar  Álag
á sjúkrahúsum nálgast toppinn  Ótrúlegur árangur smitrakningarhóps  Væntir lyfja innan eins árs
Ljósmynd/Lögreglan
Fjögur Frá vinstri: Víðir Reynisson yfirlögregluþjónn, Þórólfur Guðnason sóttvarnalæknir, Alma Möller landlæknir
og Kári Stefánsson á upplýsingafundinum í gær. Skilaboð dagsins voru að kórónuveirufaraldurinn er á undanhaldi.
Talsmenn kvikmyndahúsa sem
rætt var við í gær kváðust vera
að skoða það að hefja sýningar
á ný þegar fjöldamörk manna-
móta verða rýmkuð í 50 manns
hinn 4. maí. M.a. er til skoðunar
að stilla sýningartíma þannig af
í hinum ýmsu sölum hvers kvik-
myndahússs að fjöldi áhorfenda
í sameiginlegum rýmum fari
ekki yfir leyfileg mörk. Þá verða
tveggja metra fjarlægðarmörk á
milli áhorfenda virt og setið í
annarri hverri sætaröð, svo
dæmi séu nefnd.
Bíósýningum var hætt eftir
að mörkin voru lækkuð í 20
manns þann 22. mars. Starfs-
fólk kvikmyndahúsanna skiptir
hundruðum þegar allt er talið.
Ólafur Þór Jóelsson, fram-
kvæmdastjóri Smárabíós, sagði
unnið að því að opna kvik-
myndahúsið aftur með ein-
hverjum hætti 4. maí. Hann
sagði að bíóið væri þrifið mjög
vel á hverjum degi en nú yrði
vandað enn meira til þrifa. Há-
skólabíó, sem rekið er samhliða
Smárabíói, verður líklega lokað
þar til fjöldamörkin verða rýmk-
uð enn meir.
Magnús Gunnarsson, fram-
kvæmdastjóri Laugarásbíós,
sagði það í skoðun hvernig
brugðist yrði við rýmkun
samkomubannsins. Hann sagði
að frumsýningum margra kvik-
mynda hefði verið frestað víða
um lönd vegna kórónuveiru-
faraldursins.
Árni Samúelsson, forstjóri
Sambíóanna, sagði að þeir væru
að athuga hvernig brugðist yrði
við. gudni@mbl.is
Bíóin huga
að opnun
SAMKOMUBANN RÝMKAÐ
Ákveðið hefur
verið að Fiski-
dagurinn mikli á
Dalvík verði ekki
haldinn í ár, sbr.
þá ákvörðun
stjórnvalda að
hámarksfjöldi
gesta á sam-
komum sumars-
ins miðist við
2.000 manns.
Stefnt er þó óhikað að Fiskideg-
inum mikla á næsta ári sem verður
jafnframt 20 ára afmæli þessarar
bæjarhátíðar.
„Við skulum muna að tapa aldrei
gleðinni. Við komum sterk inn að
ári og þá knúsumst við og njótum
samvista við fólkið okkar og gesti,“
segir í tilkynningu frá stjórn Fiski-
dagsins mikla. Bakhjarlar dagsins
fá á næstunni bréf þar sem þeim er
þakkað fyrir samstarfið og óskað
stuðnings á næsta ári.
Fiskidagurinn mikli
ekki haldinn í ár
Dalvík Fiskidag-
urinn haldinn að ári.