Morgunblaðið - 16.04.2020, Side 26

26 FRÉTTIRViðskipti | Atvinnulíf
MORGUNBLAÐIÐ FIMMTUDAGUR 16. APRÍL 2020
16. apríl 2020
Gengi Kaup Sala Mið
Dollari 141.38 142.06 142.47
Sterlingspund 174.77 175.61 178.58
Kanadadalur 99.37 99.95 102.34
Dönsk króna 20.736 20.858 20.891
Norsk króna 13.517 13.597 13.802
Sænsk króna 13.972 14.054 14.208
Svissn. franki 146.4 147.22 147.84
Japanskt jen 1.3019 1.3095 1.3253
SDR 192.94 194.08 194.93
Evra 154.87 155.73 155.9
Meðalgengi/Viðskiptavog þröng 185.6266
Hrávöruverð
Gull 1715.85 ($/únsa)
Ál 1456.0 ($/tonn) LME
Hráolía 32.25 ($/fatið) Brent
● Samgöngu- og sveitarstjórnarráðu-
neytið hefur samið að nýju við Ice-
landair Group um flug til Evrópu og
Bandaríkjanna á tímabilinu milli 15. apr-
íl og 5. maí. Með því leggur ríkissjóður
félaginu til fjármuni til að halda úti flugi
til Boston, Lundúna og Stokkhólms yfir
fyrrgreint tímabil og er um að ræða 16
ferðir eða 32 flugleggi. Um er að ræða
6 flugferðir til og frá Boston, 7 til og frá
Lundúnum og þrjár flugferðir til og frá
Stokkhólmi. Hámarkskostnaður ríkisins
af þessum samningi verður 100 millj-
ónir en mögulegar tekjur Icelandair af
fluginu koma til lækkunar greiðslunum.
Er samningnum m.a. ætlað að tryggja
að íslenskir ríkisborgarar, sem staddir
eru erlendis, geti fundið sér leið heim.
Sama ráðuneyti hefur nú samið við Ice-
landair um reglulegar flugsamgöngur
milli Reykjavíkur, Egilsstaða og Ísafjarð-
ar til og með 5. maí. Mikill samdráttur
hefur orðið í innanlandsflugi vegna kór-
ónuveirunnar og ef ekki hefði komið til
samkomulagsins hefði flug milli þess-
ara staða lagst af. Ríkið greiðir á há-
marki 13 milljónir vegna samningsins.
Mögulegar tekjur félagsins af fluginu
munu lækka framlag ríkissjóðs. Flug-
félaginu er hins vegar heimilt að annast
vöruflutninga í ofangreindum ferðum.
Gerð var verðkönnun hjá þremur flug-
rekendum áður en gengið var til samn-
inga við félagið.
Ríkissjóður tryggir
áfram flugsamgöngur
STUTT
BAKSVIÐ
Þóroddur Bjarnason
tobj@mbl.is
Forsvarsmenn stóru verslanamið-
stöðvanna á höfuðborgarsvæðinu,
Kringlunnar og Smáralindar, segja
að tekið sé að birta til í rekstrinum,
eftir erfiða tíma síðustu vikur.
Tinna Jóhannsdóttir, markaðs-
stjóri Smáralindar, segir í samtali
við Morgunblaðið, spurð að því
hvort einhverjum verslunum hafi
verið lokað tímabundið vegna kór-
ónuveirunnar, að tekist hafi að halda
flestu opnu. „Það eru engar fata-
verslanir lokaðar,“ segir Tinna.
Hinsvegar séu verslanir símafyrir-
tækjanna lokaðar sem dæmi, auk
nokkurra veitingastaða. „Staðan er
bara mjög góð, og við stöndum
keik.“
Spurð að því hvernig hafi tekist að
halda starfseminni gangandi jafn vel
og raun ber vitni segir Tinna að
þeim hafi tekist að halda í jákvæðn-
ina. „En auðvitað hafa þjónustuað-
ilar margir stytt afgreiðslutíma sinn.
Það horfa líka margir fram á tekju-
minnkun, sem fylgir til dæmis því að
það eru engar fermingar og útskrift-
ir. Því er fólk ekki að dressa sig upp
eins mikið eða kaupa gjafir. Þessir
viðburðir verða vonandi haldnir síð-
ar á árinu í staðinn.“
Tinna segir að tilvonandi slökun á
samkomubanni 4. maí nk. sé farin að
hafa jákvæð áhrif. „Ég held að það
sé extra mikil jákvæðni núna þegar
tilslakanir eru handan við hornið.
Svo er sumardagurinn fyrsti í næstu
viku og það hefur líka áhrif á líðan
fólks almennt. Jákvæðnistuðullinn
rýkur upp.“
Sigurjón Örn Þórsson, fram-
kvæmdastjóri Kringlunnar, tekur í
sama streng og Tinna. „Þetta er að
þróast til betri vegar. Það er bjart-
ara yfir aðsóknartölum. Það voru
sjáanleg batamerki fljótlega upp úr
síðustu mánaðamótum.“
Náðu botninum í lok mars
Sigurjón segir að auðvitað hafi
Kringlan horft fram á mikið hrap í
aðsókn í ljósi aðstæðna. „Við geng-
um í gegnum erfiða daga og náðum
botninum í lok mars. Á laugardaginn
síðasta var hinsvegar 33% aukning í
aðsókn frá laugardeginum á undan.“
Hann segir að það birti yfir þegar
kaupmenn sjái meira líf í húsinu og
fleiri bíla á bílastæðinu.
Eins og Sigurjón útskýrir þá
hætti Kringlan snemma í ferlinu að
krefjast þess af verslunum að allir
hefðu opið á sama tíma. Þá greip
verslanamiðstöðin til þess ráðs að
loka á sunnudögum. Nú er hinsveg-
ar að verða breyting þar á og
Kringlan verður opin frá klukkan
13-17 næsta sunnudag. Aðspurður
segir Sigurjón að þeir aðilar sem
hafi lokað tímabundið séu í dag telj-
andi á fingrum annarrar handar.
„Frávikið frá þessu eru svo veitinga-
staðirnir, en flestir veitingastaðanna
sem nota sameiginlega rýmið á
Stjörnutorgi hafa lokað, vegna
samkomubannsins. Ég held að þeir
geti allir, að hluta til a.m.k., opnað
aftur hinn 4. maí.“
Sigurjón segir að það muni vinna
með Kringlunni í þessum þrenging-
um ef Íslendingar verði heima á
næstu mánuðum og ferðist lítið til
útlanda.
Bjartara framundan í
Smáralind og Kringlunni
Morgunblaðið/Kristinn Magnússon
Tómlegt Svona var umhorfs í verslanamiðstöðinni Smáralind í mars. Sömu sögu var að segja af Kringlunni.
 33% fjölgun gesta í Kringlunni milli laugardaga  Opna á sunnudögum
Sigurjón Örn
Þórsson
Tinna
Jóhannsdóttir
Landsbanki Íslands (LÍ) lækkaði í
fyrradag vexti af íbúðalánum. Bank-
inn rökstuddi ákvörðunina m.a. með
vaxtalækkun Seðlabankans og lækk-
un bankaskatts.
Eftir lækkunina
býður bankinn
jafnvel lægri vexti
en lífeyrissjóðirn-
ir, sem ekki hafa
greitt bankaskatt
og í krafti lægri
vaxta aukið hlut-
deild sína í bein-
um útlánum.
Spurður hvort
sjóðurinn þurfi því að lækka vextina
til að halda samkeppnisforskotinu
segir Gunnar Baldvinsson, fram-
kvæmdastjóri Almenna lífeyrissjóðs-
ins, að sér virðist sem LÍ bjóði nú
svipaða vexti og sjóðirnir.
Horfa til ýmissa þátta
„Almennt gefa vaxtabreytingar hjá
einstökum aðila ekkert sérstakt til-
efni til að endurskoða vexti og láns-
kjör. Ákvörðun um vexti er að jafnaði
tekin einu sinni í mánuði og þá eru
þeir þættir sem mynda vextina metn-
ir sjálfstætt. Í kjölfarið er tekin
ákvörðun um hvort aðstæður gefi til-
efni til breytinga. Við ákvörðun vaxta
og vaxtabreytinga er einkum horft til
vaxta á markaði, vaxtakjara á sam-
bærilegum lánum, verðbólguspár og
fleira. Hlutverk lífeyrissjóða er að
ávaxta iðgjöld sjóðfélaga og við það
verkefni verðum við að taka tillit til
þeirra vaxta sem gilda á markaði
hverju sinni,“ segir Gunnar.
Undir hverjum og einum komið
Spurð um vaxtamálin segir Þórey
S. Þórðardóttir, framkvæmdastjóri
Landssamtaka lífeyrissjóða, að vextir
íbúðalána séu mat hvers og eins sjóðs.
Það bjóði ekki allir sjóðsfélagalán.
„Sjóðirnir eru í samkeppni og fjár-
festingastefna þeirra er ólík. Þeir eru
með ólíka sjóðsfélagahópa og ólíkar
skuldbindingar og meta aðstæður til
samræmis við hagsmuni sinna sjóðs-
félaga. Sjóðsfélagalánin og vextirnir
eru endurskoðuð með reglulegu milli-
bili. Það er erfitt að alhæfa um hvern-
ig lífeyrissjóðirnir muni bregðast við.
Við vitum hins vegar að vextir hafa
verið að lækka og það kæmi frekar á
óvart ef það yrði farið í vaxtahækk-
anir,“ segir Þórey. Spurð hvort hlut-
deild sjóðanna í íbúðalánum sé komin
til að vera bendir hún á að þeir hafi
alltaf verið umsvifamiklir í íbúða-
lánum í gegnum fjármögnun hús-
næðismarkaðar. baldura@mbl.is
Sjóðirnir meta
vaxtakjör lána
 Taka stöðuna eftir vaxtalækkun LÍ
Gunnar
Baldvinsson