Fréttablaðið - 19.12.2020, Side 24

Íslensk innrás á Spáni
Það voru ekki mörg verkefnin hjá
landsliðum Íslands í körfubolta
þetta árið. Karlalandsliðið vann
þrjá leiki af fjórum og er komið í
góða stöðu í forkeppninni fyrir und-
ankeppni HM 2023. Kvennalands-
liðið tapaði báðum leikjum sínum
en æfingabannið og fjarvera lykil-
manna gerði íslensku liðunum erfitt
fyrir í landsleikjaverkefnunum.
Líkt og í handboltanum tókst
ekki að halda úrslitakeppni í körfu-
boltanum í vor og voru því aðeins
krýndir deildar- og bikarmeistarar.
Valskonur sýndu algjöra yfirburði
í deildarkeppninni kvennamegin,
en í bikarnum tókst Skallagrími að
vinna bikarmeistaratitilinn í fyrsta
sinn með sigri á KR í úrslitaleiknum.
Það var aðeins annar titillinn í sögu
Borgnesinga eftir Íslandsmeistara-
titli kvennaliðs Skallanna í körfu-
bolta árið 1964. Í karlaflokki vann
Stjarnan báða titlana sem í boði
voru, annað árið í röð, en KR fékk
ekki að gera atlögu að sjöunda
Íslandsmeistaratitlinum í röð.
Í at vinnumennskunni urðu
tveir Íslendingar landsmeistarar
með félögum sínum. Martin Her-
mannsson átti frábært ár með Alba
Berlin sem vann tvöfalt, landstitil
og bikar meistaratitil. Vesturbæ-
ingurinn söðlaði um og samdi við
spænska stórliðið Valencia í sumar
þar sem hann hefur byrjað vel. Á
Spáni fær Martin reglulega að kljást
við kunnugleg andlit í Tryggva Snæ
Hlinasyni og Hauki Helga Pálssyni.
Tryggvi er sífellt að fá stærra hlut-
verk hjá félagi sínu, Casademont
Zaragoza og var frábær í þeim lands-
leikjum sem hann lék í og Haukur
Helgi hefur byrjað vel með Andorra
eftir vistaskipti frá Rússlandi á
árinu. Þá eru nokkrir Íslendingar
á mála í neðri deildunum á Spáni
þessa dagana.
Sífellt fleiri leikmenn eru að fara
erlendis að spila og varð Elvar Már
Friðriksson einn af bestu leikmönn-
um Boras sem varð sænskur meistari
á árinu. Það vakti athygli stærri liða
og samdi Elvar við Šiauliai í Litháen
þar sem Elvar hefur leikið vel þrátt
fyrir að ekkert gangi hjá félaginu. Þá
varð Sara Rún Hinriksdóttir deildar-
bikarmeistari með liði sínu, Leicester
Riders á Englandi og stóð upp úr í
landsleikjum Íslands á árinu.
Ofarlega á heimsvísu
Frestun Ólympíuleikanna gerði það
að verkum að íslenskt afreksfólk
hafði meiri tíma til að ná Ólympíu-
lágmörkum en kom í veg fyrir þátt-
töku spjótkastarans Ásdísar Hjálms-
dóttur á fjórðu Ólympíuleikunum.
Ásdís var búin að gefa það út að
þetta yrði hennar síðasta ár og ÓL
hennar síðasta mót, en hún stóð við
orð sín í stað þess að fresta ákvörðun
sinni um ár. Ásdís kvaddi með þrett-
ánda lengsta kasti ársins þegar hún
átti fjórða besta kast sitt á ferlinum.
Ásdís var ekki sú eina sem var ofar-
lega á heimsvísu þetta árið, Guðni
Valur Guðnason bætti Íslands-
metið í kringlukasti með fimmta
besta kast ársins á heimsvísu, upp á
69,35 metra. Þá tvíbætti Hilmar Örn
Jónsson í sleggjukasti og átti ellefta
lengsta kast ársins og Vigdís Jóns-
dóttir bætti Íslandsmetið í sleggju-
kasti fimm sinnum, síðast með 98.
lengsta kasti ársins. 
Í sundi bar Anton Sveinn McKee
af hjá Íslendingum en hann varð
atvinnumaður á árinu og keppti
fyrir hönd Toronto Titans í deild með
sterkasta sundfólki heims. Anton
vann tvær greinar fyrir hönd Titans
og bætti Íslands-  og Norðurlanda-
met. Hann er eini Íslendingurinn
sem er búinn að tryggja sér þátttöku-
rétt á Ólympíuleikunum í Tókýó. Á
sama ári tilkynnti ein  af fremstu
sundkonum Íslands frá upphafi,
Eygló Ósk Gústafsdóttir, að hún væri
hætt að keppa. Eygló, sem var valin
íþróttamaður ársins árið 2015 vann
til þrennra bronsverðlauna á EM í
25 metra laug það árið og keppti til
úrslita á Ólympíuleikunum í Ríó ári
síðar, ákvað að leggja sundhettuna
á hilluna.
Af kylfingum okkar Íslendinga
náðu Guðmundur Ágúst Kristjáns-
son og Guðrún Brá Björgvinsdóttir
besta árangrinum. Guðmundur
Ágúst var að keppa á Áskorenda-
mótaröð Evrópu, næst sterkustu
mótaröð Evrópu í fyrsta sinn og
náði næst besta árangri sem Íslend-
ingur hefur náð í 46. sæti á stigalist-
anum. Í kvennaflokki var lítið um
keppnir þegar Guðrún Brá keppti
á Evrópumótaröðinni, næst sterk-
ustu mótaröð heims, í fyrsta sinn,
en Hafnfirðingurinn varði Íslands-
meistaratitil sinn á árinu. Með því
hampaði Guðrún titlinum þriðja
árið í röð og varð með því fimmta
konan sem nær því afreki og sú
fyrsta í 24 ár.
Ríkjandi íþróttamaður ársins,
Júlían J. K. Jóhannesson gat lítið
afrekað á árinu enda var EM og HM
í kraftlyftingum fellt niður. Júlían
bætti eigið heimsmet í réttstöðu-
lyftu á Íslandsmótinu í sumar en
metið var ekki viðurkennt enda
ekki um alþjóðlegt mót að ræða. 
kristinnpall@frettabladid.is
ÍSLENSKAR ÍÞRÓTTIR 2020
Stelpurnar okkar voru hófsamar í fagnaðarlátunum eftir leikinn gegn Ungverjalandi enda kom ekki í ljós fyrr en síðar um kvöldið að sætið á EM væri tryggt
þegar úrslit úr öðrum leikjum voru hagstæð. Með því varð ljóst að Ísland myndi komast í lokakeppni Evrópumótsins fjórða skiptið í röð. MYND/MLSZ.HU
Velgengni Ísaks í Svíþjóð vakti
athygli stærstu liða Evrópu.
Bjarki Már lék
frábærlega með
Lemgo og var
markahæsti
leikmaður
þýsku deildar-
innar áður en
deildarkeppnin
var blásin af
vegna kórón-
aveirufarald-
ursins. FRÉTTA-
BLAÐIÐ/GETTY
Guðrún Brá varð Íslandsmeistari þriðja árið í röð en Bjarki Pétursson vann sinn fyrsta titil. MYND/GSÍMYNDIR.NET/SETH
1 9 . D E S E M B E R 2 0 2 0 L A U G A R D A G U R24 S P O R T ∙ F R É T T A B L A Ð I Ð