Fréttablaðið - 19.12.2020, Side 116

Kraftmetalhljómsveit-in Power Paladin gaf á dögunum út lagið Kraven the Hunter. Það gefur nasaþef-inn af fyrstu plötu
sveitarinnar sem hét upprunalega
einfaldlega Paladin.
„Þegar við stofnuðum bandið
tékkuðum við hvort það væri til
hljómsveit sem héti Paladin, og
það var ekki,“ segir Kristleifur Þor-
leifsson, bassaleikari sveitarinnar.
„Svo þegar við vorum að fara að
gefa út plötuna var komið eitthvert
amerískt band frá Atlanta sem var
að meika það með svipaðri tónlist
og við.“
Rétt eins og með Hálendinginn
getur aðeins verið einn Paladin svo
Power var skeytt fyrir framan. „Lán
í óláni, eiginlega. Það er miklu meiri
kraftur í þessu,“ segir Bjarni Egill
Ögmundsson hljómborðsleikari.
Síðbúinn Sykurmoli
Kraven the Hunter var framlag
sveitarinnar til Sykurmolans, tón-
listarkeppni X-ins 977, sem er ekki
enn lokið þótt niðurstaða dóm-
nefndar hafi átt að liggja fyrir í
byrjun desember. Dómnefndin
virðist ekki hafa getið komið sér
saman um sigurvegara og ákvörð-
unin er nú komin í dóm almenn-
ings.
„Kynnarnir fara alltaf að hlæja
þegar þeir kynna okkur, sem við
túlkum bara jákvætt. Ég skil samt
ekki alveg hvernig er verið að mæla
þetta,“ segir Kristleifur og fær í kjöl-
farið útskýringar á óhefðbundnum
könnunum frá Bjarna.
Klósettið og kosmósið
Fyrir styttra komna myndasögu-
lesendur vísar heiti lagsins til lítt
þekkts andstæðings Köngulóar-
mannsins, veiðimannsins Kraven.
Textar og myndskreytingar sveitar-
innar eru fantasíuslegin svo aðkoma
þorparans stingur aðeins í stúf.
Spurður hvaðan hljómsveitin
dragi innblástur sinn svarar Bjarni:
„Upp úr klósettinu. Nei, ég veit það
ekki, þetta úr alls konar áttum. Lög
plötunnar sækja meðal annars heiti
sín í bókina Way of Kings og kvik-
myndina the Dark Crystal. Ég held
svo að Kraven hafi bara komið til
okkar úr kosmósinu.“
Yfirgengilegur og gegnumgang-
andi söguþráður hefur lengi loðað
við kraftmetalsveitir og segir Krist-
leifur að allt sé þetta hluti af
stærri heildarmynd sem
þeir leggi mikla natni
við. „Þetta er allt
ger t f y r i r
a ð d á e n d -
urna og lengra
komna.“
Mixað undir feldi
Þrátt fyrir að sveitin
hafi líkt og f lestir
aðrir legið undir vel
sprittuðum feldi
undanfarna mán-
uði hefur kófið haft
jákvæð áhrif á bandið.
„Heimsfaraldur er nátt-
úrulega mest metal af öllu,“
segir Bjarni.
Sveitin nýtti tækifærið til
að vinna í plötunni sem
hafði verið ansi lengi í
fæðingu. „COVID var ekki skollið
á þegar ég var búinn að taka upp
allt mitt,“ segir Kristleifur. Plötuna
segja strákarnir væntanlega á næstu
vikum, en allt fari það eftir Spotify.
„Það getur tekið langan tíma að bíða
eftir samþykki frá þeim,“ segir Einar
Karl Júlíusson trommari. „Ef þetta
dregst eitthvað þá kennum við þeim
um.“
Demantsbumba
Útgáfuhóf eru ekki vinsæl um þessar
mundir en sveitin stefnir ótrauð á að
fagna þegar betur viðrar lýðheilsu-
lega. „Við höldum pottþétt partí
þegar COVID er búið, hvort sem
það er í vor, sumar eða 2024,“ segir
Kristleifur.
Þá er sviðsframkoma sveitar-
innar ekki það eina sem dregur
að, en trommarinn Einar Karl
fer venjulega úr að ofan fyrir
miðja sýningu til að sefa tryllta
áhorfendur. Hann segist ekki
alveg skilja hefðina sjálfur.
„Ég veit ekki hvernig
þetta byrjaði en þetta
hefur fylgt okkur,“ segir
Einar Karl. „Ég held að
þetta sé vinum okkar að
kenna.“ Kristleifur segir
sveitina lítið þurfa að
passa upp á kroppinn
á trommaranum því
vaxandi bumba sé bara
betri. „Þetta er soldið eins og
að snúa demanti – maður fær nýja
sýn á hann, sem er ekkert betri eða
verri þannig.“
„Þetta hvetur mig allavega til að
halda mér í formi,“ segir Einar Karl
vongóður. arnartomas@frettabladid.is
Lífið í
vikunni
13.12.20-
19.12.20
SÍMAR AUGLÝSINGADEILDIR – AUGLÝSINGASTJÓRI: Gústaf Bjarnason gustaf@frettabladid.is ALMENNAR AUGLÝSINGAR: SÍMI 550 5050:
Hjördís Zoëga hjordis@frettabladid.is, Hlynur Þór Steingrímsson, hlynur@frettabladid.is , Sigfús Örn Einarsson sigfus@frettabladid.is, Örn Geirsson orn.geirsson@frettabladid.is
FÓLK/SÉRBLÖÐ SÍMI 550 5077: Atli Bergmann atli@frettabladid.is, Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@
frettabladid.is, Viðar Ingi Pétursson vip@frettabladid.is ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
ANDSPÆNIS SKRÍMSLUM
Frændurnir Þrándur Þórarinsson
listmálari og Hugleikur Dagsson,
myndasögumaður með meiru,
fögnuðu útgáfu listaverkabókar-
innar Andspænis þar sem verkin á
samnefndri samsýningu þeirra eru
prentuð. „Við erum bara rosalega
sáttir við útkomuna og erum frekar
montnir af þessu. Þetta er bara svo
mikilfengleg og „klassí“ bók,“ sagði
Hulli í vikunni.
LISTASENDINGAR
Listahátíð
í Reykjavík
býður fólki
upp á að
senda vinum
og vanda-
mönnum
listagjöf
um helgina.
Viðtakandi fær þá heimsendan
tíu mínútna flutning á verki; söng,
dansi, ljóðalestri eða leik. Vigdís
Jakobsdóttir, listrænn stjórnandi
Listahátíðar, segir þetta frábæra
leið til að styðja listafólk í verki í
kófinu.
BÍÓJÓLUNUM BJARGAÐ
Bíóin á Íslandi ætla ekki að láta
veirufaraldurinn drepa rótgróna
jólamyndahefðina og ofurhetjan
Díana Prince er mætt til að efla
sprittuðum bíógestum djörfung og
dug með langþráðri frumsýningu
stórmyndarinnar Wonder Woman
1984.
SKUGGI TRUMPS OG COVID
Mikael Kaaber og Berglind Alda Ást-
þórsdóttir stýra Krakkaskaupi sem
RÚV sýnir 30. desember. Þau stóðu
frammi fyrir verðugri áskorun
þegar kom að því að pakka ári
COVID og Trumps í gleðibúning fyrir
yngstu kynslóð landsins.
Hægeldað hetjurokk
Hetjurokkararnir í Power Paladin gáfu nýlega út lagið Kraven the
Hunter sem er nasaþefur af væntanlegri frumraun sveitarinnar.
Power Paladin þegar tónleikar voru til. Á sviði er mun praktískara að hafa buxurnar stuttar en úr leðri. MYND/AÐSEND
FAXAFENI 5
Reykjavík
588 8477
DALSBRAUT 1
Akureyri
588 1100
SKEIÐI 1
Ísafirði
456 4566
Frá 19.120 kr. JÓLATILBOÐ
Fullt verð frá: 23.900 kr.
A F S L ÁT T U R
20%
L Ú X U S B A Ð S L O P P A R
T I LV A L I N J Ó L A G J Ö F
1 9 . D E S E M B E R 2 0 2 0 L A U G A R D A G U R84 L Í F I Ð ∙ F R É T T A B L A Ð I Ð