Víkurfréttir - 19.08.2020, Blaðsíða 13

Alelda flutningabíll á Grindavíkurvegi
Engin slys urðu á fólki þegar eldur kom upp í flutningabíl á Grindavíkurvegi á miðvikudagsmorgun.
Flutningabíllinn gjöreyðilagðist í eldinum. Slökkvilið Grindavíkur og lögregla fóru á vettvang, þegar
slökkvilið kom á staðinn var bíllinn alelda og lagði þykkan reykjarmökk frá bílnum.
Grindavíkurvegur var lokaður í talsverðan tíma á meðan flak bílsins var
fjarlægt af veginum en þar sem bíllinn brann er vatnsverndarsvæði og
þurfti að hafa mikla aðgát til að tryggja að mengun kæmist ekki í jarðveg.
Hjáleiðir til að komast til Grindavíkur voru í gegnum Hafnir og Reykjanes
og Krísuvíkurveg.
Ljósmynd: Jóhann Snorri
Sviptur ökuréttindum eftir ofsaakstur
Allmargir ökumenn hafa verið kærðir fyrir of hraðan
akstur í umdæmi lögreglunnar á Suðurnesjum á undan-
förnum dögum. Sá sem hraðast ók mældist á 187 km hraða
á Reykjanesbraut þar sem hámarkshraði er 90 km. Þar
var á ferðinni ökumaður um tvítugt og var hann sviptur
ökuréttindum til bráðabirgða, auk þess sem hans bíður
ákæra vegna brotsins. Annar í þessum hópi var ekki með
ökuskírteini og gat ekki sýnt fram á að hann væri með
ökuréttindi.
Þá var ökumaður tekinn úr umferð vegna gruns um fíkni-
efnaakstur og var viðkomandi með fíkniefni í bílnum.
Í byrjun vikunnar var svo tilkynnt um bifreið sem ekið
var á felgunni eftir Reykjanesbraut. Þegar lögregla mætti á
vettvang var ökumaðurinn að bisa við að skipta um dekk.
Hann reyndist vera undir áhrifum áfengis og fíkniefna að
því er sýnatökur á lögreglustöð staðfestu.
Ungur hjólreiðamaður sem var á ferð í Njarðvík hjólaði
inn í hlið bifreiðar sem var í akstri. Hann slapp ómeiddur.
Miðvikudagur 19. ágúst 2020 // 31. tbl. // 41. árg.
vÍkurFrÉttir á suðurNEsJuM Í 40 ár // 13