Morgunblaðið - 21.05.2020, Blaðsíða 2
2 FRÉTTIRInnlent
MORGUNBLAÐIÐ FIMMTUDAGUR 21. MAÍ 2020
Höskuldur Daði Magnússon
hdm@mbl.is
„Við höfum nýtt tímann meðan það
var lokað til að hressa aðeins upp á
staðinn og klára þessa hugmynd,“
segir Þórður Pálmason veitinga-
maður.
Þórður og eiginkona hans Auður
Kristmannsdóttir hafa ákveðið að
endurvekja hinn vinsæla tónleika-
stað Café Rosenberg sem þau ráku
um árabil en seldu árið 2017.
Rosenberg var á árum áður við
Lækjargötu en húsið eyðilagðist í
bruna árið 2007. Rúmu ári síðar opn-
uðu þau staðinn á ný við Klapparstíg
og ráku við góðan orðstír. Eftir að
þau seldu reksturinn fyrir þremur
árum entist staðurinn aðeins í um
fimm mánuði áður en honum var
lokað.
Hið endurreista Rosenberg verð-
ur við Vesturgötu 3. Þar var antík-
búðin Fríða frænka lengi til húsa en
Þórður og Auður hafa rekið kaffi-
húsið Stofuna þar undanfarin ár.
„Við breytum bara nafninu í Ro-
senberg og hugmyndin er að fara
meira í áttina að því sem gamli stað-
urinn var. Það er komið lítið svið í
kjallarann og þar ættum við að geta
tekið á móti 60-70 manns á tónleika
þegar það verður leyft á ný,“ segir
Þórður.
Margir fastagestir stunduðu
Rosenberg á sínum tíma og stemn-
ingin á tónleikum þar var rómuð.
Þórður játar því að kallað hafi verið
eftir endurreisninni. „Já, bæði tón-
listarmenn og fleiri. Það virðist
vanta aðstöðu í bæinn fyrir minni
tónleika og við ætlum að hafa „ak-
ústík“ fíling á tónlistinni.“
Morgunblaðið/Arnþór Birkisson
Endurreisn Tónleikahald hefst á Café Rosenberg á næstunni. Skortur hefur verið á minni tónleikastöðum í bænum.
Endurvekja fornfrægan
tónleikastað í miðbænum
Café Rosenberg nú við Vesturgötu Rómuð stemning
Morgunblaðið/G.Rúnar
Vertar Þórður Pálmason og Auður
Kristmannsdóttir á Rosenberg.
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Vefverslun: www.donna.is
Erum nú á Facebook: donna ehf
Sími 555 3100 www.donna.is
Honeywell
gæða lofthreinsitæki
Hreint loft - betri heilsa
Loftmengun er hættuleg heilsu og
lífsgæðum. Honeywell lofthreinsitæki
eru góð viðmyglu-gróum, bakteríum,
frjókornum, svifryki, lykt og fjarlægir
allt að 99,97% af ofnæmisvaldandi
efnum.
Verð kr.
21.220
Verð kr.
59.100
Verð kr.
37.560Verð kr.
16.890
Helgi Bjarnason
Erla María Markúsdóttir
Lífeyrissjóður verslunarmanna met-
ur hugsanlega þátttöku í hlutafjár-
útboði Icelandair þegar útboðslýsing
liggur fyrir. Stjórnarformaður líf-
eyrissjóðsins segir harðar kjaradeil-
ur félagsins og flugfreyja óheppileg-
ar við þessar aðstæður en telur að
Icelandair eigi enga leið framhjá
samningum við Flugfreyjufélag Ís-
lands.
Flugfreyjufélag Íslands hafnaði í
gær á fundi hjá ríkissáttasemjara
samningstilboði Icelandair sem fé-
lagið sagði lokatilboð sitt. Telur Ice-
landair að ekki verði lengra komist í
viðræðunum. Markmið Icelandair
var að gera breytingar á ákvæðum
samninga til að skapa grundvöll til
hagræðingar, á svipuðum nótum og
samið hefur verið um við flugmenn
og flugvirkja.
Sama dagskrá hluthafafundar
Fram hefur komið að slíkir samn-
ingar eru forsenda þess að félagið
geti farið í hlutafjárútboð á næst-
unni. Boðað hefur verið til hluthafa-
fundar á morgun þar sem á dagskrá
er tillaga um hækkun hlutafjár.
Fram hefur komið að ætlunin er að
safna allt að 200 milljónum Banda-
ríkjadala sem svarar til nærri 29
milljarða króna. Samkvæmt upplýs-
ingum frá félaginu er dagskrá fund-
arins óbreytt, þrátt fyrir að viðræð-
um við flugfreyjur hafi verið slitið.
Íslenskir lífeyrissjóðir eru stórir
hluthafar í Icelandair og er Lífeyr-
issjóður verslunarmanna þeirra
stærstur. Stefán Sveinbjörnsson,
formaður stjórnar sjóðsins, segir að
þátttaka lífeyrissjóðsins í hlutafjár-
útboðinu verði metin þegar útboðs-
lýsing liggur fyrir. Nánar spurður
um líkurnar á þátttöku segir hann
ómögulegt um þær að segja. Þær
upplýsingar sem liggi fyrir um
hvernig reksturinn verður séu óljós-
ar. Bíða verði eftir útboðslýsingu þar
sem áætlanir félagsins verði skýrð-
ar. Spurður um aðkomu lífeyris-
sjóðsins í aðdraganda útboðslýsing-
arinnar segir Stefán að hún hafi
engin verið og sjóðurinn ekki sett
nein skilyrði fyrir þátttöku.
Skiptar skoðanir um leikreglur
Stefán er framkvæmdastjóri VR
og fulltrúi félagsins í stjórn lífeyr-
issjóðsins. Spurður um áhrif harðra
kjaradeilna Icelandair og Flug-
freyjufélags Íslands í aðdraganda
hlutafjárútboðsins segir hann þær
óheppilegar. Spurður um afstöðu til
útboðsins ef Icelandair ræður flug-
freyjur á öðrum samningum segir
hann það ekki raunhæft. Félagar í
Flugfreyjufélaginu hafi forgang til
starfa þar samkvæmt gildandi kjara-
samningum.
Guðlaug Líney Jóhannsdóttir, for-
maður Flugfreyjufélags Íslands
(FFÍ), segir að lokatilboð Icelandair
feli í sér afarkosti. Það tíðkist ekki
almennt í kjaraviðræðum á Íslandi.
ASÍ telur að lífeyrissjóðum sé ekki
stætt á að fjárfesta í fyrirtækjum
sem ganga gegn leikreglum á ís-
lenskum vinnumarkaði.
Bogi Nils Bogason, forstjóri Ice-
landair, segir að félagið hafi farið eft-
ir settum leikreglum á íslenskum
vinnumarkaði með því að gera samn-
inganefnd flugfreyja lokatilboð.
Segir hann að hluthafafundurinn
verði haldinn á morgun og þar verði
farið yfir stöðu samningaviðræðna.
Bendir hann á að gengið hafi verið
frá samningum við tvær af þessum
mikilvægu flugstéttum en einn
samningur sé ókláraður.
Bíða eftir útboðslýsingu Icelandair
Lífeyrissjóður verslunarmanna tekur afstöðu til fjárfestingar þegar áætlanir Icelandair liggja fyrir
Deilur við Flugfreyjufélagið taldar óheppilegar Farið yfir stöðuna á hluthafafundinum á morgun
Morgunblaðið/Eggert
Erfitt Lítil verkefni eru nú hjá Icelandair og starfsmönnum félagsins og standa þotur félagsins á Keflavíkurflugvelli.
Leit að skipverjanum sem talið er að
hafi fallið fyrir borð af fiskiskipinu
Erling KE-140 í Vopnafirði á mánu-
daginn bar engan árangur gær.
Hætta þurfti leitinni um kvöldmat-
arleytið, en veður fór þá versnandi í
Vopnafirði og var talsverður sjó-
gangur vegna vinds.
Samkvæmt tilkynningu lögregl-
unnar voru fimm leitarhópar að
störfum í gær, bæði á sjó og á landi.
Voru gengnar fjörur frá Tanga-
sporði að Sandvík auk þess sem leit-
að var í sandfjörum í Sandvík.
Jón Sigurðsson, formaður björg-
unarsveitarinnar Vopna, sagði við
mbl.is í gær að leitin hefði verið
nokkuð umfangsminni en síðustu
daga, en björgunarsveitin hyggst
halda áfram leit í dag.
„Það er bara farið yfir svæðin aft-
ur og aftur. Við leituðum í þaula á
svæðinu í [fyrradag], með gríðarleg-
um mannskap, til að útiloka að hann
væri kominn upp í fjöru einhvers
staðar. Við leitum í minni hópum
núna og bætum síðan í að nýju um
helgina, sama svæði aftur og aftur,“
sagði Jón, en hann telur að veður-
skilyrði til leitar verði aftur orðin
góð í dag.
Leitin bar engan
árangur í gær
Leitinni verður haldið áfram í dag
Ljósmynd/Jón R. Helgason
Leitin Björgunarsveitin Vopni sér
um leitina að skipverjanum.