Morgunblaðið - 13.06.2020, Blaðsíða 45

MENNING 45
MORGUNBLAÐIÐ LAUGARDAGUR 13. JÚNÍ 2020
TÓNLIST
Arnar Eggert Thoroddsen
arnareggert@arnareggert.is
Ég er ánægður með að Guð-mundur Andri skuli hafagefið út þessa plötu. Eitt-
hvað rétt við það. Hann var einn af
viðmælendum mínum þegar ég vann
að doktorsritgerð minni um virkni ís-
lensks tónlistarsamfélags og ekki
kom maður að tómum brunni þegar
við veltum fyrir okkur saman eðli
tónlistarinnar eða
öllu heldur eðli þess
að skapa hana,
koma saman, búa
hana til og flytja.
Mikilvægi hennar í
hversdeginum,
hvernig hún getur þess vegna verið
bara einn af þáttunum í einhverju
stærra mynstri (Guðmundur ræddi
t.d. um það hvað sér þætti vænt um
bílferðina hjá sér og vini sínum á
Spaðaæfingar, nokkuð sem styrkti
vináttuna).
Guðmundur hefur um langa
hríð verið meðlimur í Spöðum sem
var einmitt stofnuð á sínum tíma af
vinum sem sáu fram á þverrandi hitt-
inga vegna yfirvofandi fullorðinsára.
Spaðar hafa gefið út tónlist með
reglubundnum hætti og haldið böll
en hví sólóplata? Og hví nú? Guð-
mundur lýsti tilurð þessa í skemmti-
legri fjasbókarfærslu fyrir stuttu,
sem var eins og venjulega krydduð
hollum skammti af sjálfsháði. Hann
Vísnavinur úr Vogunum
Morgunblaðið/Einar Falur
rekur þar m.a. að hann sé hættur að
skrifa skáldsögur („Ekki viljandi,
heldur hvarf mér gáfan og ég hef
aldrei viljað kreista neitt upp úr mér
en fór að dútla þess í stað við að setja
saman hljóma, oftar en ekki frammi
fyrir Barnaby; hummaði einhverjar
lagleysur yfir alls konar hljómagang
meðan ég fylgdist með einstaklega
óáhugaverðum framgangi mála á
skjánum“.) Ekki gæti ég leikið þetta
eftir enda á ég venjulega fullt í fangi
með margslungið plottið í Barnaby
hvar fimmtán liggja undir grun og
morðin orðin fimm!
Guðmundur setti lögin á band
(tölvu) og bar undir mann og annan
(„Viðbrögðin voru mjög á eina lund:
þögn. Löng þögn. Svo kannski langt
og dræmt júú og jújú, því ekki það?“)
Thoroddsen kom vitanlega til bjarg-
ar, í þessu tilfelli Jón, vinur hans
Nonni, og hann hvatti hann áfram
enda ætt þessi með eindæmum glöð,
geðrík og söngvin. Spaðar og aðrir
komu svo að málum og hjálpuðu vini
sínum með framkvæmdir, Guð-
mundur Ingólfsson, Eyjólfur Guð-
mundsson, Snorri Björn Arnarson,
Aðalgeir Arason og fleiri sem verða
ekki taldir upp hér. Nánari upplýs-
ingar er að finna í efnislegum hljóm-
diski (Dimma gefur út) en tónlistina
má og sækja á Spotify.
Ég er sérstakur áhugamaður
um áhugamennsku í tónlist. Upp-
runalega átti doktorsritgerðin mín
að vera um það einvörðungu. Fólk
sem spilar af áhuga, einlægni og
innri þörf, fyrst og fremst. Í títt-
nefndri færslu segir Guðmundur:
„Þetta er mjög ólíkt því sem ég hef
áður fengist við í músík með hálfum
huga, nema enn er ég amatör. Þetta
er vísnatónlist, einföld og sparleg og
blíðleg held ég …“ og ratast honum
satt orð á munn. Í raun engu við að
bæta. Hljómur plötunnar er þægi-
legur, stofulegur, og lögin öll í þess-
um anda. Melchior og viðlíka
íslenskar þjóðlagasveitir ekki langt
undan, ef við ætlum í einhvern
samanburð. Söngrödd Guðmundar
er vinaleg, varfærin og lágstemmd
og lögin leidd áfram með haglega
ortum textum þar sem okkar maður
er á heimavelli. En hann er ekki í
skrúði eða flóknum líkingum, marg-
ir textarnir eru innilega hversdags-
legir, vangaveltur um lífsins gang;
erilinn og ánægjuna, dýfurnar og
hæðirnar. „Við erum öll með list-
hvötina og misjafnt hvernig hún
finnur sér farveg,“ segir Guðmund-
ur í upphafi færslunnar. Og lykillinn
er alltaf að bregðast við hvötinni,
vera sannur, gera það sem maður
„verður“ að gera. Gott að svo varð í
þessu tilfelli, það er nefnilega ekkert
víst að slíkt klikki eins og mætur
maður sagði eitt sinn.
» Söngrödd Guð-mundar er vinaleg,
varfærin og lágstemmd
og lögin leidd áfram
með haglega ortum
textum þar sem okkar
maður er á heimavelli.
Guðmundur Andri
Thorsson; rithöfundur,
alþingismaður og tón-
listarmaður, gefur hér
út einyrkjaplötuna
Ótrygg er ögurstundin.
Innihaldið vísna- eður
söngvaskáldatónlist, að
skandinavískum hætti.
Hann er hér Guðmundur
Andri Thorsson hefur nú
gefið út fyrstu sólóplötu sína.
Leikarinn Keanu Reeves mun
snúa aftur í hlutverki frelsarans
Neos í fjórðu Matrix-myndinni
sem verður framhald The Matrix
Reloaded og frá The Matrix Re-
volutions sem báðar voru frum-
sýndar árið 2003 en fyrsta myndin
er frá árinu 1999.
Reeves segir í samtali við kvik-
myndaritið Empire að ástæðan
fyrir því að hann hafi slegið til sé
gott handrit Lönu Wachowski,
sem leikstýrði fyrri myndunum
með systur sinni Lilly. Reeves
segir það einu góðu ástæðuna
fyrir því að endurtaka leikinn sem
og þá að fá að vinna á ný með
Wachowski-systrum. Reeves segir
í samtali við Empire að saga
fjórðu myndarinnar sé bæði nær-
andi og merkingarþrungin. Reeves
lék í Matrix-myndunum á móti
Carrie-Anne Moss sem mun einn-
ig snúa aftur. Moss segir það hafa
komið sér bæði verulega og
ánægjulega á óvart að gera ætti
fjórðu myndina.
Matrix 4 verður frumsýnd í maí
á næsta ári og geta aðdáendur því
farið að hlakka til.
Almáttugur Reeves í hlutverki Neos að stöðva byssukúlur í Matrix.
Reeves og Moss sam-
einuð á ný í Matrix 4