Morgunblaðið - 18.07.2020, Blaðsíða 10

VIÐTAL
Þorsteinn Ásgrímsson
thorsteinn@mbl.is
Á síðustu misserum hafa umtals-
verðar breytingar verið gerðar hjá
Borgun, en í mars var greint frá því
að félagið Salt pay hefði keypt sam-
tals 96% hlut í félaginu. Endanlega
var gengið frá kaupunum í síðustu
viku. Þá var forstjóranum skipt út og
settust tveir forstjórar í forstjórastól-
inn í staðinn, þeir Eduardo Pontes og
Marcos Nunes. Báðir eru þeir erlend-
ir ríkisborgarar og að mestu óþekktir
í viðskiptalífinu hér á landi. Helmingi
framkvæmdastjórnarinnar var svo
sagt upp auk nokkurra annarra
starfsmanna,
samtals 10 starfs-
mönnum, en á
móti ætlar Borg-
un að ráða 60 nýja
starfsmenn á
næstu sex mán-
uðum.
Þetta eru nokk-
uð viðamiklar
breytingar hjá
fyrirtæki sem tel-
ur um 130 starfs-
menn í dag eftir uppsagnirnar.
Stjórnendur Salt pay hafa boðað
mikla sókn, meðal annars á erlenda
markaði, en hver er framtíðarsýn
þeirra og hverjir eru þessir fjár-
festar?
Blaðamaður ræddi við Ali Maz-
anderani, stjórnarformann Salt pay,
um áskoranir í fjártæknigeiranum og
hvað það er sem Salt pay telur að
fyrirtækið geti gert öðruvísi í færslu-
hirðingu.
Byrjum samt á að skoða aðeins
bakgrunn þremenninganna. Það
verður ekki sagt að þeir séu óreyndir
þegar kemur að fjártækni og færslu-
hirðingu.
Eduardo hefur stofnað nokkur
fjártæknifyrirtæki í S-Ameríku, en
stærsta verkefnið sem hann kom að
var StoneCo. Var hann meðstofnandi
og forstjóri félagsins meðan það var
byggt upp, eða til ársins 2018 þegar
hann flutti með fjölskyldunni til Evr-
ópu skömmu fyrir skráningu á Nas-
daq-markaðinn í Bandaríkjunum. Fé-
lagið er nú verðmetið á 11,2 milljarða
dala, eða sem nemur um 1.550 millj-
örðum íslenskra króna. Til að setja
það í samhengi er það um þrisvar
sinnum verðmætara en Marel,
stærsta skráða félag á Íslandi.
StoneCo nýtti sér meðal annars
farsímalausnir við greiðslumiðlun í
Brasilíu, en slíkt reyndist gæfusamt í
landi þar sem greiðslukort eru ekki
jafn útbreidd og í Evrópu eða N-
Ameríku. Það vakti meðal annars
mikla athygli þegar Warren Buffett
keypti 8% hlut í félaginu eftir skrán-
ingu.
Ali er ekki alveg ókunnugur Ís-
landi, en hann settist í stjórn Credit-
info fyrir nokkrum árum fyrir hönd
breska fjárfestingafélagsins Actis
sem hafði keypt hlut í félaginu. Sjálf-
ur hefur hann jafnframt fjárfest í
færsluhirðingar- og greiðslu-
fyrirtækjum víða um heim og þá situr
hann í stjórn fyrrnefnds StoneCo og
Network International. Síðarnefnda
félagið er leiðandi í greiðslumiðlun í
Mið-Austurlöndunum, verðmetið á
400 milljarða íslenskra króna og er
skráð á markaðinn í London.
Ali kynntist Eduardo í gegnum
StoneCo og þegar Eduardo flutti til
Evrópu ákváðu þeir saman að stofna
Salt pay með það að markmiði að
byggja á hugmyndafræði StoneCo
við uppbyggingu á færsluhirðingar-
og greiðslumiðlunarfyrirtæki hér á
landi. Það er þó ekki eini markaður-
inn sem þeir horfa til heldur segir Ali
að Ísland sé hugsað sem stökkpallur
út á Evrópumarkaðinn þar sem félag-
ið vilji verða meðal leiðandi fyrir-
tækja. Eru þeir Eduardo og Ali í for-
svari fyrir fjárfestahópinn á bakvið
Salt pay. Í tengslum við kaupin á
Borgun hefur svo Ali stigið úr stjórn
Creditinfo.
Marcos kom svo til liðs við Salt pay
frá færsluhirðingafyrirtækinu Ba-
bora í Svíþjóð, en hann sá þar um al-
þjóðlega útrás þess. Er hann nú einn
af yfirstjórnendum félagsins og varð
sem slíkur forstjóri Borgunar ásamt
Eduardo. Verða þeir samkvæmt
heimildum mbl.is báðir með aðsetur
hér á landi sem og erlendis. Þre-
menningarnir eru allir ungir að aldri,
eða um og undir fertugu.
Horfa til minni fyrirtækja
En að áformum Salt pay með
Borgun. Hvernig meta þeir stöðuna?
Ali segir að þegar horft sé til raf-
rænna greiðslna sé hlutfall þeirra í
Evrópu og N-Ameríku nokkuð hátt
og að hér á landi megi líklegast finna
lægsta hlutfall heims þegar komi að
notkun seðla við kaup á vörum og
þjónustu. Hann segir Evrópu þó enn
eiga eftir að fara langan veg í þróun
greiðsluþjónustu.
Spurður hvort Salt pay horfi til
þess að færa notkun frekar yfir í síma
en af kortum segir Ali að í raun fari
það bara eftir áhuga notenda. Segir
hann kerfið þar á bak við vera eitt og
hið sama og það sem Salt pay horfi
fyrst og fremst til sé hvernig hægt sé
að byggja upp góða þjónustu við sölu-
aðila og tekur hann sérstaklega fram
að fyrirtækið horfi til minni viðskipta-
vina. „Við viljum vera með þjónustu
sem gagnast eigendum og frum-
kvöðlum sem eru að byggja upp eigin
rekstur og þurfa tækni til þess að
bæta reksturinn.“
Ali segir að meðal annars horfi þeir
til þess að tengja greiðslulausnir við
bókhaldskerfi fyrirtækjanna á ein-
faldan hátt sem og við vörukerfi og
lagermál. Þá segir hann að fyrirtækið
horfi einnig til þess að einfalda minni
fyrirtækjum að nálgast viðskiptavini í
stað þess að auglýsa í gegnum hefð-
bundna auglýsingamiðla. Segir hann
þetta einn anga af þeirri miklu þróun
sem er að verða á fjártæknimark-
aðinum, sérstaklega eftir að opnað
var fyrir opnara flæði upplýsinga úr
bankakerfum.
„Keppinauturinn er óskilvirkni“
En hver er keppinauturinn? Er
Salt pay að horfa til innlendra aðila,
eða eru það evrópsk færsluhirðing-
arfyrirtæki og greiðslugáttir, jafnvel
fyrirtæki eins og WeChat, Apple eða
Facebook? Ali segist ekki vilja nefna
nein sérstök nöfn í þessu samhengi.
„Keppinauturinn er óskilvirkni,“ seg-
ir hann.
Það vakti nokkra athygli þegar fé-
lagið greindi frá því að það ætlaði að
ráða 60 manns á næsta hálfa árinu. Á
vefsíðu félagsins kom meðal annars
fram að starfsfólkið færi í þriggja
mánaða „bootcamp“-þjálfun þar sem
áhersla væri lögð á fjártækni, frum-
kvöðlamennsku o.fl. Þá verður sér-
staklega horft til þess að ráða ungt
fólk beint úr háskóla.
Ekki eru mörg dæmi um sambæri-
lega nálgun hjá fyrirtæki hér á landi
og spurður út í hugsunina á bak við
þetta segir Ali að svipuð aðferðafræði
hafi virkað vel hjá þeim fyrirtækjum
sem þeir Eduardo hafi komið að því
að byggja upp.
Stórlaxar á bak við breytingar
 Horfa til rafrænna greiðslna  Stjórnarformaður Salt Pay, sem keypti Borgun, stofnaði fyrirtæki
sem er metið á 1.550 milljarða  Vilja ráða ungt fólk sem sent verður í „bootcamp“-þjálfun
Morgunblaðið/Árni Sæberg
Höfuðstöðvar Borgunar Borgun sagði nýverið tíu manns upp störfum en fyrirtækið ætlar að ráða sextíu nýja
starfsmenn í stað þeirra tíu sem tóku pokann sinn. Helst verður ungt fólk sem nýkomið er úr háskóla ráðið.
Ali
Mazanderani
Lengri útgáfa af viðtalinu
verður birt á mbl.is.
mbl.is
10 FRÉTTIRInnlent
MORGUNBLAÐIÐ LAUGARDAGUR 18. JÚLÍ 2020
„Landsbyggðin er full af fólki þessa
dagana, Íslendingum á ferðalagi.
Það er bjart yfir akkúrat í augna-
blikinu. Staðreyndin er samt sú að
það óttast allir haustið og veturinn
og hvað gerist þá,“ sagði Aldís Haf-
steinsdóttir, formaður Sambands ís-
lenskra sveitarfélaga.
Stjórnvöld settu á fót samráðs-
teymi til að meta ástand og horfur
vegna hruns ferðaþjónustunnar í
kórónuveirufaraldrinum. Aldís sagði
að sveitarfélög sem talin voru standa
hvað höllustum fæti hefðu verið
heimsótt í vor. Staða þeirra var mjög
ólík.
„Það er staðreynd að staða sveit-
arfélaganna var misjöfn fyrir kór-
ónuveirufaraldurinn. Það endur-
speglast líka í stöðu þeirra núna. Við
höfum fyrst og fremst verið að vakta
og fylgjast með. Það er þá hægt að
grípa inn í ef á þarf að halda. Það
voru settar 150 milljónir í þessa
vinnu sem er hægt að nýta. En það
liggur fyrir að sum sveitarfélög
þurfa kannski minna á þessari að-
stoð að halda en önnur,“ sagði Aldís.
Hún sagði að hafist yrði handa aftur
við þessa vinnu af fullum krafti þeg-
ar nær drægi hausti og sumarleyfum
lyki.
Ljóst er að öll
sveitarfélög
munu fá minni út-
svarstekjur á
þessu ári en gert
var ráð fyrir og
þannig verða fyr-
ir tekjutapi.
„Það er útlit
fyrir að útsvar-
stekjur þessa árs
verði um einu
prósenti hærri en við fengum árið
2019. Öll von um meiri hækkun, sem
við gerðum ráð fyrir í fjárhagsáætl-
unum, er farin og gott betur,“ sagði
Aldís. „Við munum heldur ekki sjá
hvaða áhrif langtímaatvinnuleysi
hefur fyrr en seinna. Það er þegar
fólk dettur út af hlutabótum og
tekjutengdum atvinnuleysisbótum.“
Byggðastofnun tók saman minnis-
blað í vor. Þar kom fram að sveitar-
félög sem talin voru verða fyrir hvað
þyngstu efnahagslegu höggi vegna
hruns ferðaþjónustunnar voru Mýr-
dalshreppur, Skaftárhreppur,
Skútustaðahreppur, Bláskóga-
byggð, Sveitarfélagið Hornafjörður,
Reykjanesbær, Rangárþing eystra,
Suðurnesjabær og Sveitarfélagið
Vogar. gudni@mbl.is
Óttast haustið
og veturinn
 Staða sveitarfélaga er mjög misjöfn
Aldís
Hafsteinsdóttir