Morgunblaðið - 18.07.2020, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 18. JÚLÍ 2020
Við Fellsmúla | Sími: 585 2888
ÚRVAL ÚTILJÓSA
Sigtryggur Sigtryggsson
sisi@mbl.is
Starfsemi umboðsmanns borgarbúa
og starf persónuverndarfulltrúa
hefur verið fært til innri endurskoð-
unar Reykjavíkurborgar frá og með
þessum mánuði. Er þetta í sam-
ræmi við þá samþykkt borgarráðs
að sameina eftirlitseiningarnar með
það að markmiði að einfalda og um
leið styrkja starfsemi og skipulag
þeirra aðila sem sinna eftirliti með
starfsemi og stjórnsýslu Reykjavík-
urborgar, að því er fram kemur í
tilkynningu frá borginni. Þar er
jafnframt upplýst að Ingi B.
Poulsen, sem var umboðsmaður
borgarbúa, hafi látið af störfum.
Innri endurskoðanda var falið að
ganga frá breytingum á störfum og
innleiða skipulag í samræmi við
samþykkta áætlun sem fól í sér
stofnun tveggja fagsviða innan innri
endurskoðunar; ráðgjöf og innri
endurskoðun.
Dagbjört Hákonardóttir verður
fagstjóri ráðgjafar en hún hefur
starfað sem persónuverndarfulltrúi
Reykjavíkurborgar síðan 2018 í
samræmi við nýja persónuvernd-
arlöggjöf. Undir fagsvið ráðgjafar
falla verkefni persónuverndar og
verkefni sem umboðsmaður borg-
arbúa hafði áður með höndum.
Anna Margrét Jóhannesdóttir
verður fagstjóri innri endurskoð-
unar og staðgengill innri endur-
skoðanda. Hún hefur starfað hjá
innri endurskoðun síðan 2004 og
sem verkefnastjóri úttekta og stað-
gengill innri endurskoðanda síðan
2010. Undir fagsvið innri endur-
skoðunar falla úttektir á innra eft-
irliti, áhættustýringu og stjórn-
arháttum samkvæmt innri endur-
skoðunaráætlun auk frumkvæðis-
verkefna.
Hallur Símonarson er innri end-
urskoðandi Reykjavíkurborgar.
Hann mun hafa áætlanagerð með
höndum, eftirfylgni með verkefna-
stýringu, fjármál embættisins,
mannauðsmál og mannaforráð. Þá
hefur hann umsjón með uppljóstr-
unargátt innri endurskoðunar. Til
stendur að efla hana og kynna
rækilega en lög um vernd upp-
ljóstrara taka gildi 1. janúar 2021,
segir í tilkynningunni.
Morgunblaðið/Hari
Ráðhúsið Reykjavíkurborg hefur ákveðið að sameina eftirlitseiningar.
Borgin sameinar
eftirlitseiningar
 Fara undir hatt endurskoðanda
 Umboðsmaður borgarbúa hættir
Eitt tilboð barst í það verk að
steypa þekju brimbrjótsins á Bol-
ungarvík, en tilboð voru opnuð hjá
Vegagerðinni í vikunni.
Á síðasta ári fékk fremri hluti
brimbrjótsins nýjan viðlegukant og
í sumar var komið að því að steypa
þekju á þennan hluta brjótsins.
Geirnaglinn ehf., Ísafirði, bauðst til
að vinna verkið fyrir krónur
57.346.300. Var það 88% af áætl-
uðum verktakakostnaði, sem var
rétt rúmar 65 milljónir króna.
sisi@mbl.is
Geirnaglinn bauð einn í brimbrjótinn
Það er ekki auðvelt að hjóla upp íslenskar brekkur.
Belgarnir Jonas Vandergraesen og Gert Maer, sem
ljósmyndari hitti á Hjallahálsi í Barðastrandarsýslu á
vesturleið, voru að minnsta kosti þeirrar skoðunar.
Þeir hafa hjólað um Suðurland og hálendið og ætla nú
að skoða sig um á Vestfjörðum.
Morgunblaðið/Gunnlaugur Albertsson
Þungt fyrir hjóli í brekkunum
Frumútgáfa af Barni náttúrunnar,
fyrstu skáldsögu Halldórs Laxness,
sem út kom 1919, og Nokkrar sögur,
sérprentun á sögu eftir skáldið sem
kom út 1923, eru á meðal verka á
sérstöku Laxnessuppboði sem forn-
bókasalan Bókin og Gallerí Borg
standa fyrir. Alls eru 65 bækur á
uppboðinu sem eru margar hverjar
mikið fágæti. Óskað er eftir til-
boðum í bækurnar á vefnum upp-
bod.is en þær eru til sýnis í húsa-
kynnum Foldar við Rauðarárstíg í
Reykjavík þar sem er opið í dag,
laugardag.
„Stemningin fyrir Laxness er góð,
það sjáum við bæði á heimsóknum á
vefinn og þeim tilboðum sem þegar
hafa borist,“ segir Ari Gísli Braga-
son, fornbókasali í Bókinni. Ritið
Nokkrar sögur verðmetur hann á 95
þúsund, tilboð hafa þegar borist og
það næsta þarf að vera 120 þúsund
krónur. Aðeins um 200 eintök af
bókinni voru prentuð. Skáldatími,
sem er eins konar uppgjör skáldsins
við kommúnismann, er verðlögð á
9.000 krónur en tilboð í hana eru
talsvert undir því enn sem komið er.
Skáldsagan Barn náttúrunnar er
metin á 65 þús. kr. og tilboð sem fyr-
ir liggja nálgast þá upphæð.
„Á þessu uppboði má segja að all-
ur ferill Laxness sé undir, til dæmis
bæði fyrstu skáldverkin og minn-
ingabækurnar sem komu út í lok fer-
ilsins,“ segir Ari Gísli um uppboð
þetta. sbs@mbl.is
Laxnessstemning
 Fágæt rit á uppboði  Frumútgáfa
af Barni náttúrunnar  Allt er undir
Halldór
Laxness
Ari Gísli
Bragason