Skólavarðan - 2018, Qupperneq 16

16 SKÓLAVARÐAN VOR 2018
Námsgreinarnar sem eru undir eru íslenska,
náttúrufræði og samfélagsgreinar og
upplýsingatæknin er nýtt í gegnum allt
ferlið hjá nemendum. Mikil áhersla er á
ritun og fjölbreytta notkun íslenskunnar í
allri vinnunni. Þetta er fyrsti veturinn sem
verkefnið fer formlega í gang og taka níundi
og tíundi bekkur þátt. Þeir tímar sem áður
voru merktir sem íslenska, samfélagsfræði
og náttúrufræði í stundatöflu eru nú undir
heitinu Smiðja og telja 15 tíma á viku. Inn
í þetta bætast tímar sem voru bundið val
áður. Verkefnið í heild sinni ber nafnið
Smiðja í skapandi skólastarfi en orðið
Sprellifix er notað yfir þemabundnu loturn­
ar sem námið fer fram í. Erfitt er að útskýra
orðið sjálft en það hefur sérstaka merkingu
fyrir alla þá sem koma að Smiðjunni.
Kennararnir vildu nota nýtt orð sem
hefði ekki fyrir fram gefið gildi í skólastarfi.
Þeir vildu t.d. hvorki nota orðin þema
eða lota enda hefur Sprellifix merkingu
sem inniheldur hvort tveggja og meira
til. Sprellifix er tveggja til fjögurra vikna
lota þar sem unnið er eftir ákveðnu þema.
Nú á vordögum eru nemendur að vinna í
Sprellifixinu stuð, stuð, stuð í 10. bekk þar
sem þemað er rafmagn og hljóð og fókusinn
er í grunninn á eðlisfræðiþáttinn þó að
samfélag, hönnun og listir fléttist þar inn. Í
níunda bekk er í Sprellifixinu heimsyfirráð
eða dauði með áherslu á síðari heimsstyrj­
öldina. Út frá þessum þemum eru unnin
fjölbreytt verkefni, rannsóknir og tilraunir
sem þjálfa ýmsa og ólíka færni.
Björgvin Ívar Guðbrandsson, kennari
í Langholtsskóla, er hluti af teymi kennara
ásamt Hjalta Halldórssyni, Söndru Ýr
Andrésdóttur og Dögg Láru Sigurgeirsdóttur
sem eru að innleiða nýja kennsluhætti
undir heitinu Smiðja. Björgvin var í viðtali
við Skólavörðuna fyrir fimm árum þar
sem hann fjallaði um tengsl sköpunar og
upplýsingatækni í Langholtsskóla. Á þessum
fimm árum hefur þróunin orðið mikil og í
raun má segja að skipulagið í dag sé sprottið
úr vinnunni sem fjallað var um þá, þeirri
vinnu sem farið hefur fram í skólanum
við innleiðingu á nýrri námskrá og nýju
námsmati og öðrum verkefnum sem aðrir
kennarar við Langholtsskóla hafa þróað og
sett í gang og hafa á einn eða annan hátt
gengið út á samþættingu námsgreina og
teymisvinnu kennara. Í Smiðju er þetta allt
sett saman í einn heildarpakka.
Fyrir fimm árum lagði Björgvin áherslu
á að nýta upplýsingatækni í kennslu og
láta hana renna saman við annað nám. Í
dag er upplýsingatæknin tekin inn í aðrar
námsgreinar og lykillinn að þeirri vinnu er
að nemendur hafi góðan aðgang að nýjustu
tækni. Nemendur í níunda og tíunda bekk í
Langholtsskóla eru allir með iPad og á næsta
ári verður öll unglingadeildin komin með
þá. Allt er rafrænt í Smiðju og kennslukerfið
er Google Classroom en í því eru verkefnin
lögð fyrir og þeim skilað.
Nemandinn temji sér skapandi og
gagnrýna hugsun
„Um er að ræða verkefnatengda nálgun en
hvert Sprellifix nær yfir 2-4 vikur. Nem­
endur fá ákveðinn fjölda skylduverkefna en
einnig útbúa kennarar 15­20 valverkefni
og þurfa nemendur að velja að lágmarki
tvö þeirra. Í vinnunni er áhersla lögð á að
nemandinn öðlist skilning á þeim hugtök­
um og þeim efnisatriðum sem liggja fyrir og
Nemendur vaxa, verða að
eldflaugum!
Smiðjan í Langholtsskóla er verkefni sem gengur út á að samþætta námsgreinar og auka samstarf á milli
nemenda og kennara í náminu. Lögð er áhersla á lykilhæfni og sköpun í gegnum öll verkefnin. Nemendur
finna að þeir eru að glíma við raunveruleg verkefni og að þeir hafa eitthvað um verkefnin að segja.
Námsmatið er þannig að nemandinn fær svokallað hæfnikort sem hann getur
fylgst með í Mentor og þar fær hann ítarlega greiningu á stöðu sinni í náminu.
Hann getur þá ávallt bætt sig í ákveðnum flokkum.
Björgvin Ívar Guðbrandsson, kennari í Langholtsskóla, notar nýjustu tækni við kennslu í Sprellifixi.
Þar er upplýsingatæknin tekin inn í aðrar námsgreinar og lykillinn að þeirri vinnu er að nemendur
hafi góðan aðgang að nýjustu tækni.