Skólavarðan - 2018, Blaðsíða 22

22 SKÓLAVARÐAN VOR 2018
Verðum að vera
skapandi í öllu
sem við gerum
Lára Stefánsdóttir hefur verið við stjórnvölinn í Mennta-
skólanum á Tröllaskaga frá því skólinn var settur á
laggirnar árið 2010. Í skólanum eru á fjórða hundrað
nemendur og þrjátíu starfsmenn. Skólinn hefur þrjú ár
í röð verið valinn „stofnun ársins“ og síðastliðið haust
var Lára valin skólameistari ársins í könnun sem Félag
framhaldsskólakennara gerði meðal félagsmanna.
Skólavarðan heimsótti Ólafsfjörð á fallegum vetrardegi í
febrúar og spurði Láru skólameistara hvernig hefði verið
að stofna menntaskóla frá grunni og hver væri lykillinn
að farsælli skólastjórnun.
„Ég held að svarið við því sé margþætt en mín
skoðun er sú að það skipti máli að þér þyki vænt um
starfsfólkið, viljir hlúa að því og berir hag þess fyrir
brjósti – að starfsfólkið skipti þig í alvörunni máli,“ segir
Lára.
Hún segir mikilvægt að skólastjórnendur séu vak­
andi yfir velferð starfsfólksins. „Þá batnar kennslan og
samskipti kennara og nemenda verða góð. Ef kennurum
líður vel þá endurspeglast það yfirleitt í að nemendum
líður vel. Annað sem skiptir mig máli er að mér líður vel
Lára skólameistari segir mikil­
vægt að stjórnendur hlúi vel að
starfsfólkinu, þyki vænt um það
og beri hag þess fyrir brjósti.