Skólavarðan - 2018, Síða 38

38 SKÓLAVARÐAN VOR 2018
Nemendur á hönnunar­ og nýsköpunarbraut
Tækniskólans unnu að verkefni í samstarfi
við Kennarasambandið fyrr á þessu ári.
Verkefnið var að hanna forsíðu Handbókar
kennara 2018-2019 og skiluðu nemendurnir
frábæru verki. Engan grunaði þá að útgáfu
Handbókarinnar yrði hætt en ákvörðun þess
efnis var tekin á sjöunda þingi KÍ, sem fram
fór í apríl, en þingið er æðsta vald í málefn­
um kennarasamtakanna.
Þótt ekki verði af útgáfu Handbókar
kennara á þessu kjörtímabili standa forsíðu­
myndirnar fyrir sínu og nemendurnir fengu
þjálfun í að vinna raunhæft verkefni. Ólavía
Rún Grímsdóttir hlaut verðlaun fyrir bestu
forsíðumyndina, þá sem hefði prýtt nýja
handbók. Önnur og þriðju verðlaun komu
sameiginlega í hlut Katrínar Árnadóttur og
Mary Jemrio Soriano Malana. Nemendurnir
eiga allir hrós skilið fyrir vandaða og faglega
vinnu.
Skólavarðan settist niður með þeim
Helgu Guðrúnu og Þórdísi og forvitnaðist
um þessa stúdentsbraut sem kallast
Hönnunar­ og nýsköpunarbraut.
„Þessi braut er frekar ný af nálinni
en við erum nú á fjórðu önn frá stofnun
hennar. Brautin byggir á hönnunarbrautum
sem voru annars vegar í Tækniskólanum
og hins vegar í Iðnskólanum í Hafnarfirði.
Þegar Tækniskólinn tók yfir skólann í
Hafnarfirði vorum við Þórdís fengnar til að
setja upp þessa braut og byggja hana á nýju
námskránni frá 2011,“ segir Helga Guðrún.
Að setja á stofn nýja námsbraut til
stúdentsprófs er ekki gert á einum degi
og unnu þær Helga Guðrún og Þórdís að
undirbúningi í rúmt ár. „Við nutum mikils
stuðnings stjórnenda skólans og fengum
tíma til að móta hugmyndafræðina sem
býr að baki. Við sáum fljótt að við vildum
nýta skólann betur vegna þess að vinna við
hönnun og nýsköpun fer þvert á greinar.
Þess vegna var hugsunin að nýta verkstæðin
hér í skólanum og þá faglegu þekkingu sem
þar er,“ segir Þórdís.
Verkstæðin sem nemendur Hönnunar­
og nýsköpunarbrautar fá að kynnast eru
gullsmíði, trésmíði, rafmagn, tækniteiknun,
Markmiðið að efla
einstaklinginn eins og
hann er – ekki breyta honum
Verðlaunahafarnir: Ólavía Rún Grímsdóttir hlaut fyrstu verðlaun og stóð til að mynd hennar myndi
prýða Handbók kennara 2018­2019. Katrín Árnadóttir og Mary Jemrio Soriano Malana voru jafnar í
2. til 3. sæti. Hægt er að skoða allar myndirnar á vef Skólavörðunnar, www.skolavardan.is.
Aftari röð frá vinstri: Þórdís Zoëga, Katrín Árnadóttir, Valbjörg Rúna Björgvinsdóttir, Hrafnhildur
Karlsdóttir, Seifur Logi Sigurbjörnsson, Ólavía Rún Grímsdóttir, Helga Guðrún Helgadóttir. Fremri
röð frá vinstri: Sólrún Garðarsdóttir, Aldís Eva Geirharðsdóttir, Elísabet Praowphilai Torp, Mary
Jemrio Soriano Malana. Myndin var tekin þegar nemendur kynntu hugmyndir sínar.