Skólavarðan - 2017, Blaðsíða 7
VOR 2017 7
Fundir eru óhjákvæmilegur hluti af flestum
störfum í dag og þar er skólastarfið að
sjálfsögðu ekki undanskilið. Í könnun sem
Kennarasambandið lét gera nýlega kom í
ljós að félagsmenn sitja að jafnaði tólf til
tuttugu fundi í mánuði. Mat þeirra sjálfra
er að aðeins um 10 prósent fundanna séu
skilvirk.
Aðalheiður Steingrímsdóttir, varafor-
maður Kennarasambandsins og formaður
fræðslunefndar KÍ, segir að margir hafi bent
nefndinni á að gagnlegt væri ef nefndin léti
vinna fræðsluefni um hvernig hægt væri að
gera fundi bæði skilvirkari og betri. Nefndin
tók að sjálfsögðu vel í þær ábendingar og
síðasta vor var farið að leggja drög að slíku
kennsluefni.
„Undanfarin ár hefur fræðslunefndin
verið með árleg fræðslunámskeið fyrir
forystusveit KÍ og aðildarfélaga til að
veita fólki stuðning í félagsstörfunum. Á
námskeiðunum er fólk beðið að leggja mat
á fræðsluna og koma með ábendingar um
atriði sem það telur sig hafa þörf fyrir að
fá fræðslu um. Þannig urðu þessi mynd-
bönd til, en tilgangur þeirra er fræðsla
um praktísk atriði fyrir alla félagsmenn,
hvort sem það viðkemur fundastússi og
ræðuhöldum í félagsstarfinu eða í skólastarf-
inu“ segir Aðalheiður. „Við vonum að þetta
efni komi að tilætluðum notum.“
Fræðslunefndin fékk Gunnar Jónatans-
son hjá ráðgjafafyrirtækinu IBT til að vinna
fræðsluefnið, sem er í formi tólf stuttra
myndbanda. Í þeim er meðal annars farið
yfir það hvenær ástæða er til að halda fundi,
hver beri ábyrgð á að fundur skili árangri og
hverja skal boða á fundi. Sérstök myndbönd
voru einnig unnin um framkomu á fundum.
Myndböndin eru aðgengileg á heima-
síðu Kennarasambandsins og eru félags-
menn hvattir til að nýta sér efni þeirra.
LEIðIR TIL Að STYTTA FUNDI
OG GERA ÞÁ HNITMIðAðRI
Gunnar Jónatansson hjá IBT leiðbeinir félagsmönnum KÍ við að stytta fundi í félagsstarfi og skóla-
starfi, gera þá markvissari og tryggja að allir fundarmenn hafi hag af hverjum einasta fundi, í tólf
myndböndum sem nú eru aðgengileg á heimasíðu Kennarasambands Íslands.
FRÉTTIR
Í byrjun ársins var félagsmönnum Kennara-
sambandsins send könnun þar sem spurt
var út í þjónustu Orlofssjóðs KÍ. Spurn-
ingarnar voru sendar rafrænt og við þeim
bárust rétt rúmlega 2.600 svör.
Þar kemur fram að um áttatíu og átta
prósent félagsmanna KÍ hafa á einhverjum
tímapunkti nýtt sér þá þjónustu sem
Orlofssjóður býður upp á. Af þeim sögðust
rétt tæplega 78% ánægð eða mjög ánægð
með þá þjónustu sem veitt var.
Aðrar helstu niðurstöður eru meðal
annars þær að félagsmenn virðast almennt
sáttir við þann fjölda sumarhúsa sem
Orlofssjóður á, og sömu sögu má segja um
orlofsíbúðir sjóðsins í Reykjavík. Lögð var
áhersla á að spyrja hversu margir félags-
manna vildu fjölga þeim húsum þar sem
gæludýr eru leyfð. Tæp 25% þátttakenda í
könnuninni töldu að fjölga ætti þessum hús-
um, meðan rúmlega 52% sögðust mótfallin
því. Þegar spurt var út í umfang þjónustu
Orlofssjóðs KÍ töldu rúmlega 40% þátttak-
enda það vera passlegt meðan rúmlega 33%
töldu það of lítið. Enn fremur eru tæplega
75% félagsmanna KÍ ánægð eða mjög ánægð
með Ferðablað Orlofssjóðs.
Niðurstöður könnunarinnar verða
nýttar á næstu misserum til að þróa og bæta
þá þjónustu sem Orlofssjóður Kennarasam-
bands Íslands veitir.
MIKIL ÁNÆGJA MEð
ÞJóNUSTU ORLOFSSJóðS KÍ
Mikill meirihluti félagsmanna KÍ er ánægður með
Ferðablað Orlofssjóðs samkvæmt könnun sem
gerð var í byrjun ársins.