Skólavarðan - 2017, Blaðsíða 21

VOR 2017 21
Kolbrún Svala Hjaltadóttir er að
eigin sögn í mjög skemmtilegu
starfi, en hún vinnur sem
kennsluráðgjafi í tölvu- og upplýs-
ingatækni í Flataskóla í Garðabæ.
Kolbrún hefur unnið ötullega að
Evrópuverkefnum, einkum á sviði
eTwinning en það eru verkefni og
samstarf sem fara fram á netinu.
Alls hafa 43 eTwinning-verkefni verið unnin
í Flataskóla síðustu níu árin og fjögur í
viðbót eru í gangi á þessari önn. eTwinning
er stór skólaheimur og verður ekki útskýrð-
ur í einni setningu.
Það eru um 460 þúsund kennarar
skráðir á vefinn og tæplega 18 þúsund skólar
sem taka þátt í eTwinning. Frá upphafsár-
inu 2005 hafa verið unnin um 58 þúsund
verkefni innan eTwinning.
Á vef eTwinning segir að um sé að ræða
„aðgengilegt skólasamfélag á netinu þar sem
hægt er að komast í samband við evrópska
kennara og skólafólk, taka þátt í einföldum
samstarfsverkefnum og sækja sér endur-
menntun á vinnustofum og námskeiðum
með hjálp upplýsingatækninnar.“
Tveir eða fleiri skólar vinna saman að
ákveðnu verkefni og segir Kolbrún Svala að
verkefnin geti verið allt frá því að standa yfir
í einn dag og upp í kannski tvö ár.
„Eitt vinsælasta eTwinning-verkefnið
í Flataskóla er án vafa söngvakeppnin sem
ber yfirskriftina Schoolovision og er í sama
dúr og Eurovision. Við erum svo heppin að
vera þátttakendur í keppninni því aðeins
einn skóli í hverju Evrópulandi fær að taka
þátt. Verkefnið er í raun þannig að þátttöku-
skólarnir senda lag á myndbandi og greiða
hinir þátttökuskólarnir öllum atkvæði og
svo er bein útsending á föstudeginum fyrir
lokakeppni Eurovision um hvaða röð er á
skólunum. Stigagjöf er í anda Eurovision og
krakkarnir hafa mjög gaman að þessu. Þetta
varð til þess að við höldum undankeppni
hér í skólanum til að velja framlag skólans,“
segir Kolbrún.
Fyrstu bekkingar senda refinn til
Evrópu
Hún tekur dæmi af öðru verkefni sem er
í gangi í 1. bekk en þar eru börnin að læra
um villt dýr. „Þau eru að læra um refinn og
hafa búið til upplýsingaspjald með mynd
af refnum og ýmsum upplýsingum. Í
NóTT ER FRAMLAG FLATASKóLA Í SCHOOLOvISION
Flataskóli hefur átta sinnum tekið þátt í eTwinning-verkefni sem kallast Schoolovision.
Um er að ræða nokkurs konar eftirlíkingu af Söngvakeppni evrópskra sjónvarpsstöðva og
taka meira en þrjátíu þjóðir þátt á ári hverju; einn skóli í hverju Evrópulandi.
Til þess að velja framlag til Schoolovision er haldin forkeppni sem að sjálfsögðu er
kölluð Flatóvision. Nemendur í 4. til 7. bekk taka þátt og tvö atriði úr hverjum árgangi
keppa. Dómnefnd velur svo besta
lagið og það fer áfram í Schoolovision
sem er haldin að morgni föstudagsins
fyrir úrslitakvöld Söngvakeppni
evrópskra sjónvarpsstöðva.
Þær Fríða Margrét Almarsdóttir
og Birna Dís Eymundsdóttir í 7. bekk
segja söngvakeppnina skemmtilega
í alla staði og hún lífgi mjög upp á
skólastarfið. Oft fari mikil vinna í
undirbúning fyrir Flatóvision og þá
eru frímínúturnar notaðar vel og svo
æft heima hjá einhverjum nemandan-
um. Fríða segir kennara aðstoða við
undirbúning og tónmenntakennarinn
hefur til dæmis leikið undir þegar ekki fannst undirspil með lagi.
„Reglan er sú að lögin verða að vera íslensk og það er bannað að „mæma“ og hafa
stuðningsraddir á bandi,“ segir Birna Dís.
Þær Fríða Margrét og Birna Dís eru sammála um að umstangið í kringum söngva-
keppnina sé lærdómsríkt og þroskandi. Aðspurðar hvað þær hafi helst lært af verkefninu
segja þær að það sé samvinna og gildi þess að vinna í hóp. „Við lærum að vinna saman
og standa saman sem hópur. Stundum þarf að finna lausn þegar einum finnst dans of
erfiður en öðrum léttur. Þá tölum við saman og ákveðum hvað sé best að gera,“ segir Fríða
Margrét.
Framlag Flataskóla þetta árið er lagið Nótt eftir Svein Rúnar Sigurðsson sem Aron
Hannes flutti eftirminnilega í Söngvakeppni RÚV fyrr á árinu. Nemendur í 6. bekk
útbjuggu myndband með laginu þar sem einnig var leitast við að kynna helsta umhverfi
skólans. Úrslitin verða svo tilkynnt á veffundi föstudaginn 12. maí en þá verða nemendur
í öllum skólunum búnir að gefa myndböndunum stig að hætti Eurovision. Það er mikil
stemning þegar úrslitin eru tilkynnt í beinni á veffundi í hátíðarsal skólans en þar safnast
nemendur saman og bíða í eftirvæntingu eftir niðurstöðunni. Vonandi gengur þeim vel.
Fríða Margrét Almarsdóttir og Birna Dís Eymunds-
dóttir eru í 7. bekk Flataskóla.
ETWINNING Í HNOTSKURN
eTwinning býður endurgjaldslaust upp á stuðning, rafræn verkfæri og þjónustu til þess að
skólar geti stofnað til samstarfs í lengri eða skemmri tíma á sem einfaldastan hátt.
• Skráningu kennara og skóla fylgir aðgangur að eigin vefsvæði þar sem auðvelt er að
finna samstarfsaðila.
• eTwinning verkefni eru unnin af tveimur eða fleiri kennurum frá mismunandi Evrópu-
löndum. Verkefni geta verið hvernig sem er, stór eða smá og til lengri eða skemmri
tíma, svo framarlega að þau falli að kennsluskrá og uppeldismarkmiðum hvers skóla.
• TwinSpace er eins konar rafræn kennslustofa sem auðveldar vinnuna við verkefnin og
að halda utan um þau. TwinSpace er öruggt svæði sem einungis viðkomandi nemendur
og kennarar hafa aðgang að.
• Allar kennslugreinar eru gjaldgengar í eTwinning.
• Frír aðgangur að ýmis konar veftækjum fylgir þátttöku í eTwinning.
• Sveigjanleiki í fyrirrúmi! Engir umsóknarfrestir, engar skýrslur og (nánast) engar
reglur. Einkunnarorð eTwinning eru: KISS – Keep it Small and Simple.
Heimild: vefsíða Flataskóla, www.flataskoli.is