Skólavarðan - 2017, Blaðsíða 23

VOR 2017 23
Samkvæmt Hagstofu Íslands eru á Íslandi
starfræktir um 480 leik-, grunn- og
framhaldsskólar. Nemendur í skólunum
eru rúmlega 87.000 talsins og kennararnir
tæplega 10.000, og við þá tölu bætast aðrir
starfsmenn skólanna. Til viðbótar við allt
þetta eru síðan tónlistarskólarnir með sína
rúmlega 500 kennara og þúsundir nemenda.
Af því leiðir að um þriðjungur landsmanna
arkar dags daglega í leik,- grunn-, fram-
halds- og tónlistarskóla landsins til náms
eða vinnu. Einhver skyldi ætla að hinir
hefðbundnu fjölmiðlar myndu á einhvern
hátt endurspegla umfang starfsins, en svo er
því miður ekki.
Lengi var það stefna starfsmanna
útgáfusviðs KÍ að reyna að hafa áhrif á
umfjöllun hefðbundnu fjölmiðlanna. Sendar
voru ítrekaðar ábendingar um áhugaverð
verkefni, skemmtilega viðmælendur,
spennandi vinnustaði og möguleg umfjöll-
unarefni. Það verður að segjast eins og er að
sú vinna skilaði því miður oftar en ekki litlu
— hver svo sem ástæðan er.
vefur og sjónvarpsþáttur
Því ákváðu starfsmenn útgáfusviðs einfald-
lega að skipta um stefnu. Í staðinn fyrir
að vekja athygli hefðbundnu fjölmiðlanna
á því metnaðarfulla starfi sem fram fer í
skólunum á degi hverjum var ákveðið að
sleppa milliliðnum og vinna í staðinn efni
um skólana. Slíkt efni birtist nú reglulega á
nýjum skólamálavef sem ber nafn tímarits
Kennarasambandsins, www.skolavardan.is.
Vefurinn hefur síðustu mánuði verið í hægri
en öruggri sókn og er það von þeirra sem að
honum standa að hann verði í framtíðinni
ómissandi upplýsingaveita um allt mögulegt
sem tengist námi, skólum og kennurum.
En útgáfusvið KÍ lét þar ekki staðar
numið heldur var á síðustu vikum ársins
2016 leitað til sjónvarpsstöðvarinnar
Hringbrautar með fyrirspurn um mögulegt
samstarf. Það samtal skilaði sér í átta þátta
sjónvarpsseríu sem bar nafnið „Skólinn
okkar“ en þættirnir voru í umsjón þeirra
Aðalbjörns Sigurðssonar, útgáfu- og kynn-
ingarstjóra KÍ, og Margrétar Marteinsdóttur
fjölmiðlakonu. Í hverjum þætti var tekið
fyrir afmarkað viðfangsefni, en meðal þeirra
voru velferð nemenda, iðn- og tækninám,
sköpun í skólastarfi og skóli framtíðarinnar.
Það hafa allir áhuga
Markmiðið með þáttunum var að sýna fram
á að það væri afar einfalt að vinna fjölbreytt
og skemmtilegt ljósvakaefni úr skólum
landsins. „Það hefði kannski ekki átt að
koma mér á óvart hversu ótrúlega ólíkir
skólarnir eru — en það gerði það samt,“
segir Aðalbjörn Sigurðsson aðspurður um
hvaða lærdóm hann hafi dregið af vinnslu
þáttanna. „Í raun hefði verið hægt að vinna
heilan þátt í hverjum einasta skóla sem var
heimsóttur. Sem sannar enn einu sinni fyrir
mér að í skólunum liggur nánast botnlaus
brunnur af áhugaverðu efni sem fjölmiðlar
landsins ættu að kafa í og vinna upp úr. Mér
sýnist annar lærdómur af vinnslu þáttanna
vera sá að þetta efni vekur mikinn áhuga,
langt út fyrir raðir nemenda og kennara, því
allir landsmenn tengjast skólunum á einn
eða annan hátt. Fyrir utan auðvitað þá sem
starfa beint í skólunum eru allir með ein-
hverjar tengingar, hvort sem þeir eiga börn
eða barnabörn sem ganga í skóla, nú eða
tengjast kennurum og öðrum starfsmönnum
á einn eða annan hátt.“
Þessa dagana standa yfir viðræður
milli starfsmanna KÍ og forsvarsmanna
Hringbrautar um mögulegt framhald á
verkefninu og þar með gerð nýrrar seríu af
„Skólinn okkar“. Þó niðurstaða liggi ekki
ennþá fyrir vilja forsvarsmenn útgáfusviðs
KÍ koma þeim skilaboðum til félagsmanna
að allar ábendingar um áhugaverð umfjöll-
unarefni eru vel þegnar. Tekið er á móti
þeim í netfangið utgafa@ki.is eða í gegnum
Facebook- hópinn „Aukum umræðu um
kennarastarfið“ sem kennarar eru hvattir til
að skrá sig í og taka þar þátt í umræðum.
vEKJUM SJÁLF ATHYGLI Á
ÖFLUGU SKóLASTARFI
KÍ hefur síðustu misseri lagt áherslu á að segja frá því öfluga starfi sem fram fer í skólum landsins. Það
hefur meðal annars verið gert í þáttunum „Skólinn okkar“ á Hringbraut og á vefnum skolavardan.is.
Aðalbjörn Sigurðsson og Margrét Marteinsdóttir í myndveri Hringbrautar ásamt Garðari Cortes og
Chrissie Guðmundsdóttur sem voru viðmælendur í þætti um stöðu tónlistarskólanna.