Skólavarðan - 2017, Blaðsíða 29

VOR 2017 29
Eins og fram kemur í umfjöllun annars
staðar í blaðinu er full ástæða til að hafa
áhyggjur af núverandi og yfirvofandi
kennaraskorti á Íslandi. Kennarasambandið
hefur lengi bent á vandann og leggur mikla
áherslu á að tekið verði á honum. Vegna
þess efndi forysta KÍ til umræðu um málið
á ársfundi Kennarasambandsins 2017, sem
haldinn var á Grand Hótel Reykjavík í lok
mars. Umræðan fór fram í pallborði og hófst
strax að loknu setningarávarpi Þórðar Á.
Hjaltested, formanns KÍ, og hátíðarávarpi
Kristjáns Þórs Júlíussonar, mennta- og
menningarmálaráðherra, en báðir tóku
þátt í umræðunum. Auk þeirra voru við
pallborðið Dagur B. Eggertsson borgarstjóri,
Hrefna Sigurjónsdóttir, framkvæmdastjóri
Heimilis og skóla, og Svandís Ingimundar-
dóttir, skólamálafulltrúi Sambands íslenskra
sveitarfélaga. Umræðunum stjórnaði Aðal-
björn Sigurðsson, útgáfu- og kynningarstjóri
Kennarasambands Íslands.
Allir taki þátt
„Þetta er dæmigert verkefni sem menn
þurfa að setjast saman yfir og ekki drekkja
sér í áhyggjum heldur reyna að teikna
upp einhverja lausn,“ sagði Kristján Þór
Júlíusson þegar allir þátttakendur í pall-
borðinu voru spurðir hvort staðan væri ekki
alvarleg. „En ráðuneytið mun aldrei leysa
þetta eitt, því verður ekkert til að dreifa.
Þannig að kennarar verða að koma að þessu,
Heimili og skóli verða að koma að þessu,
sveitarfélögin verða að koma að þessu, líka
menntamálaráðuneytið og stofnanir þess og
ekki síst þær stofnanir sem bera ábyrgð á
menntun stéttarinnar. Þannig að það er að
ýmsu að hyggja og ég kvíði því ekkert að tak-
ast á við það verkefni, vitandi að þekkingin
á þessum sviðum hér á landi býður upp á að
við ráðum við þessa vinnu. Það er bara mín
GETA KENNARAR SJÁLFUM
SÉR UM KENNT?
Á ársfundi KÍ var fjallað um litla ásókn ungs fólks í kennaranám. Mikið var rætt um að bæta þyrfti ímynd
starfsins – sem veltir upp spurningunni um hvort staðan sé kennurum sjálfum að kenna?
Kennarasambandið hefur lengi bent á núverandi og fyrirsjáanlegan kennaraskort. Málið var rætt á ársfundi KÍ í mars síðastliðnum.