Skólavarðan - 2017, Blaðsíða 42

42 VOR 2017
Lokahátíð Nótunnar – upp-
skeruhátíðar tónlistarskóla
fór fram með pompi og prakt
í Eldborg Hörpu sunnudaginn
2. apríl síðastliðinn. Um 140
tónlistarnemendur víðs vegar
af landinu komu þar fram.
Nótan var fyrst haldin skólaárið 2009-
2010 og er óhætt að segja að hún skipi nú
fastan, og um leið veglegan, sess í starfi
tónlistarskóla á Íslandi. Um 90 tónlistar-
skólar eru starfræktir hér á landi og nem-
endurnir skipta þúsundum. „Með uppskeru-
hátíðinni er kastljósinu beint að samfélagi
tónlistarskóla og tónlistarnemendum veittar
viðurkenningar fyrir afrakstur vinnu sinn-
ar,“ segir á vefsíðu Nótunnar (ki.is/notan).
Tryggvi M. Baldvinsson, forseti tón-
listardeildar Listaháskóla Íslands, afhenti
aðalverðlaun Nótunnar 2017 en þau komu
í hlut Anyu Hrundar Shaddock, nemanda í
Tónlistarskóla Fáskrúðs- og Stöðvarfjarðar.
Tryggvi sagði mikinn heiður að fá að
afhenda verðlaunin. „Þeim sem er gert
kleift að gera tónlistina að ferðafélaga
sínum í gegnum líf – gert mögulegt að gera
tónlistina hluta af sínu daglega lífi – eru
einfaldlega ríkari fyrir vikið,“ sagði Tryggvi
meðal annars í ávarpi sínu. Hann sagði alla
þátttakendur í Nótunni vera sigurvegara
og að stærsta gjöfin í tónlistarnámi væri
tónlistin sjálf.
Hér má sjá nokkrar svipmyndir af
Lokahátíð Nótunnar 2017.
Birgir Stefánsson, Einar Dagur Jónsson, Hanna Ágústa Olgeirsdóttir, Jara Hilmarsdóttir og Salný Vala Óskarsdóttir komu fram sem Kvintett úr Töfraflaut-
unni. Þau eru nemendur í Söngskólanum í Reykjavík. MYNDIR: STYRMIR KÁRI
STÆRSTA GJÖFIN ER
TóNLISTIN SJÁLF