Börn og menning - 01.09.2006, Blaðsíða 28
26
Börn og menning
Harpa Jónsdóttir
Á ferð og flugi
„Tilvera okkar er undarlegt ferðalag ..."
kvað skáldið og víst er að ferðalög um
landið með börn í aftursætinu geta orðið
bæði undarleg og erfið. Börnin missa
fljótt þolinmæðina, mestu Ijúflingar verða
geðvondir og stilltustu systkini rífast út af
smámunum. Svo ég tali nú ekki um bílveikina
og spurninguna eilífu: Erum við ekki að
verða komin. Með góðri skipulagningu og
smá skammti af þolinmæði má koma í
veg fyrir pirringinn og gera ferðalögin
auðveldari og umfram allt skemmtilegri
fyrir alla fjölskylduna.
Bókaútgáfan Mál og menning gaf nýlega út
tvær ferðabækur fyrir börn og fjölskyldufólk,
Ferðabók Fíusólar og Ferðahandbók
fjölskyldunnar. Kristín Helga Gunnarsdóttir
skrifarFerðaóó/cF/usó/arogHalldórBaldursson
myndskreytir. Á baksíðu bókarinnar segir að
með henni vilji Fíasól og vinur hennar Ingólfur
Gaukur kenna krökkum hvernig hægt er að
skemmta sér konunglega í löngum bílferðum
og á ferðalögum yfirleitt. í bókinni eru lýsingar
á alls konar leikjum, myndir til að lita, þrautir,
gátur og sögur.
Bókin er full af gleði og sprelli eins og
fyrri bækur Kristínar um fjörkálfinn Fíusól
og myndirnar eru virkilega skemmtilegar
og lifandi. Leikirnir eru fjölbreyttir, sumir
vel þekktir eins og frúin í Hamborg (bls.
14) og stórfiskaleikur (bls. 27)
og aðrir nýstárlegri svo sem
njósnaleikurinn (bls. 19) og
orðaleikurinn því miður ... en
sem betur fer (bls. 69). í bókinni
er líka lýsing á leiknum gulur bíll
sem ég hélt í einfeldni minni að
mín börn hefðu fundið upp, en svo
reyndist ekki vera.
„Vá, Fíasól," voru viðbrögð átta ára
stúlku þegarégfékkhenni bókina. Hún byrjaði
strax að teikna sjálfsmynd í þar til gerðan
ramma og fylla út uppáhaldslistann (bls. 3).
Eftir að hafa skoðað bókina vandlega var
hennar dómur stuttur og laggóður : „Æði".
Viðbröð drengs á sama aldri voru svipuð,
honum fannst bókin mjög skemmtileg þó
að hún væri um stelpu. Sem sagt, Ferðabók
Fíusólar er fyrirtaks skemmtun, hvort sem er
á ferðalagi, eða bara heima í stofu.
Bjarnheiður Halldórsdóttir og Tómas
Guðmundsson skrifa f sameiningu
Ferðahandbók fjölskyldunnar. í bókinni
benda þau á áhugaverða og fjölskylduvæna
staði þar sem börn og fullorðnir geta unað
sér saman. ( formála bókarinnar segja þau
markmið hennar vera að fá fólk til að skoða,
upplifa, njóta og slaka á úti í guðsgrænni
náttúrunni. í upphafi bókarinnar er gátlisti
fyrir ferðalanga og þar næst koma heilar átta
blaðsíður með umferðarheilræðum. Þegar ég
fletti bókinni fannst mér það vera full mikið
af því góða, en eftir að hafa lesið heilræðin
skipti ég um skoðun og fullyrði að það
sé hverjum ökumanni hollt að lesa þessar
blaðsíður reglulega og
ekki síst áður en lagt
er upp í ferðalög. I
rauninni er mjög
fljótlegt að fjalla
um þessa bók.
Hún er lipurlega
skrifuð, full af
fróðleik og skemmtilegum
ábendingum, þægilega upp sett og auðveld
í notkun. Hún vekur löngun til ferðalaga
og könnunarleiðangra, hvetur til góðrar
umgengni um landið og hentar jafnt ungum
sem öldnum. Þó eru myndirnar í henni of
dökkar margar hverjar og sumar hreinlega
lélegar. Til dæmis virðist Látrabjarg vera
eins og svört klessa (bls. 40) og myndin
af selunum við Ytri-Tungu (bls. 30) finnst
mér varla boðleg í svona bók. Letrið í
meginmáli bókarinnar er smátt og nokkuð
erfitt aflestrar, ekki síst fyrir börn. Þrátt fyrir
það er Ferðahandbók fjölskyldunnar virkilega
eiguleg og gagnleg bók, hvort sem börn eru
með í för eða ekki.
Flöfundur er kennari og textahöfundur