Börn og menning - 01.09.2006, Blaðsíða 37
IBBY fréttir
35
Aðalfundur IBBY - ný stjórn
Þriðjudaginn 30. maí var aðalfundur IBBY
haldinn á veitingahúsinu Lækjarbrekku að
venju. Fráfarandi formaður flutti skýrslu
um starfsemi ársins og gjaldkeri lagði fram
ársreikning. Fyrir lá að nokkrar breytingar
yrðu á verkaskiptingu innan stjórnar félagsins
auk þess sem ritstjóri Barna og menningar
hafði ákveðið að skipta um vettvang. Jónu
Valborgu Árnadóttur voru þökkuð vel unnin
störf í ritnefnd blaðsins en Þórdís Gísladóttir
var boðin velkomin til starfa í ritnefndinni.
Ný IBBY stjórn hóf vetrarstarfið 2006-2007
með fundi þann 7. september og voru lögð
drög að föstum starfsliðum ásamt því að
ný verkefni voru rædd. Skipti stjórnin með
sér verkum sem hér segir: Guðlaug Ríchter,
formaður, Iðunn Steinsdóttir, varaformaður,
Sólveig Ebba Ólafsdóttir, gjaldkeri, Þorbjörg
Karlsdóttir, ritari, Sigríður Matthíasdóttir
norrænt samstarf, Anna Heiða Pálsdóttir,
vefsíðustjóri. Ritnefnd: Þórdís Gísladóttir,
ritstjóri, Brynja Baldursdóttir og Oddný S.
Jónsdóttir.
Sitji guðs englar á Súfistanum
Bókakaffi var haldið á vegum IBBY á
Súfistanum fimmtudagskvöldið 12. október.
Á dagskrá var upplestur úr vinsælum þríleik
Guðrúnar Helgadóttur um barnmarga
fjölskyldu í litlurm firði á stríðsárunum.
Ingibjörg Hafliðadóttir, bókavörður á
Borgarbókasafninu, steig fyrst í pontu.
Áður en hún hóf lesturinn sagði hún á
minnistæðan og opinskáan hátt frá því
hversu djúpstæð áhrif þessar bækur höfðu
haft á hana þegar þær komu út. Næsti lesari
var Þórdís Gísladóttir, ritstjóri, sem flutti
stuttan inngang að sínum lestri um hinn
horfna heim sem lýst er í bókunum. Honum
hafði hún kynnst ofurlítið af eigin raun
þegar hún ólst upp undir klausturveggnum í
Hafnarfirði enda tengd Guðrúnu Helgadóttur
fjölskylduböndum og kunnug fyrirmyndum
sumra sögupersónanna. Þriðji lesarinn var
Silja Aðalsteinsdóttir, ritstjóri, sem valdi
að lesa lokakaflann í Sitji guðs englar.
Sagði hún kaflann vera svo vel skrifaðan og
áhrifamikinn að hún hefði þurft að æfa sig
nokkrum sinnum heima til að fá útrás fyrir
tárin í einrúmi. Sigurður Skúlason, leikari, var
síðasti lesari kvöldsins en hann leikur afann í
uppfærslu Þjóðleikhússins á þessum verkum
Guðrúnar. Sagði hann það skemmtilega
tilhugsun að eiga eftir að stfga inn í hlutverk
blinda og orðljóta mannsins með viðkvæma
hjartað um ókomnar helgar. Súfistinn var
þéttskipaður þetta kvöld og stemningin
einstaklega Ijúf.
Stjórnarskipti á heimsþingi IBBY
samtakanna
Nýr forseti IBBY, Patsy Aldana, sem kosin
var á aðalfundi samtakanna á heimsþinginu
í Macau í Kína í lok september, hefur
sent út eins konar stefnuyfirlýsingu nýrrar
stjórnar. Patsy er bókaútgefandi í Kanada
og gjörþekkir starfsemi IBBY enda hefur hún
áður setið í stjórn samtakanna og starfað á
þeirra vegum. Patsy Aldana sagði í ræðu sem
hún hélt eftir stjórnarkjörið að staða IBBY
væri að mörgu leyti sterkari en oft áður sem
væri kaldhæðnislegt í Ijósi þess að einmitt á
okkar tímum væri staða barna víðs vegar um
heim verri en nokkru sinni frá stofnun IBBY.
Mörg börn búa við ógnir styrjalda, t.d. í
írak, Líbanon, Darfur, Afganistan og á Gaza,
milljónir barna þjást af hungri og önnur búa
við stjórnarfar þar sem grunnþarfir barna
fyrir fæði, húsaskjól, öryggi og menntun eru
vanræktar.
Þetta ástand er alls ekki ásættanlegt fyrir
IBBY enda samtökin á sínum tíma stofnuð
á grundvelli hugsjóna Jellu Lepman sem
vildi reyna að koma í veg fyrir að börn
þyrftu aftur að þola hörmungar á borð við
sfðari heimsstyrjöldina. IBBY getur lagt sitt
lóð á vogarskálarnar með því að stuðla
að því að hvert einasta barn í heiminum
öðlist kunnáttu í lestri. Læs einstaklingur
hefur fleiri tækifæri til að læra um heiminn
og stöðu sína í honum og til þess að
bæta lífsskilyrði sín og annarra. IBBY hyggst
leggja sitt af mörkum með því að stofna
sérstakan sjóð sem notaður verði til að koma
börnum til aðstoðar sem búa á svæðum
þar sem ríkir styrjaldarástand eða svæðum
þar sem geisað hafa náttúruhamfarir. I
kjölfar flóðbylgjunnar sem reið yfir lönd við
Indlandshaf í desember 2004 sendi IBBY út
ákall til landsfélaganna um að leggja fram fé
til að koma systurfélögum á þessum svæðum
til aðstoðar. Vel var brugðist við og sendi
IBBY á íslandi m.a. dálitla fjárhæð. Fénu var
varið í tvö verkefni sem voru unnin annars
vegar á vegum IBBY á Indlandi og hins vegar
í Taílandi. Þeim sem hafa áhuga á að kynna
sér verkefnín nánar er bent á www.ibby.
org. Það er m.a. vegna þess hve vel tókst
til í þessu tilfelli sem IBBY hyggst stofna
hinn nýja sjóð og verður á næstu mánuðum
unnið að því að koma honum á fót.
Haldið verður áfram með öll helstu
verkefni IBBY eins og heimsþingin, H.C.
Andersen verðlaunin, Heiðurslistann, Asahi
verðlaunin og Dag barnabókarinnar. Sérstök
áhersla verður lögð á að allir sem tilnefndir
eru til H.C. Andersen verðlaunanna eigi